တၢ်ကတိၤဒိ. 12:16 - Sgaw Karen Common Bible

¹⁶ ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 12:16 Iomraidhean Croise

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 12:17

ဖဲနကတိၤတၢ်မ့ၢ်တၢ်တီန့ၣ်, တၢ်စံၣ်ညီၣ်တီမၤအသးလီၤ. မ့မ့ၢ်တၢ်လီတၢ်ဝ့ၤတဖၣ်ဆှၢတၢ်ဆူတၢ်စံၣ်ညီၣ်လီန့ၣ်လီၤ.

တၢ်ကတိၤဒိ. 14:33

တၢ်ကူၣ်သ့အိၣ်ဝဲလၢပှၤအသူၣ်ဆးသးဆးတဂၤအတၢ်ဆိကမိၣ်ခဲလၢာ် အပူၤလီၤ. ပှၤဟးဂီၤဖိတဖၣ်တသ့ၣ်ညါတၢ်ဘၣ်ဃးဒီးတၢ်ကူၣ်သ့နီတမံၤဘၣ်.

တၢ်ကတိၤဒိ. 16:22

တၢ်ကူၣ်သ့န့ၣ်မ့ၢ်တၢ်မူအထံထီၣ်ပၢၢ်လၢပှၤကူၣ်သ့အဂီၢ်လီၤ. မ့မ့ၢ်တၢ်ကျဲးစၢးသိၣ်လိပှၤဟးဂီၤဖိန့ၣ်, မ့ၢ်တၢ်မၤလၢာ် ကလီတၢ်ဆၢကတီၢ်လီၤ.

တၢ်ကတိၤဒိ. 17:9

နမ့ၢ်အဲၣ်ဒိးပှၤဘၣ်အသးလၢနၤဒီးဖဲအမၤကမၣ်နၤန့ၣ်ပျၢ် အတၢ်ကမၣ်တက့ၢ်. တၢ်သ့ၣ်နီၣ်ထီၣ်တၢ်ကမၣ်တဖၣ်န့ၣ်, မၤလီၤဖးတၢ်ဒီတံၤဒီသကိးသ့ဝဲလီၤ.

တၢ်ကတိၤဒိ. 25:28

နပၢၤဃးနတၢ်သူၣ်ဒိၣ်သးဖျိးမ့ၢ်တန့ၢ်ဘၣ်ဒီး, နမၤစၢၤလီၤနသးတသ့ဘၣ်ဒ်ဝ့ၢ်တဝ့ၢ်လၢအခိၣ်ဒူတအိၣ်, ဒီးအိၣ်အိးထီၣ်အသးလၢတၢ်ဟဲဒုးန့ၢ်အီၤအဂီၢ်အသိးန့ၣ်လီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

တၢ်ကတိၤဒိ. 29:11

ပှၤလၢအသးတဆးတဖၣ်န့ၣ်ပျဲဟးထီၣ်အတၢ်သူၣ်ဒိၣ်သးဖျိးလၢာ်လၢာ် ဆ့ဆ့လီၤ. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးန့ၣ်အသးစူၤဒီးပၢၤ ဃာ်အသးန့ၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.