ဖံလံးပံၤ 3:7 - Sgaw Karen Common Bible

⁷ ဘၣ်ဆၣ်ဒီးတၢ်သ့ၣ်တဖၣ်လၢယကပာ်ကဲအီၤဒ်တၢ်ဘျုး တၢ်ဖှိၣ်လၢယဂီၢ်န့ၣ်, ခဲကနံၣ်အံၤယပာ်က့ၤအီၤဒ်တၢ်လီၤမၢ်လၢယဂီၢ်လၢခရံာ် အဃိန့ၣ်လီၤ.

ဖံလံးပံၤ 3:7 Iomraidhean Croise

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 19:26

ဘၣ်ဆၣ်ဒီး, စီၤလိာ်အမါကွၢ်ကဒါက့ၤတၢ်ဆူအလီၢ်ခံ ဒီးကဲထီၣ်အံသၣ်ထူၣ်တထူၣ်န့ၣ်လီၤ.

လံာ်စီၤယိၤဘး 2:4

တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

တၢ်ကတိၤဒိ. 13:8

ပှၤအထူးအတီၤတဂၤကဘၣ်သူအစ့လၢကမၤပူၤဖျဲးအသးသမူ အဂီၢ်လီၤ. ဘၣ်ဆၣ်ဒီးပှၤတမၤပျံၤမၤဖုးပှၤအဖှီၣ်အယာ်တဂၤန့ၣ် နီတဂၤဘၣ်.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:6

ပာ်လီၤဝဲတၢ်အကတီၢ်လၢတၢ်ထံၣ်န့ၢ်တၢ်အဂီၢ်ဒီးတၢ် အကတီၢ်လၢတၢ်ကဟါမၢ်အဂီၢ်, ဒီးတၢ်အကတီၢ်လၢတၢ်ကပာ်ဖှိၣ်ပာ်တံၤတၢ်အဂီၢ်, ဒီးတၢ်အကတီၢ်လၢတၢ်ကစူးကွံာ်ညိကွံာ်တၢ်အဂီၢ်,

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မၢ်ကူး 10:50

အဝဲဒၣ်ကွံာ်လီၤကွံာ်အဆ့ကၤဖီခိၣ်, စံၣ်ထီၣ်ဝဲ, ဒီးဟဲဝဲဆူယ့ၣ်ၡူးအအိၣ်လီၤ.

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 14:33

ယ့ၣ်ၡူးမၤကတၢၢ်အတၢ်ဂ့ၢ်တမံၤအံၤဒီးစံးဝဲ, “ဒ်န့ၣ်အသိးမ့တမ့ၢ်လၢသုဟ့ၣ်လီၤကွံာ်တၢ်လၢအအိၣ်ဒီး သုခဲလၢာ်ဘၣ်ဒီး, သုကဲထီၣ်ယပျဲၢ်ယဘီၣ်တသ့နီတဂၤဘၣ်.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”

မၤတၢ် 27:38

ဖဲပှၤကိးဂၤဒဲးအီၣ်တၢ်လၢအီၣ်လံန့ၣ်, အဝဲသ့ၣ်မၤဖှံထီၣ်ကဘီခီဖျိအတ့ၢ်လီၤကွံာ်ဘုကၠူၣ်ခဲလၢာ် ဆူပီၣ်လဲၣ်ပူၤန့ၣ်လီၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.