ဖံလံးပံၤ 3:5 - Sgaw Karen Common Bible

⁵ ယဘၣ်တၢ်ကူးတရံးယၤဖဲယသးအိၣ်တနွံအဆၢကတီၢ် န့ၣ်လီၤ. ယမ့ၢ်ပှၤအံၣ်စရ့လးဖိတဂၤလၢယအိၣ်ဖျဲၣ်ထီၣ်လံၤလံၤ, ယဘၣ်ဃးဒီးစီၤဘံၣ်ယၤမံၣ်အဒူၣ်, ဒီးမ့ၢ်ပှၤဧ့ၤဘြံၤဖိအသွံၣ် ဆှံဆှံတဂၤန့ၣ်လီၤ. ဖဲလၢအဘၣ်ဃးဒီးတၢ်အိၣ်မူပိာ်ထွဲပှၤယူဒၤဖိအတၢ်သိၣ် တၢ်သီန့ၣ်, ယမ့ၢ်ပှၤဖၤရံၤၡဲဖိတဂၤ,

ဖံလံးပံၤ 3:5 Iomraidhean Croise

လံာ်တၢ်ကဲထီၣ်အခီၣ်ထံး 14:13

ဘၣ်ဆၣ်ပှၤလၢအထူၣ်ဖျဲးတဂၤတဲဘၣ်တၢ်မၤအသးခဲလၢာ်လၢပှၤဧ့ၤ ဘြံၤဖိစီၤအၤဘြၣ် လၢအအိၣ်ဝဲဆိးဝဲဘူးဒီးသ့ၣ်စီဆှံ တဖၣ်လၢအဘၣ်ဃးဒီးပှၤအမိၢ်ဖိစီၤမးမရ့န့ၣ်လီၤ. စီၤမးမရ့ဒီးအဒီပုၢ်ဝဲၢ်စီၤအ့ၡကိၤလး, စီၤဧၤန့ၢ်တဖၣ်န့ၣ်မ့ၢ်စီၤအၤဘြၣ်အဒီသိၣ်ဒီမှံၤန့ၣ်လီၤ.

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

လံာ်တၢ်ကဲထီၣ်အခီၣ်ထံး 41:12

ပှၤဧ့ၤဘြံၤသးစၢ်ဖိတဂၤအိၣ်ဒီးပှၤဖဲန့ၣ်, မ့ၢ်ပှၤပၢၤတၢ်အခိၣ်အကုၢ်အပှၤတဂၤလီၤ. ပတဲဘၣ်အီၤလၢပတၢ်မံ မီၢ်တဖၣ်, ဒီးအဝဲဒၣ်ဖးအခီပညီလၢပဂီၢ်လီၤ.

လံာ်ယိၤနါ 1:9

စီၤယိၤနါစံးဆၢဝဲ, “ယမ့ၢ်ပှၤဧ့ၤဘြံၤဖိလီၤ. ယဘူၣ်ထီၣ်ဘါထီၣ်ယွၤ, မူခိၣ်အကစၢ်ယွၤလၢအတ့လီၤပီၣ်လဲၣ်ဒီးခိန့ၣ်လီၤ.”

လံာ်လူၤကၣ် 1:59

ဒီးဃိးသီတသီန့ၣ်, အဝဲသ့ၣ်ဟဲဒ်သိးအကကူးတရံးဖိသၣ်ဒီး သါကယုၢ်န့ၢ်အမံၤလၢစီၤစဃၤရံဒ်အပၢ်အမံၤအသိးလီၤ.

လံာ်လူၤကၣ် 2:21

တနွံဝံၤအလီၢ်ခံ, ဖဲတၢ်ဆၢကတီၢ်တုၤဃီၤလၢဖိသၣ်ကဘၣ်တၢ်ကူး တရံးအီၤန့ၣ်, အဝဲဘၣ်တၢ်ယုၢ်န့ၢ်အမံၤလၢယ့ၣ်ၡူး, ဒ်ကလူးယုၢ်န့ၢ်တ့ၢ်အီၤအသိးတချုးလၢအဝဲဒၣ်ဘၣ်တၢ်ဒၢထီၣ် အီၤဒံးဘၣ်န့ၣ်လီၤ.

