တၢ်ကတိၤဒိ. 12:12 - Sgaw Karen Common Bible

¹² ကယဲၢ်တၢ်လၢပှၤတတီတလိၤတဖၣ်သးအိၣ်ဝဲန့ၣ်မ့ၢ်တၢ်ဃုမၤတၢ် အၢတၢ်သီတဖၣ်လီၤ. မ့မ့ၢ်, ပှၤတီပှၤလိၤဆၢထၢၣ်ဂၢၢ်ကျၢၤဝဲလီၤ.

တၢ်ကတိၤဒိ. 12:12 Iomraidhean Croise

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 10:9

အိၣ်ခိးဝဲလၢတၢ်ခူသူၣ်အပူၤဒ် ခ့ယုၢ်လၢတပှီာ်အကျါအသိး, အိၣ်ခိးဝဲဒ်သိးကဖီၣ်န့ၢ်ပှၤဖှီၣ်ဖိယာ်ဖိ ဒီးဖီၣ်န့ၢ်အဝဲသ့ၣ်လၢအပျံၤသကွီၤအပူၤ ဒီးထုးတြူာ်ကွံာ်အီၤန့ၣ်လီၤ.

စံးထီၣ်ပတြၢၤ 9:15

ပှၤတဘူၣ်ထီၣ်ဘါထီၣ်ယွၤတဖၣ်လီၤတဲာ်နုာ်ဆူ တၢ်ပူၤလၢအခူၣ်ဝဲလီၤ. အခီၣ်ဘၣ်ဘျးလံလၢပှာ်ဧိၤစၤဧိၤလၢ အပာ်လီၤခူသူၣ်ဒၣ်ဝဲန့ၣ်လီၤ.

တၢ်ကတိၤဒိ. 10:15

တၢ်ထူးတၢ်တီၤန့ၣ်အိၣ်ပှိၤပှၤထူးပှၤတီၤလီၤ. မ့မ့ၢ်တၢ်ဖှီၣ်တၢ်ယာ်မၤဟးဂီၤပှၤဖှီၣ်ဖိယာ်ဖိလီၤ.

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

တၢ်ကတိၤဒိ. 21:10

ပှၤတတီတလိၤတဖၣ်သူၣ်ဝံၤသၣ်စ့ၤတၢ်အၢတၢ်သီထီဘိလီၤ. အဝဲသ့ၣ်တအိၣ်ဒီးတၢ်သးကညီၤလၢပှၤနီတဂၤအဖီခိၣ်ဘၣ်.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 37:31

ပှၤလၢအအိၣ်မူတ့ၢ်ဒံးဝဲလၢကီၢ်ယူဒၤအပူၤတဖၣ်န့ၣ်ကဘီၣ်ထီၣ် ညီထီၣ်ဝဲဒ်တၢ်မုၢ်တၢ်ဘိတဖၣ်လၢအစဲၤလီၤအဂံၢ်ယိာ်ယိာ်ဆူ ဟီၣ်ခိၣ်လာ်ဒီးဟ့ၣ်ထီၣ်တၤသၣ်အသိးန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:5

ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.