ဖံလံးပံၤ 2:6 - Sgaw Karen Common Bible

⁶ အဝဲဒၣ်အိၣ်ဒီးကစၢ်ယွၤအက့ၢ်အဂီၤထီဘိ, ဘၣ်ဆၣ်ဒီးတဆိကမိၣ်ဝဲလၢအကြၢးဂုာ်ကျဲးစၢး ဟံးဃာ်တၢ်မ့ၢ်တၢ်ထဲသိးဒီးကစၢ်ယွၤန့ၣ်ဘၣ်.

ဖံလံးပံၤ 2:6 Iomraidhean Croise

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယၡါယၤ 8:8

အဝဲသ့ၣ်ကသုးလီၤအသးချ့ချ့ဒီးခီဂာ်ကီၢ်ယူဒၤဒ်ထံဒိၣ်ခိၣ်ယွၤ လၢအထီၣ်ဘးတုၤဖံဘၣ်ခိၣ်ဒီးလုၣ်ဘၢတၢ်ခဲလၢာ်အသိးန့ၣ်လီၤ.” ယွၤအိၣ်ဒီးပှၤလီၤ. အဒံးဆ့လၢအယၤထီၣ်အသးတဖၣ်ဒီဒၣ် အိၣ်ပှိၤထံကီၢ်ဒီဘ့ၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:33

ပှၤယူဒၤဖိတဖၣ်စံးဆၢအီၤ, “တမ့ၢ်လၢတၢ်မၤအဂ့ၤတမံၤမံၤ အဃိ, ပသးအိၣ်ကွံာ်သံနၤလၢလၢၢ်န့ၣ်ဘၣ်. မ့ၢ်လၢနကတိၤဒုၣ်ဒွဲၣ်စံးအၢယွၤအဃိလီၤ. နမ့ၢ်ဒၣ်ပှၤကညီ တဂၤလီၤ. ဘၣ်ဆၣ်နစံးလီၤနသးလၢနမ့ၢ်ကစၢ်ယွၤလီၤ.”

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 14:28

သုနၢ်ဟူလံယစံးဘၣ်သု, ‘ယကလဲၤတၢ်ဘၣ်ဆၣ် ယကဟဲက့ၤကဒါက့ၤဆူသုအိၣ်လီၤ.’ သုမ့ၢ်အဲၣ်ယၤဒီး, သုကသးခုလၢယကလဲၤဆူပၢ်အအိၣ် အဃိလီၤ. အဂ့ၢ်ဒ်အံၤ, ပၢ်ဒိၣ်န့ၢ်ယၤတက့ၢ်လီၤ.

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 17:5

ပၢ်ဧၢ, ခဲအံၤဟ့ၣ်ယၤတၢ်လၤကပီၤဖဲနအိၣ်အလီၢ်, တၢ်လၤကပီၤတမံၤဃီလၢအအိၣ်ဒီးယၤဖဲယအိၣ်ဒီးနၤ တချုးဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်တက့ၢ်.

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်ယိၤဟၣ် 5:18

တၢ်ကတိၤအံၤမၤဆူၣ်မၤကိၤထီၣ်ပှၤယူဒၤဖိအခိၣ်အနၢ်တဖၣ် အသးအါန့ၢ်အလီၢ်လၢအကမၤသံကွံာ်ယ့ၣ်ၡူး, တမ့ၢ်ထဲလၢအဝဲလုၣ်သ့ၣ်ခါပတာ်မုၢ်အိၣ်ဘှံးနံၤတၢ်သိၣ် တၢ်သီဧိၤဘၣ်. မ့မ့ၢ်, မ့ၢ်လၢအဝဲစံးစ့ၢ်ကီးဝဲလၢ ကစၢ်ယွၤမ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤအဃိ န့ၣ်လီၤ.

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

ရိမ့ၤ 9:5

အဝဲသ့ၣ်ဟဲလီၤစၢၤလၢပၢ်သ့ၣ်လၢပျၢၤဒီးခရံာ်လၢ အလိၣ်ထီၣ်အသးဒ်ပှၤကညီတဂၤအသိးန့ၣ်, မ့ၢ်ပှၤ တကလုာ်ဃီဒီးအဝဲသ့ၣ်လီၤ. မ်ကစၢ်ယွၤလၢအပၢ တၢ်ခဲလၢာ်တဂၤ, ဘၣ်တၢ်စံးထီၣ်ပတြၢၤအီၤလီၤ စိၤလီၤထီတက့ၢ်. အၤမ့ၣ်.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 1:6

မ့မ့ၢ်ဖဲကစၢ်ယွၤကဆှၢလီၤအဖိဝဲၢ်ကိဆူဟီၣ်ခိၣ်န့ၣ် စံးဝဲ, “မ်ကစၢ်ယွၤအကလူးခဲလၢာ်တီၤလီၤဘါအီၤတက့ၢ်.”

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.