တၢ်ကတိၤဒိ. 10:32 - Sgaw Karen Common Bible

³² ပှၤအတီအလိၤသ့ၣ်ညါတၢ်အဂ့ၤလၢကဘၣ်စံးကတိၤဝဲလီၤ. မ့မ့ၢ်, ပှၤတတီတလိၤကတိၤတၢ်တဖၣ်လၢအမၤဘၣ်ဒိဘၣ်ထံးတၢ်ထီဘိလီၤ.

တၢ်ကတိၤဒိ. 10:32 Iomraidhean Croise

တၢ်ကတိၤဒိ. 11:11

ဝ့ၢ်တဝ့ၢ်ဒိၣ်ထီၣ်ထီထီၣ်ဝဲဖဲပှၤတီပှၤလိၤတဖၣ်ဟ့ၣ်အီၤအတၢ် ဆိၣ်ဂ့ၤ, မ့မ့ၢ်ကလီၤပှီၢ်ဝဲလၢပှၤအၢပှၤသီတဖၣ်အတၢ်ကတိၤတဖၣ် အဃိလီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 12:6

ပှၤတတီတလိၤတဖၣ်အတၢ်ကတိၤကူၣ်ထီၣ်တၢ်မၤသံမၤဝီလီၤ. မ့မ့ၢ်, ပှၤတီပှၤလိၤအတၢ်ကတိၤတဖၣ်န့ၣ်အုၣ်က့ၤခီၣ်က့ၤပှၤလၢ အဘၣ်တၢ်မၤပျံၤမၤဖုးအီၤတဖၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 15:28

ပှၤအဂ့ၤအဝါတဖၣ်န့ၣ်တချုးလၢအစံးဆၢတၢ်ဒီးဆိကမိၣ်တၢ်လီၤ. မ့မ့ၢ်ပှၤအအၢအသီတဖၣ်န့ၣ်အိၣ်ဒီးတၢ်စံးဆၢလၢအချ့မးဘၣ်ဆၣ် ဒီး, ဒုးအိၣ်ထီၣ်တၢ်ကီတၢ်ခဲလီၤ.

တၢ်ကတိၤဒိ. 2:12

ဒီးကတြီနၤလၢနသုတမၤကမၣ်တၢ်တဂ့ၤအဂီၢ်န့ၣ်လီၤ. အဝဲသ့ၣ်ကဟံးဃာ်နၤယံၤဒီးပှၤလၢအမၤတၢထီၣ်တၢလီၤတၢ်ခီဖျိ တၢ်လၢအစံးဝဲ,

တၢ်ကတိၤဒိ. 4:24

တၢ်တတီတလိၤန့ၣ်ကတိၤအီၤနီတစုတဂ့ၤ. မၤဘၣ်ထွဲနသးဒီးတၢ်လီတၢ်ဝ့ၤ, ဒီးတၢ်ကတိၤတဖၣ်လၢကဆှၢ ကမၣ်တၢ်နၢ်ပၢၢ်န့ၣ်တဂ့ၤ.

တၢ်ကတိၤဒိ. 6:12

ပှၤတဂီာ်တသီၣ်, ပှၤအၢပှၤသီတဖၣ်လဲၤဝ့ၤဝီၤဒီးကတိၤ လီတၢ်လီၤ.

လံာ်ပှၤစံၣ်တဲၤတဲလီၤတၢ် 10:12

တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ.

လံာ်ပှၤစံၣ်တဲၤတဲလီၤတၢ် 12:10

ပှၤဆိကမိၣ်တၢ်အဒိၣ်အယိာ်တဂၤအံၤကျဲးစၢးဃုထံၣ်န့ၢ်တၢ် ကတိၤမုာ်သူၣ်မုာ်သးတဖၣ်, ဒီးတၢ်ကတိၤလၢအဝဲကွဲးတ့ၢ်ဝဲတဖၣ်တီဝဲလိၤဝဲန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

တံတူး 2:8

သူတၢ်ကတိၤအမ့ၢ်အတီလၢပှၤဃုတုာ်အတၢ်ကမၣ်တသ့ ဘၣ်, ဒ်သိးနဒုၣ်နဒါတဖၣ်ကဘၣ်တၢ်မၤမဲာ်ဆှးအီၤမ့ၢ်လၢ အကကတိၤအၢကတိၤသီပှၤအလီၢ်တအိၣ်နီတမံၤဘၣ်အဃိ န့ၣ်တက့ၢ်.