တၢ်ကတိၤဒိ. 10:18 - Sgaw Karen Common Bible

¹⁸ ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

တၢ်ကတိၤဒိ. 10:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

စံးထီၣ်ပတြၢၤ 101:5

ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ် ယကမၤဟးဂီၤကွံာ်အီၤလီၤ. ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်, ယတပျဲပူၤအီၤနီတဂၤဘၣ်

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 15:3

ပှၤလၢအတကတိၤခဲၣ်ဘၣ်ပှၤဂၤတဖၣ်န့ၣ်လီၤ. အဝဲသ့ၣ်တမၤကမၣ်ဘၣ် အတံၤသကိးသ့ၣ်တဖၣ်ဘၣ်, ဒီးတဒုၣ်ဒွဲၣ်ကတိၤအၢကတိၤသီ ပှၤလၢအဃၢၤဘၣ်.

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

စံးထီၣ်ပတြၢၤ 50:20

နကတိၤထီဒါ နဒီပုၢ်ဝဲတထံၣ်ဃီဒီး နဒုၣ်ဒွဲၣ်နမိၢ်အဖိခွါလီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

လံာ်တၢ်ဟးထီၣ်ကွံာ် 23:1

ရၤလီၤတၢ်ကစီၣ်ဟူထီၣ်သါလီၤအကဘျံးကဘျၣ်တဖၣ်တဂ့ၤ. မၤစၢၤပှၤအိၣ်ဒီးတၢ်ကမၣ်တဂၤခီဖျိဟ့ၣ်တၢ်အုၣ်သးကဘျံးကဘျၣ်တဂ့ၤ.

လံာ်ယံးရမံယၤ 6:28

အဝဲသ့ၣ်ခဲလၢာ်မ့ၢ်ပှၤပူထီၣ်တၢ်ဖိတဖၣ်အခိၣ်ကိၤဝဲ, ကိၤဝဲဒ်တိၢ်ဘီဒီးထးအသိးန့ၣ်လီၤ. အဝဲသ့ၣ်ခဲလၢာ်ဟးဂီၤ ဝဲ, ဟးဝ့ၤဝီၤဒီးရၤလီၤတၢ်သီၣ်ဝံသဲကလၤန့ၣ်လီၤ.

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:29

မၤသးဒ်န့ၣ်ဒီး, တၢ်ပျံၤတၢ်ဖုးလီၤဘၣ်အါထီၣ်အီၤလၢစီၤဒၤဝံးအဃိ, ဒီးစီၤဒၤဝံးကဲထီၣ်အဒုၣ်အဒါလၢအသးသမူတစိၤဒၣ်အီၤန့ၣ် လီၤ.