ဖံလံးပံၤ 3:9 - Sgaw Karen Common Bible

⁹ ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

ဖံလံးပံၤ 3:9 Iomraidhean Croise

လံာ်တၢ်ကဲထီၣ်အခီၣ်ထံး 7:23

ယွၤမၤဟးဂီၤကွံာ်ကယဲၢ်တၢ်လၢအမူအသါခဲလၢာ်လၢဟီၣ်ခိၣ်ဖီ ခိၣ်, ပှၤကညီတဖၣ်, ဆၣ်ဖိကီၢ်ဖိတဖၣ်ဒီးထိၣ်ဖိလံၣ်ဖိ တဖၣ်န့ၣ်လီၤ. ပှၤအိၣ်လီၤတဲာ်ဒၣ်ထဲစီၤနိအၤဒီးပှၤအိၣ်ဒီး အီၤတဖၣ်လၢကဘီပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

စံးထီၣ်ပတြၢၤ 14:3

ဘၣ်ဆၣ်အဝဲသ့ၣ်လဲၤကမၣ်တ့ၢ်လံခဲလၢာ်လံ. အဝဲသ့ၣ်ခဲလၢာ်ဟးဂီၤဝဲဒ်သိးသိးလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်. ထဲတဂၤဧိၤဒၣ်လဲာ်တအိၣ်ဘၣ်.

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယၡါယၤ 46:13

တၢ်မၤနၢၤအမုၢ်နံၤအံၤယဟဲစိာ်ဘူးထီၣ်အီၤလံ. တအိၣ်ယံၤလၢၤဘၣ်. ယတၢ်မၤနၢၤအံၤတၢ်တမၤယံာ်လၢၤဘၣ်အီၤဘၣ်, ယကအုၣ်က့ၤခီၣ်က့ၤဝ့ၢ်ယရူၤၡလ့ၣ်ဒီးဟဲစိာ်တၢ်လၤတၢ်ကပီၤလၢ ကီၢ်အံၣ်စရ့လးအဂီၢ်ဖဲန့ၣ်လီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

ရိမ့ၤ 16:7

ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.

ရိမ့ၤ 5:21

လၢတၢ်န့ၣ်အဃိ, ဒ်တၢ်ဒဲးဘးပၢတၢ်ခီဖျိတၢ်သံ အသိးန့ၣ်, ကစၢ်ယွၤအဘျုးအဖှိၣ်ပၢစ့ၢ်ကီးတၢ်ခီဖျိ တၢ်ပာ်တီပာ်လိၤပှၤ, ဒီးဆှၢပှၤဆူတၢ်မူအထူ အယိာ်ခီဖျိပကစၢ်ယ့ၣ်ၡူးခရံာ်န့ၣ်လီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 2:16

သနာ်က့ပသ့ၣ်ညါလၢပှၤကညီတဂၤဘၣ်တၢ်မၤလိၤမၤဘၣ်အီၤဒီး ကစၢ်ယွၤခီဖျိဒၣ်ထဲလၢတၢ်စူၢ်တၢ်နာ်လၢယ့ၣ်ၡူးခရံာ်အပူၤ, ဒီးတမ့ၢ်ဝဲဒၣ်ခီဖျိတၢ်မၤထွဲတၢ်သိၣ်တၢ်သီအခံန့ၣ်ဘၣ်. ပဝဲစ့ၢ်ကီးပစူၢ်က့ၤနာ်က့ၤယ့ၣ်ၡူးခရံာ်ဒ်သိးပကဘၣ်တၢ်မၤ လိၤမၤဘၣ်ပှၤဒီးကစၢ်ယွၤခီဖျိပတၢ်စူၢ်တၢ်နာ်လၢခရံာ် အပူၤ, ဒီးတမ့ၢ်ဝဲတၢ်မၤထွဲတၢ်သိၣ်တၢ်သီန့ၣ်ဘၣ်. အဂ့ၢ်ဒ်အံၤ, တၢ်တမၤလိၤမၤဘၣ်ပှၤဒီးကစၢ်ယွၤလၢတၢ်မၤထွဲတၢ်သိၣ် တၢ်သီအခံအဃိနီတဂၤဘၣ်.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

ဖံလံးပံၤ 3:6

ဒီးယသူၣ်ဆူၣ်သးဂဲၤယဲဒိၣ်မးတုၤဒၣ်လဲာ်ယမၤအၢမၤနး တၢ်အိၣ်ဖှိၣ်န့ၣ်လီၤ. ဖဲလၢအဘၣ်ဃးဒီးပှၤကညီတဂၤတီဝဲလိၤဝဲလၢအတၢ်စူၢ်တၢ်သိၣ် တၢ်သီအတၢ်မၤလိာ်တဖၣ်န့ၣ်, တၢ်ပာ်တၢ်ကမၣ်လၢယလိၤအလီၢ် တအိၣ်ဘၣ်.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၁ ယိၤဟၣ် 3:4

ကယဲၢ်ပှၤတဂၤလၢ်လၢ်လၢအမၤတၢ်ဒဲးဘးန့ၣ်, လုၣ်သ့ၣ်ခါပတာ်ကစၢ်ယွၤအတၢ်သိၣ်တၢ်သီလီၤ. အဂ့ၢ်ဒ်အံၤ, တၢ်ဒဲးဘးမ့ၢ်တၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီလီၤ.