ဖံလံးပံၤ 3:8 - Sgaw Karen Common Bible

⁸ ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

ဖံလံးပံၤ 3:8 Iomraidhean Croise

လံာ်စီၤပၤအခီၣ်ထံးတဘ့ၣ် 14:10

လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ ပျီကွံာ်အီၤဒ်တၢ်အ့ၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:37

အဝဲအဃံအကွဲလၢအအိၣ်လီၤတဲာ်တဖၣ်ကဘၣ်တၢ်မၤလီၤပြံလီၤပြါအီၤဖဲန့ၣ်ဒ်တၢ်အ့ၣ်အသိးဒ်သိးပှၤကွၢ်နီၣ်အီၤသုတဘၣ် နီတဂၤတဂ့ၤအဂီၢ်န့ၣ်လီၤ.

လံာ်စီၤယိၤဘး 20:7

ဘၣ်ဆၣ်အဝဲကဘၣ်တၢ်အူဒံကွံာ်အီၤဒ်ဖၣ်ကမူၣ်အသိးန့ၣ်လီၤ. ပှၤလၢအသ့ၣ်ညါညီနုၢ်အီၤတဖၣ် ကကမၢကမၣ်လၢ မ့ၢ်အဝဲသ့ၣ်လဲၤတုၤဆူလဲၣ်န့ၣ်လီၤ.

စံးထီၣ်ပတြၢၤ 126:6

ပှၤလၢအလဲၤတၢ်အိၣ်ဒီးအမဲာ်ထံလီၤ, စိာ်တၢ်ချံလၢကဖှံလီၤတၢ်အဂီၢ်န့ၣ်, ကဟဲက့ၤဆူဟံၣ်လၢတၢ်သးခုအတၢ်ကိးထီၣ် စိာ်ဃုာ်ဒီးအဘုကဒိၣ်တဖၣ်န့ၣ်လီၤ.

စံးထီၣ်ပတြၢၤ 73:25

နမ့ၢ်ဒၣ်ပှၤထဲတဂၤဧိၤလၢ ယဒိးန့ၢ်ဘၣ်လၢမူခိၣ်န့ၣ်လီၤ. မ့ၢ်လၢယဒိးန့ၢ်ဘၣ်လံနၤအဃိ ယလိၣ်ဘၣ်ဒံး တၢ်မနုၤတမံၤလၢဟီၣ်ခိၣ်ချၢန့ၣ်လဲၣ်.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်မၤလကံ 2:3

ယကသိၣ်ဃီၣ်သုဖိတဖၣ်ဒီးမၤဘၣ်အၢသုမဲာ်လၢဆၣ်ဖိကီၢ် ဖိလၢသုလုၢ်ထီၣ်အအ့ၣ်, ဒီးသုကဘၣ်တၢ်စိာ်ကွံာ်သုဆူတၢ်အ့ၣ်အပူၣ်န့ၣ်လီၤ.

လံာ်တၢ်ဂံၢ် 14:30

ယအၢၣ်လီၤအီလီၤတ့ၢ်လၢသုကအိၣ်ဘၣ်ဖဲန့ၣ်ဘၣ်ဆၣ်ဒီးမ့တမ့ၢ် လၢစီၤကၤလ့းဒီးစီၤယိၤၡူဘၣ်န့ၣ်ပှၤတလဲၤနုာ်ဘၣ်နီတဂၤ ဘၣ်.

လံာ်လူၤကၣ် 1:43

တၢ်အဒိၣ်အမုၢ်တမံၤလၢအမ့ၢ်ဝဲယကစၢ်အမိၢ်အတၢ်ဟဲအိၣ် သကိးယၤအံၤ, မၤအသးဒီးယၤလၢတၢ်ဂ့ၢ်မနုၤတမံၤအဃိလဲၣ်.

လံာ်လူၤကၣ် 11:20

တမ့ၢ်ဘၣ်. မ့မ့ၢ်တခီယဟီထီၣ်ကွံာ်တၢ်ဝံတၢ်နါ တဖၣ်လၢကစၢ်ယွၤအစိကမီၤတခီ, ဒီးတၢ်တမံၤအံၤအုၣ်အသးလၢကစၢ်ယွၤအဘီအမုၢ် ဟဲတုၤအိၣ်သုလံန့ၣ်လီၤ.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 14:7

ခဲအံၤမ့ၢ်သုသ့ၣ်ညါယၤလံအဃိ, သုကသ့ၣ်ညါယပၢ်စ့ၢ် ကီးလီၤ. စးထီၣ်ခဲအံၤဒီးဆူညါန့ၣ်, သုသ့ၣ်ညါအီၤဒီးသုထံၣ်ဘၣ်အီၤလံန့ၣ်လီၤ.”

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 20:13

အဝဲသ့ၣ်သံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်.” အဝဲစံးဆၢတၢ်ဒီးစံးဝဲ, “အဝဲသ့ၣ်စိာ်ကွံာ်ယကစၢ်န့ၣ်လံ. ဒီးပာ်ဝဲဖဲလဲၣ်န့ၣ်ယတသ့ၣ်ညါဘၣ်.”

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

ရိမ့ၤ 8:18

ယပာ်ယသးလၢတၢ်နးတၢ်ဖှီၣ်လၢပတူၢ်ဘၣ်အီၤလၢ ဆၢကတီၢ်ခဲအံၤန့ၣ်, ပထိၣ်သတြီၤအီၤဒီးတၢ်လၤကပီၤလၢ အကဘၣ်တၢ်လီၣ်ဖျါထီၣ်န့ၢ်ပှၤန့ၣ်တသ့လ့ၤတက့ၤဘၣ်န့ၣ်လီၤ.

ရိမ့ၤ 8:39

တၢ်လၢထးမ့ၢ်ဂ့ၤ, တၢ်လၢလာ်မ့ၢ်ဂ့ၤ, တၢ်ဘၣ်တ့အဂုၤ အဂၤခဲလၢာ်မ့ၢ်ဂ့ၤ, မၤလီၤဖးပှၤဒီးကစၢ်ယွၤအတၢ်အဲၣ် တၢ်ကွံလၢအအိၣ်လၢပကစၢ်ယ့ၣ်ၡူးခရံာ်အပူၤန့ၣ်တသ့ဘၣ်လီၤ.

1 ကရံၣ်သူး 2:2

အဂ့ၢ်ဒ်အံၤ, ဖဲယအိၣ်ဒီးသုန့ၣ်, ယပာ်လီၤတ့ၢ်ယသးဒ်သိးယကသးပ့ၤနီၣ်ကွံာ်တၢ်ခဲလၢာ် ဒီးသ့ၣ်နီၣ်ထီၣ်က့ၤထဲယ့ၣ်ၡူးခရံာ်ဒီးလီၤဆီဒၣ်တၢ်အဝဲ အတၢ်သံလၢထူၣ်စုညါအလိၤန့ၣ်လီၤ.

1 ကရံၣ်သူး 9:10

ဖဲအဝဲဒၣ်စံးတၢ်န့ၣ်, နီၢ်နီၢ်တခီမ့ၢ်အကွၢ်တၢ်လၢပဂီၢ်တမ့ၢ် ဘၣ်ဧါ. သပှၢ်ကတၢၢ်တၢ်ကွဲးတတီၤန့ၣ်ဘၣ်တၢ်ကွဲးအီၤလၢပဂီၢ်လီၤ. ပှၤတဂၤလၢအထဲၣ်တၢ်ဒီးပှၤတဂၤလၢအကူးဘုန့ၣ်, ကြၢးမၤအတၢ်ဖံးတၢ်မၤအိၣ်ဒီးတၢ်မုၢ်လၢ်လၢကနီၤလီၤဟံးန့ၢ် သကိးဘုန့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ကလၤတံ 1:16

လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.

အ့းဖ့းစူး 4:13

တုၤလၢပဝဲဒၣ်ခဲလၢာ်ပဟဲပာ်ဖှိၣ်ထီၣ်ပသးတပူၤဃီဆူ တၢ်နာ်တမံၤဃီဒီးလၢတၢ်သ့ၣ်ညါထံကစၢ်ယွၤအဖိခွါ အပူၤတစုန့ၣ်လီၤ. ပကကဲထီၣ်ပှၤဒိၣ်တုာ်ခိၣ်ပှဲၤတဖၣ်, တုၤထီၣ်ထီၣ်ဘးဆူခရံာ်အတၢ်ဒိၣ်တုာ်ခိၣ်ပှဲၤလၢလၢ ပှဲၤပှဲၤန့ၣ်လီၤ.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

