တၢ်ကတိၤဒိ. 10:4 - Sgaw Karen Common Bible

⁴ တၢ်အိၣ်ကၢၣ်အိၣ်ကျူန့ၣ်, ကမၤဖှီၣ်လီၤယာ်လီၤနၤလီၤ. မ့မ့ၢ်, တၢ်မၤတၢ်ဆူၣ်ဆူၣ်န့ၣ်ကဒုးထူးထီၣ်တီၤထီၣ်နၤလီၤ.

တၢ်ကတိၤဒိ. 10:4 Iomraidhean Croise

လံာ်တၢ်ကဲထီၣ်အခီၣ်ထံး 26:32

ဒီးလၢမုၢ်တနံၤန့ၣ်စီၤအံၤစဲးအခ့အပှၤတဖၣ်ဟဲဒီးတဲဘၣ်အီၤ လၢထံပူၤလၢအဝဲသ့ၣ်ခူၣ်တ့ၢ်ဝဲတပူၤအဂ့ၢ်န့ၣ်လီၤ. အဝဲသ့ၣ်စံးဝဲ, “ပထံၣ်န့ၢ်ထံလံ.”

တၢ်ကတိၤဒိ. 10:5

ပှၤလၢအထၢဖှိၣ်တၢ်လၢတၢ်ကိၢ်ခါအကတီၢ်န့ၣ်, မ့ၢ်ဖိခွါလၢအကူၣ်တၢ်သ့လီၤ. မ့မ့ၢ်, ပှၤလၢအမံဝဲလၢကူးဘု အကတီၢ်န့ၣ်, မ့ၢ်ဖိခွါလၢဟဲစိာ်တၢ်မဲာ်ဆှးန့ၣ်လီၤ.

တၢ်ကတိၤဒိ. 11:24

ပှၤတနီၤနီၤသူကျိၣ်သူစ့ကြီကြီဒၣ်လဲာ်ထူးတီၤအါထီၣ်ဒံး ဝဲလီၤ. အဂၤတနီၤ, ပလီၢ်ပဒီအသးဒၣ်လဲာ်ဖှီၣ်လီၤယာ်လီၤအါထီၣ်ဝဲ လီၤ.

တၢ်ကတိၤဒိ. 12:24

တၢ်မၤတၢ်ဆူၣ်ဆူၣ်န့ၣ်ကဟ့ၣ်နၤတၢ်စိကမီၤလီၤ. တၢ်အိၣ်ကၢၣ်အိၣ်ကျုန့ၣ်ကဒုးကဲထီၣ်နၤလၢကုၢ်တဂၤလီၤ.

တၢ်ကတိၤဒိ. 12:27

နမ့ၢ်ကၢၣ်ဒီးတၢ်လၢနသးလီန့ၣ်နတန့ၢ်ဘၣ်နီတစုဘၣ်. ဘၣ်ဆၣ်ဒီးနမ့ၢ်မၤတၢ်ဆူၣ်ဆူၣ်န့ၣ်, နကမၤန့ၢ်တၢ်စုလီၢ်ခီၣ်ခိၣ် အါမးလီၤ.

တၢ်ကတိၤဒိ. 13:4

ပှၤအကၢၣ်တဂၤအသးဆၢန့ၢ်တၢ်တမံၤမံၤထဲအံၤထဲနုၤနာ်က့, မၤဝဲတန့ၢ်ဘၣ်. မ့မ့ၢ်ပှၤလၢအမၤတၢ်ဆူၣ်ဆူၣ်တဂၤကမၤန့ၢ်တၢ်ခဲ လၢာ်လၢအဆၢန့ၢ်ဘၣ်ဝဲလီၤ.

တၢ်ကတိၤဒိ. 18:9

ပှၤအကၢၣ်တဂၤန့ၣ်အၢထဲသိးသိးပှၤတဂၤလၢအမၤဟးဂီၤတၢ်န့ၣ် လီၤ.

တၢ်ကတိၤဒိ. 19:15

နမ့ၢ်အဲၣ်ဒိးကၢၣ်န့ၣ်မၤကွၢ်ကွၢ်တက့ၢ်. မံဆူၣ်ဆူၣ်တက့ၢ်. ဒီးနကသၣ်ဝံၤလီၤဒိလီၤ.

တၢ်ကတိၤဒိ. 19:24

ပှၤတနီၤနီၤကၢၣ်ဝဲတုၤဒၣ်လဲာ်တသးအိၣ်ဒၢနုာ်တၢ်အီၣ်တၢ်အီလၢ အကိာ်ပူၤဒၣ်ဝဲဘၣ်န့ၣ်လီၤ.

တၢ်ကတိၤဒိ. 20:13

နမ့ၢ်မၤလၢာ်နတၢ်ဆၢကတီၢ်လၢတၢ်မံဒီးနကဖှီၣ်ဝဲလီၤ. ခုဖံးခုမၤတက့ၢ်. ဒီးနကအိၣ်ဒီးတၢ်အီၣ်ကုးအီပှဲၤလီၤ.

တၢ်ကတိၤဒိ. 20:4

ပှၤထူစံာ်ဖိတဂၤလၢအကၢၣ်မးတုၤကထဲၣ်လီၤအစံာ်ပျီတဖၣ်ဘၣ်ဆၢ ဘၣ်ကတီၢ်န့ၣ်, တအိၣ်ဒီးတၢ်နီတမံၤလၢကကူးက့ၤဝဲအဂီၢ်န့ၣ်ဘၣ်.

တၢ်ကတိၤဒိ. 21:5

ကူၣ်လီၤကျဲၤလီၤတၢ်, လီၤတံၢ်လီၤဆဲးတက့ၢ်. ဒီးနကအိၣ်ဒီးတၢ်လၢတၢ်ပှဲၤလီၤ. နမ့ၢ်မၤတၢ်ချ့ချ့န့ၣ်, နတအိၣ်ဘၣ်ဒီးတၢ်လၢတၢ်ပှဲၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 10:18

ဖဲပှၤကညီတဂၤကၢၣ်ကဲၣ်ဆိးတုၤဒၣ်လဲာ်ကဘှီဂ့ၤက့ၤအဟံၣ်ခိၣ် ဒုးန့ၣ်, တၢ်ကလီၤစီၤဒီးဟံၣ်ကလီၤပှီၢ်ဝဲလီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.