တၢ်ကတိၤဒိ. 11:9 - Sgaw Karen Common Bible

⁹ နဘၣ်တၢ်မၤဟးဂီၤနၤလၢပှၤလုၢ်အၢလၢ်သီတဖၣ်အတၢ်ကတိၤသ့ဝဲ လီၤ. ဘၣ်ဆၣ်ဒီးပှၤတီပှၤလိၤအတၢ်ကူၣ်သ့အုၣ်က့ၤခီၣ်က့ၤနၤသ့ဝဲ လီၤ.

တၢ်ကတိၤဒိ. 11:9 Iomraidhean Croise

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်စီၤယိၤဘး 34:30

လၢပှၤတစူၢ်တနာ်ယွၤအတၢ်ပၢဒီးပျံၤသကွီၤတဖၣ်ကဘၣ် တၢ်တြီအီၤန့ၣ်ပှၤဂီၢ်မုၢ်မၤတၢ်တသ့ဘၣ်နီတမံၤဘၣ်.

လံာ်စီၤယိၤဘး 8:13

ပှၤလၢအတပျံၤကစၢ်ယွၤတဖၣ်န့ၣ်လီၤဂာ်ဒ်တပိၢ်တဖၣ်န့ၣ် အသိးလီၤ. တုၤအသးပ့ၤနီၣ်ကစၢ်ယွၤတဘျီဃီန့ၣ်အတၢ်မုၢ် လၢ်လၢာ်ကွံာ်ဝဲလီၤ.

စံးထီၣ်ပတြၢၤ 55:12

တၢ်အံၤတမ့ၢ်ဘၣ်ဒုၣ်ဒါလၢအဒုၣ်ဒွဲၣ်ယၤဘၣ်. မ့မ့ၢ်ဒ်န့ၣ်ဒီးယတူၢ်ကကဲယဲလီၤ. တမ့ၢ်ဘၣ်ပှၤလၢအသးဟ့ယၤ ပာ်ဒိၣ်အသးလၢယဖီခိၣ်ဘၣ်. မ့မ့ၢ်ဒ်န့ၣ်ဒီးယကပာ်တဒၢယသးလၢအီၤလီၤ.

တၢ်ကတိၤဒိ. 11:6

တၢ်တီတၢ်လိၤမၤပူၤဖျဲးပှၤအတီအလိၤတဂၤန့ၣ်လီၤ. မ့မ့ၢ်ပှၤတဂၤဂၤလၢတၢ်နာ်န့ၢ်အီၤတသ့ဘၣ်န့ၣ်, ဘၣ်က့ၤလၢအတၢ်သူၣ်လီသးကွံဒၣ်ဝဲအထုန့ၣ်လီၤ.

တၢ်ကတိၤဒိ. 11:8

ပှၤတီပှၤလိၤတဖၣ်ဘၣ်တၢ်မၤပူၤဖျဲးအီၤလၢတၢ်ကီတၢ်ခဲဒီးလၢ အလီၢ်န့ၣ်, တၢ်ကီတၢ်ခဲလီၤဘၣ်ဆူပှၤတတီတလိၤတခီန့ၣ်လီၤ.

တၢ်ကတိၤဒိ. 16:29

ပှၤမၤဆူၣ်မၤစိးတၢ်တဖၣ်လီန့ၢ်အတံၤသကိးတဖၣ်ဒီးဆှၢ အဝဲသ့ၣ်ဆူတၢ်တတၢးတနါန့ၣ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

၁ ယိၤဟၣ် 2:21

ယကွဲးန့ၢ်သုတၢ်အံၤတမ့ၢ်လၢသုတသ့ၣ်ညါတၢ်မ့ၢ် တၢ်တီအဃိဘၣ်. မ့မ့ၢ်, မ့ၢ်လၢသုသ့ၣ်ညါအီၤ, ဒီးမ့ၢ်စ့ၢ်ကီးလၢသုသ့ၣ်ညါလၢတၢ်လီတၢ်ဝ့ၤတဟဲထီၣ် လၢတၢ်မ့ၢ်တၢ်တီအပူၤနီတမံၤနီတဘျီဘၣ်အဃိ န့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.