တၢ်ကတိၤဒိ. 11:24 - Sgaw Karen Common Bible

²⁴ ပှၤတနီၤနီၤသူကျိၣ်သူစ့ကြီကြီဒၣ်လဲာ်ထူးတီၤအါထီၣ်ဒံး ဝဲလီၤ. အဂၤတနီၤ, ပလီၢ်ပဒီအသးဒၣ်လဲာ်ဖှီၣ်လီၤယာ်လီၤအါထီၣ်ဝဲ လီၤ.

တၢ်ကတိၤဒိ. 11:24 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:10

ဒီးပှၤလုၢ်တၢ်အခိၣ်အဒိၣ်ကတၢၢ်စီၤဧစၤရယၤ, ပှၤဟဲလီၤစၢၤလီၤသွဲၣ်လၢစီၤစၤဒိးတဂၤ, စံးဘၣ်အီၤ, “စးထီၣ်လၢပှၤဂီၢ်မုၢ်ဟဲစိာ်အတၢ်ဟ့ၣ်တဖၣ်ဆူ ယွၤအတၢ်လုၢ်ဟံၣ်န့ၣ်, တၢ်အီၣ်တၢ်အီလၢပကအီၣ်အိၣ်ဝဲလၢလၢလီၣ်လီၣ်ဒီးလၢန့ၣ်အမဲာ် ညါတၢ်အိၣ်ဘျဲၣ်အိၣ်စဲၢ်အိၣ်အါမးန့ၣ်လီၤ. ပအိၣ်ဒီးကယဲၢ်တၢ်ခဲလၢာ်အံၤမ့ၢ်လၢယွၤဆိၣ်ဂ့ၤတ့ၢ်အပှၤဂီၢ် မုၢ်အဃိန့ၣ်လီၤ.”

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 11:23

တၢ်လၢပှၤတီပှၤလိၤတဖၣ်ဆၢန့ၢ်ဝဲန့ၣ်, အိၣ်ဒီးအတၢ်ကဲ ထီၣ်လိၣ်ထီၣ်အဂ့ၤတဘိယူၢ်ဃီလီၤ. ဖဲပှၤတတီတလိၤမၤန့ၢ်တၢ်လၢ အသးလီဝဲန့ၣ်, ပှၤကိးဂၤဒဲးသးဒိၣ်ထီၣ်ဝဲလီၤ.

တၢ်ကတိၤဒိ. 11:25

ဟ့ၣ်ညီတၢ်တက့ၢ်, ဒီးနကထူးတီၤထီၣ်လီၤ. မၤစၢၤပှၤဂၤတက့ၢ်, ဒီးနကဘၣ်တၢ်မၤစၢၤနၤလီၤ.

တၢ်ကတိၤဒိ. 13:7

ပှၤတနီၤနီၤအတၢ်တအိၣ်နီတမံၤနာ်က့, ပာ်မၤအသးဒ်အမ့ၢ်ပှၤထူး ပှၤတီၤလီၤ. မ့မ့ၢ်အဂၤတဖၣ်ပာ်မၤအသးဒ်အမ့ၢ်ပှၤအဖှီၣ်နာ်က့, အိၣ်ဒီးအတၢ်ထူးတၢ်တီၤအါမးန့ၣ်လီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 28:27

ဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. တၢ်လိၣ်ဒီးနၤတအိၣ်လၢၤနီ တစုဘၣ်. နမ့ၢ်ဃၣ်ကွံာ်နမဲာ်လၢပှၤဖှီၣ်ဖိယာ်ဖိဒီး, ပှၤအါဂၤကဆိၣ်အၢနၤလီၤ.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:6

သူၣ်လီၤဖျးလီၤတၢ်လၢမုၢ်ဂီၤဒီးလၢမုၢ်ဟါစ့ၢ်ကီးတက့ၢ်. အဂ့ၢ်ဒ်အံၤ, ကဒိၣ်ထီၣ်ဂ့ၤဂ့ၤခဲလၢာ်ဧါ, မ့တမ့ၢ်, ကဂ့ၤတနီၤ, တဂ့ၤတနီၤဧါန့ၣ်, နတသ့ၣ်ညါနီတစုဘၣ်.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်မၤလကံ 3:8

ဒီးယသံကွၢ်သု, ပှၤတဂၤကလီကစၢ်ယွၤန့ၣ်, မ့ၢ်အဘၣ်ကစီဒီဧါ. တဘၣ်ဘၣ်. ဒီးအန့ၣ်ဒၣ်လဲာ်သုလီယၤလီၤ. ဒီးသုသံကွၢ်, ‘ပလီနၤဒ်လဲၣ်.’ လၢတၢ်ဆံဆဲၣ်ပူတပူဒီးတၢ်မၤဘူၣ်မၤတီၢ်တဖၣ်န့ၣ်လီၤ.

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

လံာ်သိၣ်လီၤသီလီၤတၢ် 15:10

ဟ့ၣ်အီၤတၢ်လၢတၢ်သဘျ့ဒီးလၢတၢ်တအဲၣ်လီၤသးအပူၤ, ဒီးယွၤကဆိၣ်ဂ့ၤသုလၢကယဲၢ်တၢ်လၢသုမၤအီၤခဲလၢာ်အပူၤန့ၣ်လီၤ.