တၢ်ကတိၤဒိ. 11:2 - Sgaw Karen Common Bible

² ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 11:2 Iomraidhean Croise

တၢ်ကတိၤဒိ. 15:33

လၢတၢ်ယူးယီၣ်ယွၤအပူၤန့ၣ်တၢ်မၤလိမၤဒိးအိၣ်ဝဲဒၣ်လီၤ. ဒီးတၢ်ဆီၣ်လီၤသးလဲၤလၢတၢ်လၤကပီၤအမဲာ်ညါလီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”