ဖံလံးပံၤ 3:2 - Sgaw Karen Common Bible

² ပလီၢ်သုသးလၢပှၤတဖၣ်လၢအမၤတၢ်အၢတၢ်သီ, ထွံၣ်တဖၣ်န့ၣ်, ပှၤလၢအမၢဆူၣ်ပှၤကူးတဲာ်အနီၢ်ခိတဖၣ်န့ၣ်တက့ၢ်.

ဖံလံးပံၤ 3:2 Iomraidhean Croise

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 22:16

ပှၤအၢပှၤသီတဖုကဝီၤဃာ်ယၤ, ဖှိၣ်အသးဆူယအိၣ်ဒ်ထွံၣ်တဖၣ်အသိး, အ့ၣ်ဖှီယစုဒီးယခီၣ်လီၤ.

စံးထီၣ်ပတြၢၤ 22:20

မၤပူၤဖျဲးယၤလၢနး, မၤပူၤဖျဲးယသးသမူလၢထွံၣ်တဖၣ်အံၤတက့ၢ်.

တၢ်ကတိၤဒိ. 26:11

ပှၤအမၢးတဂၤလၢအမၤကဒီးတၢ်ဟးဂီၤအတၢ်မၤခံစုတစုတစုန့ၣ်, လီၤဂာ်ဒ်ထွံၣ်တဒုက့ၤကဒါက့ၤဆူအတၢ်ဘှိးအသိးန့ၣ်လီၤ.

လံာ်မးသဲ 24:10

တုၤနုၤတစု, ပှၤအါဂၤကညိကွံာ်အတၢ်စူၢ်တၢ်နာ်ဖဲအကတီၢ်န့ၣ်လီၤ. အဝဲသ့ၣ်ကဆါလီၤအီၣ်ကွံာ်အသးတဂၤဒီးတဂၤဒီးကသးဟ့လိာ် အသးသကိးသကိးလီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

ရိမ့ၤ 2:28

မ့မ့ၢ်ဒ်န့ၣ်ဒီး, ပှၤယူဒၤဖိနီၢ်နီၢ်တဂၤလၢအဒိးဘၣ်တၢ်ကူးတရံး အီၤန့ၣ်, မ့ၢ်မတၤတဂၤလဲၣ်. တမ့ၢ်ပှၤတဂၤလၢအမ့ၢ်ပှၤယူဒၤ ဖိထဲလၢအဖျါလၢခိလၢအဒိးတၢ်ကူးတရံးထဲလၢနီၢ်ခိဧိၤန့ၣ်ဘၣ်.

၂ ကရံၣ်သူး 11:13

ပှၤသ့ၣ်တဖၣ်န့ၣ်တမ့ၢ်ပှၤတၢ်မၢဖိနီၢ်နီၢ်ဘၣ်. အဝဲသ့ၣ်မ့ၢ်ပှၤတၢ်မၢဖိအဘျၣ်တဖၣ်, လၢအကတိၤကဘျံးကဘျၣ်တၢ်ဘၣ်ဃးအတၢ်ဖံးတၢ်မၤအဂ့ၢ်, ဒီးပျိာ်လီၤဆီအသးဒ်သိးအကလီၤဂာ်ဒီးခရံာ်အတၢ်မၢဖိနီၢ် နီၢ်တဖၣ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

၂ ပ့းတရူး 2:22

တၢ်လၢအမၤတ့ၢ်အသးဒီးအဝဲသ့ၣ်န့ၣ်, ဒုးနဲၣ်ဝဲလၢတၢ်ကတိၤဒိတဖၣ်မ့ၢ်ဝဲတီဝဲလီၤ. “ထွံၣ်အီၣ်ကဒါက့ၤတၢ်လၢအဘှီးလီၤဝဲ” ဒီး “ထိးလၢအဘၣ်တၢ်သ့စီအီၤ, က့ၤကဒါက့ၤဆူတၢ်ကလိာ်လၢကပံာ်ကျါ” န့ၣ်လီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.