တၢ်ကတိၤဒိ. 1:1 - Sgaw Karen Common Bible

¹ အံၣ်စရ့လးအစီၤပၤစီၤဒၤဝံးအဖိခွါစီၤၡလိၤမိၤအတၢ်ကူၣ်သ့ အတၢ်ကတိၤတဖၣ်.

တၢ်ကတိၤဒိ. 1:1 Iomraidhean Croise

လံာ်စီၤပၤအခီၣ်ထံးတဘ့ၣ် 2:12

စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:12

ယွၤဟံးဃာ်ဂၢၢ်ကျၢၤအတၢ်အၢၣ်လီၤဒီးဟ့ၣ်လီၤစီၤၡလိၤမိၤလၢ တၢ်ကူၣ်သ့န့ၣ်လီၤ. ဒီးတၢ်ဃူတၢ်ဖိးအိၣ်ဝဲလၢစီၤဃူရၣ်ဒီးစီၤၡလိၤမိၤအဘၢၣ် စၢၤဒီးအဝဲသ့ၣ်မၤတၢ်အၢၣ်လီၤလိာ်သးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:9

ဘၣ်ဆၣ်ဒီး, အဝဲမၤတ့ၢ်တၢ်အၢၣ်လီၤတမံၤဒီးယၤလီၤ. အဝဲစံးဘၣ်ယၤလၢယကအိၣ်ဒီးယဖိခွါတဂၤ, လၢအကပၢတၢ်လၢတၢ်ဃူ တၢ်ဖိးအပူၤ, မ့ၢ်လၢသါကဟ့ၣ်အီၤတၢ်ဃူတၢ်ဖိးဒီးအဒုၣ်အဒါ တဖၣ်ခဲလၢာ်အဃိန့ၣ်လီၤ. အဝဲအမံၤကမ့ၢ်စီၤၡလိၤမိၤ, မ့ၢ်လၢဖဲအဝဲပၢဘၣ်တၢ်အကတီၢ်န့ၣ် သါကဟ့ၣ်အံၣ်စရ့လးလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:28

အဝဲသံဖဲအမှံၤတုာ်ပှၢ်တီၤ, အိၣ်ပှဲၤဒီးနံၣ်အါလါအါ, တၢ်ထူးဒိၣ်တၢ်တီၤအါ, ဒီးတၢ်လီၤယူးယီၣ်ပာ်ကဲ, ဒီးအဝဲအဖိခွါစီၤၡလိၤမိၤကဲထီၣ်ဘၣ်စီၤပၤလၢအလီၢ်န့ၣ်လီၤ.

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 22:21

ဒီးကသိၣ်လိနၤလၢတၢ်မ့ၢ်တၢ်တီနီၢ်နီၢ်မ့ၢ်တၢ်မနုၤလဲၣ်န့ၣ် လီၤ. အန့ၣ်ဝံၤဒီးဖဲတၢ်မၢလီၤနၤလၢနကဃုထံၣ်န့ၢ်အီၤဒီး, နကဟဲက့ၤစိာ်ကဒါက့ၤတၢ်စံးဆၢအဘၣ်န့ၣ်လီၤ.

တၢ်ကတိၤဒိ. 25:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လၢအစံးအါထီၣ် ဝဲဒီးဘၣ်တၢ်ကွဲးဆဲအီၤလၢပှၤတဖၣ်လၢကီၢ်ယူဒၤအစီၤပၤဃံး စကံယၤအကွီၢ်ဘျီၣ်ပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:1

တၢ်တဖၣ်အံၤမ့ၢ်စီၤဒၤဝံးအဖိခွါ, စီၤပၤလၢယရူၤၡလ့ၣ်အ ပူၤ, ပှၤဆိကမိၣ်တၢ်အဒိၣ်အယိာ်တဂၤအတၢ်ကတိၤတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:9

ဘၣ်ဆၣ်မ့ၢ်လၢပှၤဆိကမိၣ်တၢ်အဒိၣ်အယိာ်တဂၤအံၤကူၣ်တၢ် သ့အဃိ, အဝဲသိၣ်လိဒံးဒၣ်ပှၤဂီၢ်မုၢ်လၢတၢ်လၢအဝဲသ့ၣ်ညါတ့ၢ် ဝဲန့ၣ်လီၤ. အဝဲမၤလိတၢ်ကတိၤဒိတဖၣ်ဒီးမၤကွၢ်အတၢ်မ့ၢ်တၢ်တီ, တီတီလိၤလိၤလီၤ.

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.