တၢ်ကတိၤဒိ. 10:16 - Sgaw Karen Common Bible

¹⁶ တၢ်မၤဂ့ၤတၢ်အဘူးအလဲမ့ၢ်တၢ်မူလီၤ. မ့မ့ၢ်, တၢ်ဒဲးဘးဆှၢတၢ်ဆူတၢ်မၤအါထီၣ်တၢ်ဒဲးဘးန့ၣ်လီၤ.

တၢ်ကတိၤဒိ. 10:16 Iomraidhean Croise

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

တၢ်ကတိၤဒိ. 21:21

အိၣ်ဒီးတၢ်သူၣ်ကညီၤသးကညီၤဒီးတၢ်သူၣ်လိၤသးဘျၢတက့ၢ်. ဒီးနသးသမူအမုၢ်နံၤကထီဝဲလီၤ. ပှၤဂုၤပှၤဂၤတဖၣ်ကပာ်ကဲ နၤဒီးမၤဘၣ်နၤဂ့ၤဂ့ၤဘၣ်ဘၣ်လီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.