ဖံလံးပံၤ 4:2 - Sgaw Karen Common Bible

² နီၢ်အူၤအိဒံၤဒီးနီၢ်စူၣ်တူဃ့ၤသ့ၣ်ဧၢ, ယဃ့ကညးသုလၢသုကဝံသးစူၤအိၣ်ဃူအိၣ်ဖိးလိာ်သုသးဒ်ဒီ ပုၢ်ဝဲၢ်မုၣ်တဖၣ်အသိးလၢကစၢ်အပူၤန့ၣ်လီၤ.

ဖံလံးပံၤ 4:2 Iomraidhean Croise

လံာ်တၢ်ကဲထီၣ်အခီၣ်ထံး 45:24

အဝဲဆှၢလီၤအဒီပုၢ်ဝဲၢ်ခွါတဖၣ်ဖဲအဟးထီၣ်န့ၣ်, ဒီးအဝဲစံးဘၣ်အဝဲသ့ၣ် “အ့ၣ်လိာ်သုသးလၢကျဲတဂ့ၤ.”

လံာ်မၢ်ကူး 9:50

အံသၣ်မ့ၢ်တၢ်လၢအဂ့ၤလီၤ. ဘၣ်ဆၣ်ဒီးမ့ၢ်တဟီလၢၤဘၣ်န့ၣ်, သုကမၤဟီထီၣ်က့ၤအီၤဒ်လဲၣ်. လၢသုတၢ်ရ့လိာ်သကိးသုသးအပူၤန့ၣ်, အိၣ်ဒီးတၢ်အသဟီၣ်ဒ်အံသၣ် အသိးဒီးအိၣ်ဃူအိၣ်ဖိးလိာ်သုသးတဂၤဒီးတဂၤတက့ၢ်.”

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

ဖံလံးပံၤ 3:16

ဒ်လဲၣ်ဂ့ၤဒ်လဲၣ်ဂ့ၤန့ၣ်, မ်ပကလဲၤတၢ်ဆူညါဒ်တၢ်ဘျၢတမံၤဃီလၢပပိာ်ထွဲတ့ၢ်အီၤတုၤခဲ ကနံၣ်အံၤန့ၣ်တက့ၢ်.

၁ သ့းစၤလနံ 5:13

အဝဲသ့ၣ်တဖၣ်န့ၣ်, ယူးယီၣ်ပာ်ဒိၣ်ဒီးအဲၣ်အီၤကွံအီၤဒိၣ်ဒိၣ် ကလဲာ်, မ့ၢ်လၢတၢ်ခဲလၢာ်လၢအမၤဝဲအဃိန့ၣ်တက့ၢ်. အိၣ်ဃူအိၣ်ဖိးလိာ်သုသးသကိးသကိးတက့ၢ်.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.