ဖံလံးပံၤ 4:4 - Sgaw Karen Common Bible

⁴ မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

ဖံလံးပံၤ 4:4 Iomraidhean Croise

စံးထီၣ်ပတြၢၤ 146:2

ယကစံးထီၣ်ပတြၢၤအီၤဖဲယအိၣ်မူဒံးအဖၢမုၢ်, ယကသးဝံၣ်ထီၣ်အီၤတစိၤဒၣ်ယၤလီၤ.

စံးထီၣ်ပတြၢၤ 33:1

သုဝဲပှၤတီပှၤလိၤခဲလၢာ်သ့ၣ်ဧၢ, သူၣ်ဖှံသးညီလၢယွၤအပူၤတက့ၢ်. တၢ်စံးထီၣ်ပတြၢၤန့ၣ်ဂ့ၤဝဲလၢပှၤလၢ အသူၣ်လိၤအသးဘျၢအဂီၢ်န့ၣ်လီၤ.

လံာ်ဃဘးကူာ် 3:18

ယကအိၣ်ဒံးဒီးတၢ်သူၣ်ခုသးခုဒီးတၢ်သူၣ်ဖှံသးညီလီၤ. အဂ့ၢ်ဒ်အံၤယွၤ, ကစၢ်ယွၤမ့ၢ်ယပှၤအုၣ်က့ၤခီၣ်က့ၤယၤလီၤ.

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

ကလၤတံ 1:8

ဘၣ်ဆၣ်ဒီးပဝဲဒၣ်မ့ၢ်ဂ့ၤ, ကလူးလၢမူခိၣ်မ့ၢ်ဂ့ၤ, မ့ၢ်စံၣ်တဲၤတဲလီၤတၢ်သးခုကစီၣ်တခါလၢအလီၤ ဆီဒီးတၢ်လၢပစံၣ်တဲၤတဲလီၤတ့ၢ်န့ၣ်, မ်အဘၣ် တၢ်ဆိၣ်အၢတက့ၢ်.

ဖံလံးပံၤ 2:18

ဒ်န့ၣ်အသိး, သုဝဲစ့ၢ်ကီးသုကဘၣ်သူၣ်ခုသးခုဒီးဒုးသးခု ဃုာ်ယၤလၢသုသကိးန့ၣ်လီၤ.

ဖံလံးပံၤ 3:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သူၣ်ခုသးခုလၢသုတၢ်မ့ၢ်တၢ်တမံၤဃီဒီးကစၢ်ခရံာ်အဃိ န့ၣ်တက့ၢ်. ယကတဲကဒီး တၢ်လၢယကွဲးတ့ၢ်လံလၢညါန့ၣ်တမ့ၢ်တၢ်တံာ်တာ်လၢ ယဂီၢ်ဘၣ်, ဒီးယမ့ၢ်မၤဒ်န့ၣ်မးဒီးတၢ်လီၤဘၣ်ယိၣ်လၢသုဂီၢ် ကစှၤလီၤဝဲလီၤ.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.