လံာ်လူၤကၣ် 5:38

မ့မ့ၢ်စပံးထံအသီန့ၣ်, ကြၢးဘၣ်တၢ်ဒၢနုာ်အီၤလၢစပံးထံဒၢတၢ်ဖံးအသီတဖၣ်အပူၤလီၤ.

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 23:6

ဖဲစီၤပီလူးထံၣ်လၢပှၤအိၣ်ဖဲန့ၣ်တနီၤမ့ၢ်ပှၤစးဒူၤကဲဒီး အဂၤတနီၤမ့ၢ်ပှၤဖၤရံၤၡဲန့ၣ်, အဝဲဒၣ်ကိးထီၣ်လၢကီၣ်ကး တၢ်အိၣ်ဖှိၣ်အပူၤ, “ယဒီပုၢ်ဝဲၢ်သ့ၣ်ဧၢ, ယမ့ၢ်ပှၤဖၤရံၤၡဲတဂၤ, ပှၤဖၤရံၤၡဲတဖၣ်အဖိခွါလီၤ. ယဘၣ်တၢ်သမံသမိးယၤဖဲအံၤမ့ၢ်လၢယမုၢ်လၢ်ပှၤသံကဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤအဃိလီၤ.”

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

ရိမ့ၤ 11:1

မ့မ့ၢ်ဒ်န့ၣ်ဒီး, ယစံး, မ့ၢ်ကစၢ်ယွၤညိကွံာ်လံအပှၤကလုာ်ဒၣ်ဝဲ န့ၣ်ဧါ. တညိကွံာ်လ့ၤတက့ၤဘၣ်. ယကစၢ်ဒၣ်ယဲယမ့ၢ်ပှၤအံၣ်စရ့လးဖိတဂၤလၢအဟဲလီၤစၢၤလီၤ သွဲၣ်လၢစီၤအၤဘြၤဟၣ်လၢအဘၣ်ဃးဒီးစီၤဘံၣ်ယၤမံၣ်အဒူၣ် န့ၣ်လီၤ.

၂ ကရံၣ်သူး 11:22

အဝဲသ့ၣ်မ့ၢ်ပှၤဧ့ၤဘြံၤဖိတဖၣ်ဧါ. ယဲစ့ၢ်ကီးယမ့ၢ်လီၤ. အဝဲသ့ၣ်မ့ၢ်ပှၤအံၣ်စရ့လးဖိတဖၣ်ဧါ. ယဲစ့ၢ်ကီးယမ့ၢ်လီၤ. အဝဲသ့ၣ်မ့ၢ်စီၤအၤဘြၤဟၣ်အစၢၤအသွဲၣ်ဧါ. ယဲစ့ၢ်ကီးယမ့ၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:6

ပှၤဖလ့ၡသးဖိတဖၣ်နၢ်ဟူတၢ်ကိးပသူထီၣ်ဒီးစံး, “ကနၣ်ကယဲၢ်တၢ်ကိးပသူထီၣ်အသီၣ်လၢပှၤဧ့ၤဘြံၤဖိတဖၣ် အသူၣ်ဒဲ အလီၢ်အပူၤန့ၣ်တက့ၢ်. အခီပညီမ့ၢ်တၢ်မနုၤလဲၣ်.” ဖဲအဝဲသ့ၣ်, သ့ၣ်ညါဝဲလၢယွၤအတၢ်အၢၣ်လီၤအီလီၤအတလါစီဆှံ ဟဲတုၤဆူပှၤဧ့ၤဘြံၤဖိအသူၣ်ဒဲအလီၢ်န့ၣ်,