တၢ်ကတိၤဒိ. 11:22 - Sgaw Karen Common Bible

²² ပိာ်မုၣ်လၢတၢ်စံၣ်ညီၣ်နီၤဖးအဂ့ၤအဘၣ်တအိၣ်ဒီးအီၤတဂၤအတၢ် ဃံတၢ်လၤန့ၣ်, လီၤဂာ်ဒ်ကွီၤထူတကွီၤလၢထိးတဒု အနါဒ့အလိၤအသိးန့ၣ်လီၤ.

တၢ်ကတိၤဒိ. 11:22 Iomraidhean Croise

လံာ်တၢ်ကဲထီၣ်အခီၣ်ထံး 24:47

ယသံကွၢ်တ့ၢ်အီၤ, ‘နပၢ်မ့ၢ်မတၤလဲၣ်.’ ဒီးအဝဲစံးဆၢဝဲ, ‘ယပၢ်မ့ၢ်စီၤနၤဃိၢ်ဒီးနီၢ်မံးလကၤအဖိခွါ, စီၤဘသူၤအ့လးလီၤ.’ တုၤနုၤတစု, ယဘျးလီၤစဲၤနါဒ့ကွီၤတဘိလၢအနါဒ့အလိၤဒီး ထံဖှံၣ်တဖၣ်လၢအစုဒုၣ်လိၤန့ၣ်လီၤ.

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

တၢ်ကတိၤဒိ. 12:4

မါလၢအဂ့ၤတဂၤန့ၣ်မ့ၢ်အဝၤအလၤကပီၤဒီးတၢ်သးခုလီၤ. မ့မ့ၢ်မါလၢအမၤမဲာ်ဆှးအဝၤန့ၣ်, လီၤဂာ်ဒ်တၢ်ဆါအုၣ်ကျၣ်လၢ အဃံတဖၣ်အပူၤအသိးန့ၣ်လီၤ.

တၢ်ကတိၤဒိ. 31:30

တၢ်လီၤအဲၣ်လီၤကွံန့ၣ်လီန့ၢ်တၢ်သ့, ဒီးတၢ်ဃံတၢ်လၤန့ၣ် လီၤမၢ်ကွံာ်ဝဲလီၤ. မ့မ့ၢ်, ပိာ်မုၣ်တဂၤလၢအမၤလၤကပီၤယွၤန့ၣ်, ကြၢးဘၣ်တၢ်စံးထီၣ်ပတြၢၤအီၤလီၤ.

တၢ်ကတိၤဒိ. 7:10

ဒီးပိာ်မုၣ်အံၤသဂၢၢ်တ့ၢ်အီၤ, ကူသိးတ့ၢ်တၢ်ဒ်ဃဲသဲမုၣ်တဂၤ အသိးဒီးမၤအတၢ်ကူၣ်တၢ်ကျဲၤတဖၣ်န့ၣ်လီၤ.

တၢ်ကတိၤဒိ. 9:13

တၢ်သူၣ်တထံသးတဆးန့ၣ်လီၤဂာ်ဒ်ပိာ်မုၣ်တဂၤလၢအသီၣ်သဲ, အတသ့လံာ်သ့လဲၢ်ဒီးအမဲာ်တဆှးဘၣ်အသိးလီၤ.

၂ ပ့းတရူး 2:22

တၢ်လၢအမၤတ့ၢ်အသးဒီးအဝဲသ့ၣ်န့ၣ်, ဒုးနဲၣ်ဝဲလၢတၢ်ကတိၤဒိတဖၣ်မ့ၢ်ဝဲတီဝဲလီၤ. “ထွံၣ်အီၣ်ကဒါက့ၤတၢ်လၢအဘှီးလီၤဝဲ” ဒီး “ထိးလၢအဘၣ်တၢ်သ့စီအီၤ, က့ၤကဒါက့ၤဆူတၢ်ကလိာ်လၢကပံာ်ကျါ” န့ၣ်လီၤ.