ဖံလံးပံၤ 4:10 - Sgaw Karen Common Bible

¹⁰ ယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ်လဲၣ်န့ၣ်, လၢဆၢကတီၢ်ဖးယံာ်ဝံၤအလီၢ်ခံသုဒိးန့ၢ်ဘၣ်ကဒီးတၢ် အခွဲးအယာ်လၢသုကပာ်ဖျါသုတၢ်သူၣ်အိၣ်သးအိၣ်ယၤ န့ၣ်လီၤ. တမ့ၢ်ယစံးလၢသုတသူၣ်အိၣ်သးအိၣ်ယၤလၢၤ န့ၣ်ဘၣ်. မ့ၢ်ဒၣ်လၢအခွဲးအယာ်တအိၣ်လၢသုကပာ်ဖျါ ထီၣ်အီၤအဂီၢ်အဃိန့ၣ်လီၤ.

ဖံလံးပံၤ 4:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:8

တုၤစီၤပၤယဃံးစကံယၤဒီးအဝဲအပဒိၣ်ပပှၢ်တဖၣ်, ထံၣ်ဘၣ်တၢ်ဟ့ၣ်တဖၣ်ဘၣ်တၢ်ဟ့ၣ်လီၤအီၤအါထဲလဲၣ်န့ၣ်, အဝဲသ့ၣ်စံးထီၣ်ပတြၢၤယွၤဒီးစံးထီၣ်ပတြၢၤအဝဲအပှၤဂီၢ် မုၢ်အံၣ်စရ့လးန့ၣ်လီၤ.

စံးထီၣ်ပတြၢၤ 85:6

မၤဆူၣ်ထီၣ်က့ၤကဒီးပှၤ ဒီးပဝဲဒၣ်နပှၤဂီၢ်မုၢ်ကစံးထီၣ်ပတြၢၤနၤလီၤ.

လံာ်ဟိၤၡ့ 14:7

မၤကဒီးတစု, အဝဲသ့ၣ်ကအိၣ်ဆိး လၢယတၢ်ဒီဒၣ်အိၣ်ပှိၤအဖီလာ်န့ၣ်လီၤ. အဝဲသ့ၣ်ကသူၣ်ဘုခ့ဒီးကသၣ်ထီၣ်ဝဲဒ်စ ပံးလီၢ်တလီၢ်အသိးန့ၣ်လီၤ. အဝဲသ့ၣ်အမံၤကဟူသၣ်က ဖျါဒ်လဘၤနိၣ်အစပံးထံအသိးန့ၣ်လီၤ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

၂ ကရံၣ်သူး 6:7

လၢပတၢ်ကစီၣ်ဘၣ်ဃးတၢ်မ့ၢ်တၢ်တီအပူၤ, ဒီးလၢကစၢ်ယွၤအစိကမီၤအပူၤန့ၣ်လီၤ. ပအိၣ်ဒီးတၢ်တီ တၢ်လိၤဒ်ပစုကဝဲၤ, လၢပကထီၣ်မၤနၢၤတၢ်အဂီၢ် ဒီးပကဒီတဒၢပသးအဂီၢ်ခံမံၤလၢာ်န့ၣ်လီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

ဖံလံးပံၤ 1:3

တဘျီလၢ်လၢ်ဖဲယဆိကမိၣ်ထီၣ်သုဂ့ၢ်န့ၣ်, ယစံးဘျုးယကစၢ် ယွၤလၢသုဃိလီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.