တၢ်ကတိၤဒိ. 12:13 - Sgaw Karen Common Bible

¹³ ပှၤတတီတလိၤတဂၤန့ၣ်ဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲလီၤ. မ့မ့ၢ်ပှၤအတီအလိၤတဂၤန့ၣ်မၤထူၣ်ဖျဲးထီၣ်အသးလၢတၢ်ကီတၢ် ခဲအပူၤလီၤ.

တၢ်ကတိၤဒိ. 12:13 Iomraidhean Croise

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 4:9

စီၤဒၤဝံးစံးဆၢအဝဲသ့ၣ်, “ယဆိၣ်တၢ်တမံၤလၢယွၤလၢအမူဝဲ, လၢအအုၣ်က့ၤခီၣ်က့ၤယၤလၢကယဲၢ်တၢ်ဘၣ်ယိၣ်ဘၣ်ဘီခဲလၢာ်တဂၤ အမံၤအပူၤလီၤ.

လံာ်စီၤပၤအခီၣ်ထံးတဘ့ၣ် 2:23

အန့ၣ်ဒီး, စီၤၡလိၤမိၤမၤတၢ်အၢၣ်လီၤသမှံၤသပှၢ်တမံၤလၢယွၤ အမံၤအပူၤစံးဝဲ, “ယမ့ၢ်တမၢဘၣ်စီၤအဒိနံၤယၤလၢအက ဟ့ၣ်အသးသမူဒ်တၢ်အပှ့ၤလၢအဃ့ဝဲတမံၤအဃိဘၣ်ဒီး, မ်ကစၢ်ယွၤမၤသံယၤတက့ၢ်.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

စံးထီၣ်ပတြၢၤ 34:20

ယွၤအံးထွဲကွၢ်ထွဲအီၤလၢလၢပှဲၤပှဲၤ, အဃံတဘိဒၣ်လဲာ်တကၢ်ဘၣ်ဝဲဘၣ်.

စံးထီၣ်ပတြၢၤ 5:6

နမၤဟးဂီၤပှၤလၢအကတိၤကဘျံးကဘျၣ်တၢ်လီၤ. ပှၤလၢအအဲၣ်ဒိးတၢ်ဂၢ်သွံၣ်ဂၢ်စီၤ, ဒီးပှၤလီတၢ်သ့ၣ်တဖၣ်န့ၣ် နသးဘၣ်အၢအီၤလီၤ.

စံးထီၣ်ပတြၢၤ 59:12

တၢ်ဒဲးဘးအိၣ်လၢအထးခိၣ်တဖၣ်အလိၤ, အတၢ်ကတိၤခဲလၢာ်မ့ၢ်တၢ်ဒဲးဘးန့ၣ်လီၤ. မ်အဝဲသ့ၣ်ဘၣ်တၢ်ဖီၣ်န့ၢ်အီၤလၢ အတၢ်ပာ်ထီၣ်ထီအသးဒၣ်ဝဲအပူၤန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်ဆိၣ်တၢ်ဒီးလီတၢ်လီၤ.

စံးထီၣ်ပတြၢၤ 59:13

မၤဟးဂီၤကွံာ်အီၤလၢနတၢ်သးထီၣ်အပူၤ, မၤဟးဂီၤကွံာ်အီၤလၢာ်လၢာ်ဆ့ဆ့န့ၣ်တက့ၢ်. အန့ၣ်ဒီးပှၤကိးဂၤဒဲးကသ့ၣ်ညါလၢ ကစၢ်ယွၤပၢတၢ်လၢအံၣ်စရ့လးအပူၤန့ၣ်လီၤ. အတၢ်ပၢအံၤကတုၤဃီၤဆူ ဟီၣ်ခိၣ်ဒီဘ့ၣ်ညါန့ၣ်လီၤ. စ့လၤ

စံးထီၣ်ပတြၢၤ 64:8

လၢအဝဲသ့ၣ်အတၢ်ကတိၤတဖၣ်န့ၣ်အဃိ ယွၤကမၤဟးဂီၤအဝဲသ့ၣ်, ဒီးပှၤလၢအထံၣ်အဝဲသ့ၣ်ခဲလၢာ် ကကျၢၢ်ကျာ်အခိၣ်လီၤ.

တၢ်ကတိၤဒိ. 10:8

ပှၤလၢအသူၣ်ဖးသးဆးန့ၣ်တူၢ်လိာ်တၢ်ဟ့ၣ်ကူၣ်အဂ့ၤလီၤ. ပှၤလၢအကတိၤတၢ်လၢတၢ်သူၣ်တထံသးတဆးအပူၤတဖၣ်န့ၣ်, ကတုၤလၢတၢ်ဟးဂီၤလီၤ.

တၢ်ကတိၤဒိ. 11:8

ပှၤတီပှၤလိၤတဖၣ်ဘၣ်တၢ်မၤပူၤဖျဲးအီၤလၢတၢ်ကီတၢ်ခဲဒီးလၢ အလီၢ်န့ၣ်, တၢ်ကီတၢ်ခဲလီၤဘၣ်ဆူပှၤတတီတလိၤတခီန့ၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 18:21

တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.

တၢ်ကတိၤဒိ. 21:23

နမ့ၢ်အဲၣ်ဒိးပူၤဖျဲးဒီးတၢ်ကီတၢ်ခဲန့ၣ်, ပလီၢ်နသးလၢတၢ်လၢနကတိၤအီၤတက့ၢ်.

တၢ်ကတိၤဒိ. 6:2

မ့ၢ်နဘၣ်တၢ်ဖီၣ်န့ၢ်တ့ၢ်နၤလၢနတၢ်ကတိၤဒၣ်နဲဒီးဘၣ်တ့ၢ်ပျံၤ သကွီၤလၢနတၢ်အၢၣ်လီၤအီလီၤဒၣ်နဲတဖၣ်န့ၣ်ဧါ.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

လံာ်ဒၤနံးယ့လး 6:24

ဒီးစီၤပၤဟ့ၣ်လီၤအကလုၢ်လၢတၢ်ကဖီၣ်ဒီးတ့ၢ်လီၤကွံာ်ပှၤဆှိး ထီၣ်ပာ်တၢ်ကမၣ်လၢစီၤဒၤနံးယ့လးအလိၤတဖၣ်ဃုာ်ဒီးအဖိ အမါတဖၣ်ဆူခ့ယုၢ်အတဝၢအပူၤန့ၣ်လီၤ. ဒီးတချုးလၢအလီၤတုၤ ဆူတၢ်ပူၤအခံဒးဒံးဒၣ်လဲာ်ဘၣ်ဒီးခ့ယုၢ်တဖၣ်စံၣ်ပှီၤလၢ အလိၤဒီးအီၣ်ကွံာ်အီၤတုၤအဃံအကွဲလၢာ်တစုန့ၣ်လီၤ.

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,