တၢ်ကတိၤဒိ. 10:2 - Sgaw Karen Common Bible

² တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 10:2 Iomraidhean Croise

တၢ်ကတိၤဒိ. 11:4

မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.

တၢ်ကတိၤဒိ. 12:28

တၢ်တီတၢ်လိၤန့ၣ်မ့ၢ်ကျဲဆူတၢ်မူ, ဒီးတၢ်တတီတလိၤန့ၣ်မ့ၢ် ကျဲဆူတၢ်သံလီၤ.

တၢ်ကတိၤဒိ. 13:11

တၢ်ထူးတၢ်တီၤလၢနမၤန့ၢ်အီၤညီညီန့ၣ်, ကလီၤမၢ်ကွံာ်န့ၢ်နၤချ့ သဒံးလီၤ. မ့မ့ၢ်နမၤန့ၢ်အီၤဒံးကီဒံးခဲဒီး, နတၢ်ကအိၣ်ဒံးအါန့ၣ်လီၤ.

တၢ်ကတိၤဒိ. 21:6

တၢ်ထူးတၢ်တီၤတဖၣ်လၢနမၤန့ၢ်အီၤလၢတၢ်တတီတလိၤအပူၤန့ၣ် ကဆှၢနၤဆူတၢ်သံအကိာ်ပူၤဒီးတစိၢ်ဖိအတီၢ်ပူၤန့ၣ်အဝဲသ့ၣ် ကလီၤပံာ်ကွံာ်ဝဲလီၤ.

လံာ်ယဃ့းစက့လး 7:19

အဝဲသ့ၣ်ကစူးကွံာ်အထူဒီးအစ့တဖၣ်, လၢကျဲဘိတဖၣ်အပူၤဒ်တၢ် တဂိာ်တသီၣ်ဘၣ်အသိး, မ့ၢ်လၢစ့မ့ၢ်ဂ့ၤထူမ့ၢ်ဂ့ၤ, ဖဲယွၤလူလီၤအတၢ်သးကဲၤထီၣ်န့ၣ်, အုၣ်က့ၤခီၣ်က့ၤအဝဲသ့ၣ်တသ့ ဘၣ်အဃိန့ၣ်လီၤ. အဝဲသ့ၣ်သူအီၤလၢတၢ်မၤသးမံအတၢ်သူၣ်လီသး ကွံတဖၣ်အဂီၢ်မ့ၢ်ဂ့ၤ, တၢ်မၤပှဲၤအဟၢဖၢတဖၣ်အဂီၢ်မ့ၢ်ဂ့ၤ, တသ့ဘၣ်အဃိလီၤ. ထူဒီးစ့ဆှၢအဝဲသ့ၣ်ဆူ တၢ်ဒဲးဘးအပူၤန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 5:21

လၢတၢ်န့ၣ်အဃိ, ဒ်တၢ်ဒဲးဘးပၢတၢ်ခီဖျိတၢ်သံ အသိးန့ၣ်, ကစၢ်ယွၤအဘျုးအဖှိၣ်ပၢစ့ၢ်ကီးတၢ်ခီဖျိ တၢ်ပာ်တီပာ်လိၤပှၤ, ဒီးဆှၢပှၤဆူတၢ်မူအထူ အယိာ်ခီဖျိပကစၢ်ယ့ၣ်ၡူးခရံာ်န့ၣ်လီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.