ဖံလံးပံၤ 4:9 - Sgaw Karen Common Bible

⁹ အိၣ်မူမၤထွဲတၢ်လၢသုမၤလိဒီးဒိးန့ၢ်ဘၣ်အီၤလၢယအိၣ်တၢ် လၢယကတိၤတဖၣ်မ့ၢ်ဂ့ၤ, တၢ်လၢယမၤတဖၣ်မ့ၢ်ဂ့ၤန့ၣ်တက့ၢ်. ဒီးကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်ကအိၣ်ဒီးသု လီၤ.

ဖံလံးပံၤ 4:9 Iomraidhean Croise

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်လူၤကၣ် 6:46

“ဘၣ်မနုၤအဃိသုကိးယၤ, ‘ကစၢ်ဧၢ, ကစၢ်ဧၢ,’ ဒီးသုတမၤတၢ်လၢယတဲသုန့ၣ်လဲၣ်.

လံာ်လူၤကၣ် 8:21

ယ့ၣ်ၡူးစံးဘၣ်အဝဲသ့ၣ်ကိးဂၤဒဲး, “ယမိၢ်ဒီးယဒီပုၢ်ဝဲၢ်ခွါတဖၣ်မ့ၢ်ဝဲပှၤသ့ၣ်တဖၣ်လၢ အနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

လံာ်ယိၤဟၣ် 2:5

ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

ရိမ့ၤ 15:33

မ်ကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံး, အိၣ်ဒီးသုခဲလၢာ်တက့ၢ်. အၤမ့ၣ်.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

1 ကရံၣ်သူး 14:33

အဂ့ၢ်ဒ်အံၤ, ကစၢ်ယွၤတဘၣ်အသးလၢပကအိၣ်ဒီးတၢ်တၢထီၣ် တၢလီၤဘၣ်. မ့ၢ်အဘၣ်အသးလၢပကအိၣ်လၢတၢ်ဃူတၢ်ဖိးဒီးတၢ်မုာ်တၢ်ခုၣ် အပူၤလီၤ. ဒ်လၢယွၤအပှၤဂီၢ်မုၢ်အတၢ်အိၣ်ဖှိၣ်ခဲလၢာ်အပူၤအသိးန့ၣ်,

1 ကရံၣ်သူး 4:16

လၢတၢ်န့ၣ်အဃိယဃ့ကညးသုလၢသုကကွၢ်လိယၤလီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

ဖံလံးပံၤ 3:17

ယဒီပုၢ်ဝဲၢ်သ့ၣ်ဧၢ, ကွၢ်လိသကိးယၤတက့ၢ်. ပာ်သူၣ်ပာ်သးလၢပှၤ တဖၣ်လၢအပိာ်ထွဲဒိတဲာ်အဂ့ၤအဘၣ်လၢပဒုးနဲၣ်တ့ၢ်သုန့ၣ်တက့ၢ်.

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

၁ သ့းစၤလနံ 1:6

သုတူၢ်ဘၣ်တၢ်မၤအၢမၤနးသုအဒိၣ်အမုၢ်နာ်သက့, သုတူၢ်လိာ်တၢ်သးခုအကစီၣ်လၢတၢ်သးခုလၢ သုဒိးန့ၢ်ဘၣ်လၢသးစီဆှံအအိၣ်သတးဒီး, သုကဲထီၣ်ပှၤကွၢ်လိမၤဒိးပှၤဒီးကစၢ်န့ၣ်လီၤ.

၁ သ့းစၤလနံ 2:14

ပဒီပုၢ်ဝဲၢ်သ့ၣ်ဧၢ, တၢ်လၢအမၤအသးဒီးသုတဖၣ်န့ၣ်မ့ၢ်တၢ်တမံၤဃီလၢအမၤတ့ၢ် အသးဒီးကစၢ်ယွၤအတၢ်အိၣ်ဖှိၣ်လၢကီၢ်ယူဒၤအပူၤ, ပှၤတဖၣ်လၢအဘၣ်ဃးဒီးယ့ၣ်ၡူးခရံာ်န့ၣ်လီၤ. သုတူၢ်ဘၣ်တၢ်တမံၤဃီလၢသုပှၤကလုာ်တဖၣ်အစုပူၤ, ဒ်အဝဲသ့ၣ်တူၢ်ဘၣ်တၢ်လၢပှၤယူဒၤဖိအစုပူၤအသိး န့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၂ သ့းစၤလနံ 3:4

ပကစၢ်ဟ့ၣ်စ့ၢ်ကီးပှၤသးလၢအနာ်န့ၢ်သု, ဒီးပနာ်ပဝဲသပှၢ်ကတၢၢ်လၢသုမၤတ့ၢ်လံဒီးသုကမၤဒံး ဆူညါဒ်ပတဲဘၣ်သုအသိးန့ၣ်လီၤ.

၂ တံၤမသ့း 4:22

မ်ကစၢ်အိၣ်ဒီးနသးတက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

ယၤကိာ် 1:22

တဘၣ်လီလီၤသုသးခီဖျိထဲလၢတၢ်ဒိကနၣ်တၢ်ကလုၢ် ကထါဧိၤန့ၣ်တဂ့ၤ. မ့မ့ၢ်, အိၣ်မူမၤထွဲတၢ်ကလုၢ်ကထါအံၤတက့ၢ်.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၁ ယိၤဟၣ် 3:22

တၢ်လၢပဃ့တမံၤလၢ်လၢ်န့ၣ်ပဒိးန့ၢ်လၢအီၤ, မ့ၢ်လၢပစူၢ် အတၢ်မၤလိာ်တဖၣ်ဒီးမၤတၢ်လၢအဘၣ်အသးအဃိန့ၣ်လီၤ.