တၢ်ကတိၤဒိ. 1:33 - Sgaw Karen Common Bible

³³ ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

တၢ်ကတိၤဒိ. 1:33 Iomraidhean Croise

လံာ်စီၤယိၤဘး 36:11

အဝဲသ့ၣ်မ့ၢ်စူၢ်ကစၢ်ယွၤဒီးမၤအတၢ်န့ၣ်, အမုၢ်နံၤတဖၣ်ကပှဲၤ ဝဲဒီးတၢ်ဃူတၢ်ဖိးဒီးတၢ်ဘီၣ်တၢ်ညီန့ၣ်လီၤ.

စံးထီၣ်ပတြၢၤ 81:13

ယဆၢလၢယပှၤဂီၢ်မုၢ်ကဒိကနၣ်ယၤဆံးဒိၣ်လဲၣ်. ယဆၢလၢအဝဲသ့ၣ်ကစူၢ်ယၤဆံးဒိၣ်လဲၣ်.

တၢ်ကတိၤဒိ. 12:21

တၢ်အၢတဘၣ်ဘၣ်ပှၤတီပှၤလိၤနီတမံၤဘၣ်. မ့မ့ၢ်ပှၤတတီတလိၤတဖၣ်ပှဲၤဝဲဒီးတၢ်ကီတၢ်ခဲန့ၣ်လီၤ.

တၢ်ကတိၤဒိ. 14:26

တၢ်ယူးယီၣ်ယွၤန့ၣ်ဟ့ၣ်တၢ်နာ်အဂၢၢ်အကျၢၤဒီးတၢ်အိၣ်ဘံၣ်အိၣ်ဘၢ လၢပှၤတဂၤဒီးအဟံၣ်ဖိဃီဖိအဂီၢ်လီၤ.

တၢ်ကတိၤဒိ. 9:11

တၢ်ကူၣ်သ့ကဂံၢ်အါထီၣ်နတၢ်အိၣ်မူအနံၣ်အလါလီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:18

ဒီးသုဘၣ်တိၢ်န့ၢ်ယွၤအတၢ်မၤလိာ်ဒီးအတၢ်သိၣ်တၢ်သီတဖၣ်ဒ်သိး သုကအိၣ်ဂၢၢ်ဆိးကျၢၤလၢကီၢ်ပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:19

ဒီးဟီၣ်ခိၣ်ကဟ့ၣ်ထီၣ်အတၤသၣ်, ဒီးသုကအီၣ်ကုးအီပှဲၤဒီးသုကအိၣ်ဂၢၢ်ဆိးကျၢၤလၢအပူၤလီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်လူၤကၣ် 21:19

အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.

လံာ်လူၤကၣ် 21:9

ဖဲသုနၢ်ဟူဘၣ်တၢ်ဒုးတၢ်ယၤဒီးတၢ်ပူထီၣ်လီထီၣ်အကစီၣ်န့ၣ်, တဘၣ်ပျံၤတၢ်ဖုးတၢ်တဂ့ၤ, တၢ်သ့ၣ်တဖၣ်အံၤခဲလၢာ်ကဘၣ်မၤဆိ အသးလီၤ. ဘၣ်ဆၣ်ဒီးအဝဲန့ၣ်အခီပညီတမ့ၢ်လၢတၢ်အကတၢၢ် ဘူးထီၣ်လံန့ၣ်ဘၣ်.”

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.