တၢ်ကတိၤဒိ. 10:20 - Sgaw Karen Common Bible

²⁰ ပှၤအဂ့ၤတဂၤအတၢ်ကတိၤတဖၣ်လီၤဂာ်ဒီးစ့လၢအကဆှီန့ၣ်လီၤ. ပှၤအအၢအသီတဂၤအတၢ်ဆိကမိၣ်တဖၣ်အလုၢ်အပှ့ၤတအိၣ်ဘၣ်.

တၢ်ကတိၤဒိ. 10:20 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

စံးထီၣ်ပတြၢၤ 37:30

ပှၤအဂ့ၤအဝါအတၢ်ကတိၤန့ၣ်မ့ၢ်တၢ်ကူၣ်သ့ ဒီးအဝဲသ့ၣ်ထီဘိစံးကတိၤတၢ်အမ့ၢ်အတီလီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 15:4

တၢ်ကတိၤအမုာ်တဖၣ်န့ၣ်ဟဲစိာ်တၢ်မူလီၤ. မ့မ့ၢ်တၢ်ကတိၤအအၢအသီတဖၣ်မၤသဘှံးနသးလီၤ.

တၢ်ကတိၤဒိ. 16:13

စီၤပၤတဂၤသးအိၣ်နၢ်ဟူတၢ်မ့ၢ်တၢ်တီဒီးကကွၢ်မဲာ်ပှၤလၢ အကတိၤတၢ်မ့ၢ်တၢ်တီန့ၣ်လီၤ.

တၢ်ကတိၤဒိ. 20:15

နမ့ၢ်သ့ၣ်ညါတၢ်ဂ့ၢ်လၢနကတိၤအီၤန့ၣ်ဒီး, နအိၣ်လံဒီးတၢ်တမံၤ မံၤလၢအလုၢ်ဒိၣ်ပှ့ၤဒိၣ်န့ၢ်ဒံးထူဒီးတၢ်မျၢ်တဖၣ်လီၤ.

တၢ်ကတိၤဒိ. 23:7

အဝဲစံးဝဲ, “ဟဲဒီးအီၣ်အါထီၣ်တက့ၢ်,” ဘၣ်ဆၣ်လၢအသးအကံၢ်အလဲန့ၣ်, တမ့ၢ်ဒ်န့ၣ်ဘၣ်. အနီၢ်ကစၢ်ဒၣ်ဝဲမ့ၢ်ဒ်တၢ်လၢအဆိကမိၣ်ဝဲအသိးန့ၣ်လီၤ.

တၢ်ကတိၤဒိ. 8:19

တၢ်လၢသုဒိးန့ၢ်လၢယအိၣ်န့ၣ်ဂ့ၤဒိၣ်န့ၢ်ထူအစီ, ဒီးဂ့ၤဒိၣ်န့ၢ်စ့အကဆှီကတၢၢ်တက့ၢ်န့ၣ်လီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.