တၢ်ကတိၤဒိ. 12:17 - Sgaw Karen Common Bible

¹⁷ ဖဲနကတိၤတၢ်မ့ၢ်တၢ်တီန့ၣ်, တၢ်စံၣ်ညီၣ်တီမၤအသးလီၤ. မ့မ့ၢ်တၢ်လီတၢ်ဝ့ၤတဖၣ်ဆှၢတၢ်ဆူတၢ်စံၣ်ညီၣ်လီန့ၣ်လီၤ.

တၢ်ကတိၤဒိ. 12:17 Iomraidhean Croise

တၢ်ကတိၤဒိ. 12:16

ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 14:25

ပှၤအုၣ်အသးတဂၤလၢအကတိၤတၢ်မ့ၢ်တၢ်တီန့ၣ်, မၤပူၤဖျဲးသးသမူတဖၣ်လီၤ. မ့မ့ၢ်ပှၤကတိၤလီတၢ်တဂၤန့ၣ်, ဆါလီၤအီၣ်ကွံာ်ပှၤဂီၢ်မုၢ်လီၤ.

တၢ်ကတိၤဒိ. 14:5

ပှၤအုၣ်အသးလၢတၢ်နာ်န့ၢ်အီၤသ့တဲတၢ်မ့ၢ်တၢ်တီထီဘိလီၤ. မ့မ့ၢ်, ပှၤလၢတၢ်နာ်န့ၢ်အီၤတသ့ဘၣ်တဂၤတဲဒၣ်ထဲတၢ်လီတၢ်ဝ့ၤ တဖၣ်ဧိၤလီၤ.

တၢ်ကတိၤဒိ. 19:28

လၢအလီၢ်ဖဲပှၤအုၣ်အသးတဂၤပာ်လီၤအသးလၢကမၤဆါပှၤတဂၤဂၤ န့ၣ်, တၢ်စံၣ်ညီၣ်တီတအိၣ်ဘၣ်. ပှၤအအၢအသီ တဖၣ်အဲၣ်တၢ်အၢတၢ်သီအတၢ်ဝံၣ်သိဝံၣ်ဘဲးလီၤ.

တၢ်ကတိၤဒိ. 19:5

နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.

တၢ်ကတိၤဒိ. 21:28

ပှၤလီတၢ်တဂၤအတၢ်အုၣ်အသးန့ၣ်တဘၣ်တၢ်နာ်အီၤဘၣ်. ဘၣ်ဆၣ်ပှၤတဂၤလၢအဆိကမိၣ်ထံတၢ်ဂ့ၤတဖၣ်အတၢ်ကတိၤန့ၣ်, ဘၣ်တၢ်တူၢ်လိာ်အီၤလီၤ.

တၢ်ကတိၤဒိ. 24:28

တၢ်အဂ့ၢ်အခၢးလၢအဂ့ၤအဘၣ်မ့ၢ်တအိၣ်ဘၣ်ဒီး, အုၣ်နသးထီဒါပှၤအဂၤတဂၤ, ဒီးကတိၤတၢ်လၢအကဆှၢ ကမၣ်တၢ်ဘၣ်ဃးဒီးအီၤတဂ့ၤ.

တၢ်ကတိၤဒိ. 6:19

ပှၤအုၣ်အသးလၢကတိၤလီတၢ်တခါဝံၤတခါ, ဒီးပှၤလၢအထိၣ်ဂဲၤ ထီၣ်တၢ်ကီတၢ်ခဲလၢတံၤသကိးတဖၣ်အကျါန့ၣ်လီၤ.

လံာ်စကၤရယၤ 8:16

အအံၤမ့ၢ်တၢ်တဖၣ်လၢသုကဘၣ်မၤန့ၣ်လီၤ. ကတိၤလိာ်သုသးတဂၤဒီးတဂၤလၢတၢ်မ့ၢ်တၢ်တီတက့ၢ်. လၢကွီၢ်ဘျီၣ်တဖၣ်အပူၤန့ၣ်, မၤတၢ်စံၣ်ညီၣ်တီနီၢ်နီၢ်တကလုာ်လၢအဟဲစိာ်တၢ်ဃူတၢ်ဖိးန့ၣ်တ က့ၢ်.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်မးသဲ 26:59

ပှၤလုၢ်တၢ်အခိၣ်အဒိၣ်တဖၣ်, ဒီးကီၣ်ကးဒီဖုညါကျဲးစၢးဃုတၢ်အုၣ်အသးကဘျံးကဘျၣ် ထီဒါယ့ၣ်ၡူးဒ်သိးကမၤသံဘၣ်အီၤအဂီၢ်လီၤ.

မၤတၢ် 6:13

အန့ၣ်ဝံၤအဝဲသ့ၣ်ကိးနုာ်ဝဲပှၤတနီၤလၢကအုၣ်အသးကဘျံး ကဘျၣ်ထီဒါစီၤစတ့းဖၣ်ဒီးပှၤတဖၣ်န့ၣ်စံးဝဲ, “ပှၤတဂၤအံၤထီဘိန့ၣ်စံးကတိၤတၢ်ထီဒါပတၢ်လုၢ်ဟံၣ်စီ ဆှံဒီးတၢ်သိၣ်တၢ်သီလၢပန့ၢ်ဘၣ်ခီဖျိစီၤမိၤၡ့န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.