တၢ်ကတိၤဒိ. 1:6 - Sgaw Karen Common Bible

⁶ ဒ်သိးအဝဲသ့ၣ်ကနၢ်ပၢၢ်တၢ်ကူၣ်သ့အတၢ်ကတိၤအခီပညီအဒိၣ် အယိာ်တဖၣ်ဒီးတၢ်ပှိၤပှီၢ်တဖၣ်လၢပှၤကူၣ်သ့တဖၣ်ကတိၤထီၣ်ဝဲ အဂီၢ်န့ၣ်လီၤ.

တၢ်ကတိၤဒိ. 1:6 Iomraidhean Croise

စံးထီၣ်ပတြၢၤ 49:4

ယကဒိးယနၢ်ဆူတၢ်ကတိၤဒိ, ဒီးယကပာ်ဖျါထီၣ် အခီပညီဖဲယဒ့တနၢ်အဖၢမုၢ်န့ၣ်လီၤ.

စံးထီၣ်ပတြၢၤ 78:2

ယကအဲးထီၣ်ယထးခိၣ်လၢတၢ်ကူၣ်သ့အတၢ်ကတိၤ, ဒီးယကစံၣ်တဲၤတဲလီၤတၢ်ကတိၤခူသူၣ်လၢပျၢၤတဖၣ်,

တၢ်ကတိၤဒိ. 24:23

ပှၤကူၣ်သ့တဖၣ်ကတိၤတ့ၢ်စ့ၢ်ကီးတၢ်သ့ၣ်တဖၣ်အံၤလီၤ. စံၣ်ညီၣ်ကွီၢ်တဂၤလၢအဆိကမိၣ်ပာ်စၢၤတၢ်လၢတၢ်ထံၣ်တဆှံဘၣ် အပူၤန့ၣ်, မ့ၢ်တၢ်လၢအကမၣ်လီၤ.

လံာ်ပှၤစံၣ်တဲၤတဲလီၤတၢ် 12:11

ပှၤကူၣ်တၢ်သ့တဖၣ်အတၢ်ကတိၤလီၤဂာ်ဒီးနီၣ်ခိၣ်စူတဖၣ်လၢပှၤ ကွၢ်သိတဖၣ်သူဝဲလၢတၢ်ပၢဆှၢသိအဂီၢ်, ဒီးတၢ်ကတိၤဒိတဖၣ်လၢအဘၣ်တၢ်ထၢ ဖှိၣ်အီၤအိၣ်စံၣ်အိၣ်ကျၢၤဝဲဒ်ထးတဖၣ်လၢအဘၣ် တၢ်ဒိတံၢ်ဂၢၢ်ကျၢၤအီၤအသိးန့ၣ်လီၤ. တၢ်သ့ၣ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤလၢကစၢ်ယွၤ, ပှၤကွၢ်သိထဲတဂၤဧိၤလၢပဝဲခဲလၢာ်အဂီၢ်န့ၣ်လီၤ.

လံာ်ဒၤနံးယ့လး 8:23

ဘီမုၢ်တဖၣ်န့ၣ်အကတၢၢ်ဘူးထီၣ်ဝဲ, ဒီးအဝဲသ့ၣ်အၢထီၣ်သီထီၣ် နးနးကလဲာ်တုၤကဘၣ်တၢ်စံၣ်ညီၣ်အကတီၢ်န့ၣ်စီၤပၤလၢအခိၣ် ကိၤ, အၢတူာ်ကိာ်ဒီးကူၣ်လီတၢ်သ့တဂၤကအိၣ်ထီၣ်ဝဲလီၤ.

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်မၢ်ကူး 4:11

ယ့ၣ်ၡူးစံးဆၢက့ၤအဝဲသ့ၣ်, “သုဝဲသ့ၣ်အံၤတၢ်ဒုးသ့ၣ်ညါ တ့ၢ်သုတၢ်ခူသူၣ်ဘၣ်ဃးဒီးကစၢ်ယွၤအဘီအမုၢ်န့ၣ်လံ. မ့မ့ၢ်ပှၤအိၣ်လၢတၢ်ချၢတဖၣ်န့ၣ်နၢ်ဟူဒၣ်ထဲတၢ်ကတိၤဒိ တဖၣ်ဧိၤလီၤ.

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

၂ ပ့းတရူး 3:16

အဝဲကွဲးတၢ်ဒ်သိးအံၤထီဘိဖဲအကွဲးတၢ်ဘၣ်ဃးတၢ်ဂ့ၢ် အံၤန့ၣ်လီၤ. လၢအလံာ်ပရၢတဖၣ်အပူၤတၢ်အိၣ်ဝဲတနီၤလၢ ပနၢ်ပၢၢ်အီၤကီဒီးပှၤလၢအတသ့လံာ်ဒီးအသးတဂၢၢ်တကျၢၤ တဖၣ်ထုးထီၣ်ကမၣ်ဝဲအခီပညီဒ်အမၤဝဲလၢတၢ်ကွဲး အသးစီဆှံအဂၤတဖၣ်အသိးလီၤ. သတးဒီး, အဝဲသ့ၣ်ဃုအတၢ်ဟးဂီၤဒၣ်ဝဲန့ၣ်လီၤ.