တၢ်ကတိၤဒိ. 11:20 - Sgaw Karen Common Bible

²⁰ ယွၤသးဟ့ပှၤလၢအပာ်အသးအၢအၢသီသီတဖၣ်ဒီးအဲၣ်ပှၤတဖၣ် လၢအမၤတၢ်အဘၣ်လီၤ.

တၢ်ကတိၤဒိ. 11:20 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 101:4

တၢ်သးက့ၣ်န့ၣ်ကဟးဖးဒီးယၤလီၤ. ယကအိၣ်တီတီလိၤလိၤဒီး တမၤဘၣ်ဃးဘၣ်ယသးဒီး တၢ်အၢတၢ်သီနီတစဲးဘၣ်. တၢ်အၢန့ၣ်ယတသ့ၣ်ညါဘၣ်.

စံးထီၣ်ပတြၢၤ 11:7

အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 140:13

မ့ၢ်မးပှၤအတီအလိၤကစံးထီၣ်ပတြၢၤနမံၤ, ပှၤအတီအလိၤကအိၣ်ဝဲဆိးဝဲလၢနမဲာ်ညါလီၤ.

စံးထီၣ်ပတြၢၤ 51:6

တၢ်သူၣ်တီသးလိၤဒီးတၢ်မ့ၢ်တၢ်တီန့ၣ် မ့ၢ်တၢ်လၢနသးလီန့ၣ်လီၤ. မၤပှဲၤယသးလၢနတၢ်ကူၣ်သ့န့ၣ်တက့ၢ်.

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

တၢ်ကတိၤဒိ. 12:22

ယွၤအသးဟ့ပှၤလီတၢ်တဖၣ်လီၤ. မ့မ့ၢ်ဘၣ်သူၣ်ဘၣ်သးဝဲလၢပှၤ တဖၣ်လၢအမၤတီအကလုၢ်န့ၣ်လီၤ.

တၢ်ကတိၤဒိ. 13:6

တၢ်တီတၢ်လိၤကဟုကယာ်ပှၤလၢအတၢ်ကမၣ်တအိၣ်ဘၣ်တဖၣ်လီၤ. တၢ်အၢတၢ်သီမ့ၢ်ပှၤတၢ်ဒဲးဘးဖိတဖၣ်အတၢ်လီၤပှီၢ်န့ၣ်လီၤ.

တၢ်ကတိၤဒိ. 14:9

ပှၤဟးဂီၤဖိမ့ၢ်မၤဒဲးဘးတၢ်ဒၣ်လဲာ်တပာ်ဝဲလၢတၢ်နီတမံၤဘၣ်. မ့မ့ၢ်ပှၤအဂ့ၤအဲၣ်ဒိးဝဲလၢတၢ်ကပျၢ်အတၢ်ကမၣ်လီၤ.

တၢ်ကတိၤဒိ. 15:26

ယွၤသးဟ့တၢ်ဆိကမိၣ်အအၢအသီတဖၣ်လီၤ. မ့မ့ၢ်အဝဲဘၣ်အသးလၢတၢ်ဒီသိၣ်ဒီမှံၤအတၢ်ကတိၤအမုာ်တဖၣ်လီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 16:17

ပှၤလၢအဂ့ၤတဖၣ်န့ၣ်ပိာ်ကျဲတဘိလၢအပဒ့ၣ်ဟးဆှဲးတၢ်အၢတၢ်သီ လီၤ. မၤသးဒ်န့ၣ်ဒီးနလဲၤဖဲလဲၣ်ဖဲလဲၣ်န့ၣ်ပလီၢ်နသးတက့ၢ်. တၢ်န့ၣ်ကအုၣ်က့ၤခီၣ်က့ၤနသးသမူလီၤ.

တၢ်ကတိၤဒိ. 21:29

ပှၤတီပှၤလိၤတဖၣ်နာ်လီၤအသးကျၢၤမူဆှုလီၤ. မ့မ့ၢ်, ပှၤတတီတလိၤတဖၣ်ကဘၣ်ပာ်မၤအသးအဂ့ၤကတၢၢ်တသ့ဖဲအသ့ န့ၣ်လီၤ.

တၢ်ကတိၤဒိ. 3:32

အဂ့ၢ်ဒ်အံၤ, ယွၤသးဟ့ပှၤလၢအမၤတၢ်အၢတၢ်သီလီၤ. မ့မ့ၢ်ပှၤအတီအလိၤတဖၣ်န့ၣ်တူၢ်လိာ်ဝဲဆူအတၢ်ရ့လိာ်မုာ်လိာ် အပူၤလီၤ.

တၢ်ကတိၤဒိ. 6:14

ကူၣ်တၢ်အၢတထံၣ်ဃီလၢသးလၢအတမ့ၢ်တတီအပူၤ, ဒီးထိၣ်ဂဲၤထီၣ်တၢ်ကီတၢ်ခဲသကုၤဆးဒးလီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

တၢ်ကတိၤဒိ. 9:7

နမ့ၢ်သိၣ်က့ၤသီက့ၤပှၤလၢအပာ်ထီၣ်ထီအသးတဂၤဒီး, နကဘၣ်တၢ်ဒုၣ်ဒွဲၣ်နၤလီၤ. နမ့ၢ်သိၣ်ဃီၣ်ပှၤအအၢအသီတဂၤဒီး, အိၣ်ဒၣ်နကဘၣ်ဒိဆါလီၤ.