တၢ်ကတိၤဒိ. 11:30 - Sgaw Karen Common Bible

³⁰ တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

တၢ်ကတိၤဒိ. 11:30 Iomraidhean Croise

စံးထီၣ်ပတြၢၤ 92:14

လၢအသၣ်ထီၣ်တုၤလီၤလၢ အသးပှၢ်အကတီၢ်ဒၣ်လဲာ်, ဒီးလါဟ့ဒီးသံကစဲာ်ဝဲထီဘိန့ၣ်လီၤ.

တၢ်ကတိၤဒိ. 12:12

ကယဲၢ်တၢ်လၢပှၤတတီတလိၤတဖၣ်သးအိၣ်ဝဲန့ၣ်မ့ၢ်တၢ်ဃုမၤတၢ် အၢတၢ်သီတဖၣ်လီၤ. မ့မ့ၢ်, ပှၤတီပှၤလိၤဆၢထၢၣ်ဂၢၢ်ကျၢၤဝဲလီၤ.

တၢ်ကတိၤဒိ. 14:25

ပှၤအုၣ်အသးတဂၤလၢအကတိၤတၢ်မ့ၢ်တၢ်တီန့ၣ်, မၤပူၤဖျဲးသးသမူတဖၣ်လီၤ. မ့မ့ၢ်ပှၤကတိၤလီတၢ်တဂၤန့ၣ်, ဆါလီၤအီၣ်ကွံာ်ပှၤဂီၢ်မုၢ်လီၤ.

တၢ်ကတိၤဒိ. 15:4

တၢ်ကတိၤအမုာ်တဖၣ်န့ၣ်ဟဲစိာ်တၢ်မူလီၤ. မ့မ့ၢ်တၢ်ကတိၤအအၢအသီတဖၣ်မၤသဘှံးနသးလီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်မးသဲ 4:19

ဒီးယ့ၣ်ၡူးစံးဘၣ်အဝဲသ့ၣ်, “ဟဲဒီးကဲထီၣ်ယပျဲၢ်ယဘီၣ်တက့ၢ်. ယကသိၣ်လိသုဒ်သိးသုကမၤန့ၢ်ပှၤကညီလၢကကဲထီၣ်ယပျဲၢ်ယဘီၣ်ဒ် သုမၤန့ၢ်ညၣ်တဖၣ်အသိးလီၤ.”

လံာ်ယိၤဟၣ် 4:36

ပှၤလၢအကူးဘုတဂၤန့ၣ်, န့ၢ်ဘၣ်တၢ်အဘူးအလဲဒီးပာ်ဖှိၣ်တၤသူတၤသၣ်တဖၣ် လၢတၢ်မူအထူအယိာ်အဂီၢ်, ဒ်သိးပှၤလၢအဖှံတၢ်ဒီးပှၤလၢအကူးက့ၤတၢ်ခံဂၤလၢာ် ကသးခုသကိးဝဲအဂီၢ်လီၤ.

၁ သ့းစၤလနံ 2:19

သုဆိကမိၣ်လၢပတၢ်ပာ်ကဖၢလၢပသးအလီၢ်ဒီးပတၢ်သးခု ကမ့ၢ်တၢ်မနုၤလဲၣ်. မ့ၢ်ဒၣ်သုလီၤ. ဒီးသုကမ့ၢ်ပတၢ်မၤနၢၤအပနီၣ်လၢပကပာ်ကဖၢလၢပသးအဒိၣ် ကတၢၢ်လၢပကစၢ်ယ့ၣ်ၡူးအမဲာ်ညါဖဲအဟဲဝဲန့ၣ်လီၤ.

ယၤကိာ် 5:20

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤဂ့ၤတဂၤဂ့ၤလၢအဃၣ်လိၤက့ၤပှၤတၢ်ဒဲးဘးဖိလၢ အပိာ်တ့ၢ်ကျဲလၢအကမၣ်တဂၤန့ၣ်, ကအုၣ်က့ၤခီၣ်က့ၤပှၤတဂၤအံၤအသးသမူလၢတၢ်သံ, ဒီးတၢ်ဒဲးဘးအါမံၤကဘၣ်တၢ်ပျၢ်ကွံာ်အီၤလၢတၢ်အံၤ အဃိလီၤ.

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”