တၢ်ကတိၤဒိ. 12:18 - Sgaw Karen Common Bible

¹⁸ တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 12:18 Iomraidhean Croise

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 57:5

ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢမူခိၣ် ဒီးနလၤကပီၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

စံးထီၣ်ပတြၢၤ 64:3

အဝဲသ့ၣ်ကျ့အပျ့ၤတဖၣ်ဒ်နးတဖၣ်အသိး, ဒီးပညိၣ်အတၢ်ကတိၤအအၢအသီတဖၣ် ဒ်ပျၢ်တဖၣ်အသိးန့ၣ်လီၤ.

တၢ်ကတိၤဒိ. 12:17

ဖဲနကတိၤတၢ်မ့ၢ်တၢ်တီန့ၣ်, တၢ်စံၣ်ညီၣ်တီမၤအသးလီၤ. မ့မ့ၢ်တၢ်လီတၢ်ဝ့ၤတဖၣ်ဆှၢတၢ်ဆူတၢ်စံၣ်ညီၣ်လီန့ၣ်လီၤ.

တၢ်ကတိၤဒိ. 13:17

ပှၤစိာ်တၢ်ကစီၣ်လၢတၢ်နာ်န့ၢ်အီၤတသ့တဖၣ်ဒုးအိၣ်ထီၣ်တၢ်ကီတၢ် ခဲလီၤ. မ့မ့ၢ်ပှၤလၢတၢ်နာ်န့ၢ်အီၤသ့တဖၣ်ဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 15:4

တၢ်ကတိၤအမုာ်တဖၣ်န့ၣ်ဟဲစိာ်တၢ်မူလီၤ. မ့မ့ၢ်တၢ်ကတိၤအအၢအသီတဖၣ်မၤသဘှံးနသးလီၤ.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

တၢ်ကတိၤဒိ. 16:24

တၢ်ကတိၤအမုာ်တဖၣ်လီၤဂာ်ဒီးကနဲအခိၣ်ထံလီၤ. ဆၢဝဲလၢထးခိၣ်အဂီၢ်ဒီးဂ့ၤလၢနတၢ်အိၣ်ဆူၣ်အိၣ်ချ့အဂီၢ် လီၤ.

တၢ်ကတိၤဒိ. 25:18

တၢ်အုၣ်အသးကဘျံးကဘျၣ်တမံၤန့ၣ်မၤသံတၢ်သ့ထဲသိးဒီးနးတဘ့ၣ်, တၢ်ဒုးအနီၣ်တီၢ်တဘိ, မ့တမ့ၢ်, ပျၢ်တဘိလၢအခိၣ်စူန့ၣ်လီၤ.

တၢ်ကတိၤဒိ. 4:22

အဝဲသ့ၣ်ကဟ့ၣ်တၢ်မူဒီးတၢ်အိၣ်ဆူၣ်အိၣ်ချ့ဆူပှၤ တဂၤလၢ်လၢ်လၢအသ့ၣ်ညါနၢ်ပၢၢ်အီၤန့ၣ်လီၤ.

လံာ်ဒၤနံးယ့လး 11:33

ဒီးပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်လၢပှၤဂီၢ်မုၢ်အကျါန့ၣ် ကဟ့ၣ်နီၤလီၤအတၢ်ကူၣ်ဘၣ်ကူၣ်သ့ဆူပှၤအါဂၤလီၤ. ပှၤတနီၤလၢအဝဲသ့ၣ်အကျါကဘၣ်တၢ်မၤသံအီၤလၢတၢ်ဒုး တၢ်ယၤအပူၤမ့တမ့ၢ်ကဘၣ်တၢ်ဆူးကဲၤသံအီၤလၢမ့ၣ်အူဒီး တနီၤကဘၣ်တၢ်ဂုာ်ဆူၣ်ပျီဆူၣ်အီၤဒီးဒုးကဲထီၣ်အီၤလၢပှၤဘၣ် တၢ်စၢဃာ်တဖၣ်လီၤ. ဘၣ်ဆၣ်ဒီးကမ့ၢ်ဝဲစှၤနံၤစှၤသီလီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.