ဖံလံးပံၤ 3:20 - Sgaw Karen Common Bible

²⁰ မ့မ့ၢ်ပဝဲသ့ၣ်တဖၣ်အံၤ, ပမ့ၢ်မူခိၣ်အဘီဖိမုၢ်ဖိ, ဒီးလၢတၢ်သးဆူၣ်အပူၤပအိၣ်ခိးကွၢ်လၢ်ပပှၤအုၣ်က့ၤခီၣ်က့ၤတၢ်, ကစၢ်ယ့ၣ်ၡူးခရံာ်အတၢ်ကဟဲလၢမူခိၣ်န့ၣ်လီၤ.

ဖံလံးပံၤ 3:20 Iomraidhean Croise

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

တၢ်ကတိၤဒိ. 15:24

ပှၤကူၣ်သ့တဖၣ်ပိာ်ကျဲတဘိလၢအဆှၢထီၣ်တၢ်ဆူထးဆူတၢ်မူလီၤ. တမ့ၢ်ဘၣ်ကျဲလၢအဆှၢလီၤတၢ်ဆူလာ်ဆူတၢ်သံန့ၣ်ဘၣ်.

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်လူၤကၣ် 12:21

ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤလၢအဂၢ်ဖှိၣ်တၢ်ထူးတၢ်တီၤအါအါဂီၢ်ဂီၢ်လၢ အနီၢ်ကစၢ်ဒၣ်ဝဲအဂီၢ်, ဘၣ်ဆၣ်ဒီးတထူးဝဲတီၤဝဲလၢကစၢ် ယွၤအမဲာ်ညါဘၣ်န့ၣ်, တၢ်ကမၤအသးဒီးအီၤဒ်အံၤလီၤ.”

လံာ်လူၤကၣ် 14:14

ဒီးနကဘၣ်တၢ်ဆိၣ်ဂ့ၤနၤလီၤ. အဂ့ၢ်ဒ်အံၤ, အဝဲသ့ၣ်ဟ့ၣ်ဆၢက့ၤနၤတသ့ဘၣ်. ဖဲပှၤဂ့ၤပှၤဝါတဖၣ်ဂဲၤဆၢထၢၣ်သမူထီၣ်က့ၤလၢတၢ်သံအဆၢ ကတီၢ်န့ၣ်, နကဘၣ်တၢ်ဟ့ၣ်ဘျုးက့ၤနၤလၢကစၢ်ယွၤလီၤ.”

မၤတၢ် 1:11

ဒီးစံးဝဲ, “သုဝဲပှၤကီၢ်ကၤလံၤလါဖိသ့ၣ်ဧၢ, ဘၣ်မနုၤသုအိၣ်ဆၢထၢၣ်ဖဲအံၤဒီးကွၢ်ထီၣ်တၢ်ဆူမူခိၣ်န့ၣ်လဲၣ်. ယ့ၣ်ၡူးလၢသုထံၣ်တၢ်ဟံးထီၣ်ကွံာ်အီၤလၢသုအိၣ်ဆူမူခိၣ်တဂၤအံၤ, ကဟဲက့ၤကဒါက့ၤဒ်သုထံၣ်ဘၣ်အလဲၤထီၣ်ဝဲအသိးန့ၣ်လီၤ.”

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

1 ကရံၣ်သူး 15:48

ပှၤလၢအဘၣ်ထွဲဒီးဟီၣ်ခိၣ်တဖၣ်န့ၣ်, လီၤဂာ်ဒီးပှၤတဂၤလၢအဘၣ်တၢ်တ့အီၤလၢဟီၣ်ခိၣ်, မ့မ့ၢ်ပှၤလၢအဘၣ်ထွဲဒီးမူခိၣ်တဖၣ်န့ၣ်, လီၤဂာ်ဒီးပှၤတဂၤလၢအဟဲလၢမူခိၣ်လီၤ.

၂ ကရံၣ်သူး 4:18

အဂ့ၢ်ဒ်အံၤ, ပပာ်ထီၣ်ပတၢ်သးစၢၢ်ဆၢလၢတၢ်လၢအဘၣ် တၢ်ထံၣ်အီၤတဖၣ်အလိၤန့ၣ်တမ့ၢ်ဘၣ်. မ့မ့ၢ်, မ့ၢ်ဝဲလၢတၢ်လၢတၢ်တထံၣ်အီၤတဖၣ်အလိၤတခီလီၤ. တၢ်လၢတၢ်ထံၣ်အီၤသ့န့ၣ်အိၣ်ဒၣ်တစိၢ်တလီၢ်, မ့မ့ၢ်တၢ်လၢတၢ်ထံၣ်အီၤတသ့န့ၣ်အိၣ်ဝဲလီၤထူလီၤ ယိာ်န့ၣ်လီၤ.

၂ ကရံၣ်သူး 5:8

ပလၢပှဲၤဒီးတၢ်သးဒူဒီးဘၣ်ပသးဒိၣ်တက့ၢ်လၢပကပာ်တီၢ် ကွံာ်ပဟံၣ်လၢနီၢ်ခိအပူၤဒီးအိၣ်လၢဟံၣ်ပူၤဒီးကစၢ်န့ၣ်လီၤ.

ကလၤတံ 4:26

မ့မ့ၢ်ယရူၤၡလ့ၣ်လၢအဘၣ်ဃးဒီးမူခိၣ်တဝ့ၢ်န့ၣ်အိၣ်သဘျ့ဝဲ ဒီးအဝဲမ့ၢ်ပမိၢ်န့ၣ်လီၤ.

အ့းဖ့းစူး 2:19

လၢတၢ်န့ၣ်အဃိ, သုဝဲလၢအမ့ၢ်ပှၤကလုာ်အဂၤတဖၣ်န့ၣ် သုတမ့ၢ်ပှၤတခီထံတခီကီၢ်ဖိဒီးပှၤသမှံၤတဖၣ်လၢၤဘၣ်. မ့မ့ၢ်သုမ့ၢ်ပှၤထံဖိကီၢ်ဖိသကိးဒီးကစၢ်ယွၤအပှၤဂီၢ်မုၢ်ဒီး ကစၢ်ယွၤအဒူၣ်ဖိထၢဖိတဖၣ်န့ၣ်လီၤ.

အ့းဖ့းစူး 2:6

ခီဖျိလၢပမူလၢယ့ၣ်ၡူးခရံာ်အပူၤန့ၣ်, ယွၤဒုးဂဲၤဆၢထၢၣ်သမူထီၣ်က့ၤပှၤဃုာ်ဒီးအီၤဒ်သိး ပကပၢဘၣ်တၢ်ဒီးအီၤလၢမူခိၣ်န့ၣ်လီၤ.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.