တၢ်ကတိၤဒိ. 11:12 - Sgaw Karen Common Bible

¹² တၢ်ကတိၤဒုၣ်ဒွဲၣ်ပှၤအဂၤတဖၣ်န့ၣ်မ့ၢ်တၢ်သူၣ်တထံသးတဆးလီၤ. နမ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်န့ၣ်, နကအိၣ်ဘှီၣ်လီၤ.

တၢ်ကတိၤဒိ. 11:12 Iomraidhean Croise

လံာ်စီၤပၤခံဘ့ၣ်တဘ့ၣ် 18:36

ပှၤဂီၢ်မုၢ်အိၣ်ဘှီၣ်ကလာ်ဒ်စီၤဃံးစကံယၤတဲဘၣ်တ့ၢ်အဝဲသ့ၣ် လၢကဘၣ်မၤဝဲအသိးန့ၣ်လီၤ. အဝဲသ့ၣ်တကတိၤတၢ်နီတဘီဘၣ်.

တၢ်ကတိၤဒိ. 10:19

နတၢ်ကတိၤဒံးအါ, နမၤဒဲးဘးတၢ်ကဒံးအါတက့ၢ်လီၤ. နမ့မ့ၢ်ပှၤလၢအကူၣ်တၢ်သ့ဒီးနကအိၣ်ဘှ့ၣ်အိၣ်ဘှီၣ်န့ၣ်လီၤ.

တၢ်ကတိၤဒိ. 11:11

ဝ့ၢ်တဝ့ၢ်ဒိၣ်ထီၣ်ထီထီၣ်ဝဲဖဲပှၤတီပှၤလိၤတဖၣ်ဟ့ၣ်အီၤအတၢ် ဆိၣ်ဂ့ၤ, မ့မ့ၢ်ကလီၤပှီၢ်ဝဲလၢပှၤအၢပှၤသီတဖၣ်အတၢ်ကတိၤတဖၣ် အဃိလီၤ.

တၢ်ကတိၤဒိ. 11:13

ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, နနာ်န့ၢ်အီၤလၢတၢ်ခူသူၣ်အဂ့ၢ်တမံၤတသ့ဘၣ်. မ့မ့ၢ်နပာ်တၢ်နာ်န့ၢ်လၢပှၤလၢအလီၤနာ်တဂၤသ့ဝဲလီၤ.

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 6:32

မ့မ့ၢ်ပှၤတဂၤလၢအအဲၣ်ဘၢတၢ်န့ၣ်အသးတဆးဘၣ်နီတစဲးဘၣ်. အဝဲမၤဟးဂီၤလီၤအသးဒၣ်ဝဲန့ၣ်လီၤ.

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်လူၤကၣ် 18:9

ပှၤလၢအနာ်န့ၢ်လီၤအသးလၢအဂ့ၤဝဲဝါဝဲ, ဒီးကွၢ်တလီၤပှၤကိးဂၤဒဲးန့ၣ်, ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိအဝဲအံၤလီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:38

တုၤနုၤတစု, စီၤစဘူလးစံးဘၣ်အီၤ, “နတၢ်ကတိၤအဒိၣ်အသွါတဖၣ်ခဲအံၤအိၣ်ဖဲလဲၣ်. နမ့ၢ်ပှၤတဂၤလၢအသံကွၢ်ဘၣ်မနုၤအဃိပဘၣ်မၤစီၤအဘံၤမ့လ့း အတၢ်လဲၣ်န့ၣ်လီၤ. ပှၤတဖၣ်အံၤမ့ၢ်ပှၤလၢနမၤအီၤတရီတပါန့ၣ်လီၤ. လဲၤထီၣ်ခဲအံၤဒီးဒုးအီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.