တၢ်ကတိၤဒိ. 11:7 - Sgaw Karen Common Bible

⁷ ဖဲပှၤတတီတလိၤတဂၤသံဝဲန့ၣ်, အတၢ်မုၢ်လၢ်သံဃုာ်ဒီးအီၤလီၤ. တၢ်စူၢ်တၢ်နာ်အိၣ်သူၣ်လီၤအသးလၢတၢ်ထူးတၢ်တီၤတဖၣ်အပူၤန့ၣ် ကတၢၢ်ဝဲလၢတၢ်ကလီကလီလီၤ.

တၢ်ကတိၤဒိ. 11:7 Iomraidhean Croise

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

စံးထီၣ်ပတြၢၤ 146:4

တုၤမ့ၢ်အသးဟးထီၣ်ကွံာ်ဒီးက့ၤက့ၤဝဲဆူအဟီၣ်ခိၣ်, ဒီးအတၢ်ကူၣ်တၢ်ဖးဟးဂူာ်ဟးဂီၤကွံာ်လၢ မုၢ်တနံၤဃီဒၣ်လဲာ်န့ၣ်လီၤ.

တၢ်ကတိၤဒိ. 10:28

ပှၤအဂ့ၤတဖၣ်အတၢ်မုၢ်လၢ်န့ၣ်, ဆှၢအီၤဆူတၢ်သးခုလီၤ. မ့မ့ၢ်, ပှၤအၢပှၤသီတဖၣ်န့ၣ်ကွၢ်စိတၢ်ဆူညါတသ့နီတမံၤဘၣ်.

တၢ်ကတိၤဒိ. 10:29

ယွၤကဟုကယာ်ပှၤအတီအလိၤတဖၣ်လီၤ. မ့မ့ၢ်, မၤဟးဂီၤကွံာ်ပှၤမၤကမၣ်တၢ်ခဲလၢာ်လီၤ.

တၢ်ကတိၤဒိ. 11:8

ပှၤတီပှၤလိၤတဖၣ်ဘၣ်တၢ်မၤပူၤဖျဲးအီၤလၢတၢ်ကီတၢ်ခဲဒီးလၢ အလီၢ်န့ၣ်, တၢ်ကီတၢ်ခဲလီၤဘၣ်ဆူပှၤတတီတလိၤတခီန့ၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.