ဖံလံးပံၤ 3:10

တၢ်လၢယအဲၣ်ဒိးန့ၣ် မ့ၢ်ဒၣ်တၢ်သ့ၣ်ညါခရံာ်ဒီးတၢ်ကလၢၢ်ဘၣ် အတၢ်ဂဲၤဆၢထၢၣ်သမူထီၣ်က့ၤအစိကမီၤ, တၢ်တူၢ်သကိးဃုာ်တၢ်နးတၢ်ဖှီၣ်ဒီးအီၤ, ဒီးကဲထီၣ်ပှၤလီၤဂာ်ဒီးအီၤလၢအတၢ်သံအပူၤ,

ဖံလံးပံၤ 3:12

ယတစံးလၢယဒိးန့ၢ်ဘၣ်လံတၢ်အံၤမ့ၢ်ဂ့ၤ, ယလၢထီၣ်ပှဲၤထီၣ်လံမ့ၢ်ဂ့ၤန့ၣ်ဘၣ်. မ့မ့ၢ်ယဂဲၤပျုၢ်ဂဲၤဆှးဒ်သိးယကဒိးန့ၢ်ဘၣ်ခိၣ်ဖးလၢအမ့ၢ် ယ့ၣ်ၡူးခရံာ်မၤန့ၢ်လံယၤလၢအကစၢ်ဒၣ်ဝဲအဂီၢ်န့ၣ်လီၤ.

ဖံလံးပံၤ 3:7

ဘၣ်ဆၣ်ဒီးတၢ်သ့ၣ်တဖၣ်လၢယကပာ်ကဲအီၤဒ်တၢ်ဘျုး တၢ်ဖှိၣ်လၢယဂီၢ်န့ၣ်, ခဲကနံၣ်အံၤယပာ်က့ၤအီၤဒ်တၢ်လီၤမၢ်လၢယဂီၢ်လၢခရံာ် အဃိန့ၣ်လီၤ.

၂ တံၤမသ့း 4:6

မ့မ့ၢ်ယဲတခီ, နၣ်ရံၣ်တုၤဃီၤဝဲလၢယကဘၣ်တၢ်လုၢ်ထီၣ်ယၤအဂီၢ်လံ. တၢ်ဆၢကတီၢ်ဟဲတုၤအိၣ်ယၤလၢယကပာ်တ့ၢ်တၢ်အိၣ်မူအံၤန့ၣ်လံ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

၁ ပ့းတရူး 2:7

လၢၢ်အံၤအိၣ်ဒီးအလုၢ်အပှ့ၤဖးဒိၣ်လၢသုဝဲလၢအနာ်တၢ် တဖၣ်အဂီၢ်, မ့မ့ၢ်ပှၤလၢအတနာ်တၢ်တဖၣ်အဂီၢ်န့ၣ်, “လၢၢ်လၢပှၤသူၣ်ထီၣ်တၢ်တဖၣ်ညိကွံာ်ဝဲ ဒ်အမ့ၢ်တၢ်လၢအလုၢ်အပှ့ၤတအိၣ်အံၤ ကဲထီၣ်လၢၢ်လၢအကါဒိၣ်ကတၢၢ်တဖျၢၣ်န့ၣ်လီၤ” (စံး ၁၁၈:၂၂, ၂၃).

၂ ပ့းတရူး 1:2

မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢ ပှဲၤပှဲၤခီဖျိသုတၢ်သ့ၣ်ညါကစၢ်ယွၤဒီးပကစၢ်ယ့ၣ်ၡူးခရံာ် န့ၣ်တက့ၢ်.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

၂ ပ့းတရူး 1:8

တၢ်သ့ၣ်တဖၣ်အံၤမ့ၢ်တၢ်လၢသုလိၣ်ဘၣ်အီၤ, ဒီးသုမ့ၢ်အိၣ်ဒီးတၢ်သ့ၣ်တဖၣ်အံၤအါအါကလဲာ်ဒီး, ကဒုးမူဒုးဂဲၤသုဒီးဒုးကဲဘျုးကဲဖှိၣ်သုလၢသုတၢ်သ့ၣ်ညါ ပကစၢ်ယ့ၣ်ၡူးခရံာ်အပူၤန့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.