ဖံလံးပံၤ 2:5 - Sgaw Karen Common Bible

⁵ တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.

ဖံလံးပံၤ 2:5 Iomraidhean Croise

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်လူၤကၣ် 22:27

မတၤဒိၣ်လဲၣ်. ပှၤတဂၤလၢအဆ့ၣ်နီၤအီၣ်တၢ်ဧါ. မ့တမ့ၢ်ပှၤတဂၤလၢအမၤတၢ်ခ့တၢ်ပှၤအတၢ်မၤလၢ ပှၤဆ့ၣ်နီၤအီၣ်တၢ်အဂီၢ်န့ၣ်လဲၣ်. သပှၢ်ကတၢၢ်, ပှၤလၢအဆ့ၣ်နီၤအီၣ်တၢ်န့ၣ်လီၤ. ဘၣ်ဆၣ်ဒီးယအိၣ်လၢသုသိးသုကျါ ဒ်ပှၤလၢအမၤတၢ်ခ့တၢ်ပှၤအတၢ်မၤတဂၤအသိးလီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

ရိမ့ၤ 14:15

သုမ့ၢ်မၤတံာ်တာ်ဘၣ်သုဒီပုၢ်ဝဲၢ်အသးလၢသုတၢ်အီၣ်တမံၤမံၤ အဃိဒီး, သုမၤတၢ်အံၤတမ့ၢ်လၢတၢ်အဲၣ်တၢ်ကွံအပူၤလၢၤဘၣ်. သုတပျဲတၢ်အီၣ်လၢသုအီၣ်မၤဟးဂီၤကွံာ်ပှၤတဂၤလၢခရံာ် သံလၢအဂီၢ်န့ၣ်တဂ့ၤ.

ရိမ့ၤ 15:3

အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

ရိမ့ၤ 15:5

ဒီးမ်ကစၢ်ယွၤ, လၢအမ့ၢ်တၢ်သူၣ်စူၤသးစူၤဒီးတၢ်ဟ့ၣ် ဂံၢ်ဟ့ၣ်ဘါအဂံၢ်ထံး, မၤစၢၤသုဒ်သိးသုကအိၣ်မူသကိးလၢတၢ်ဃူတၢ်ဖိး အပူၤခီဖျိတၢ်ကွၢ်လိမၤဒိးယ့ၣ်ၡူးခရံာ်,

1 ကရံၣ်သူး 10:33

မ့မ့ၢ်, မၤဒၣ်သုဝဲဒ်ယမၤအသိးတက့ၢ်. လၢတၢ်ဖံးတၢ်မၤတမံၤလၢ်လၢ်လၢယမၤအီၤအပူၤန့ၣ်, ယဂုာ်ကျဲးစၢးမၤဘၣ်ပှၤကိးဂၤဒဲးအသးဒီးယတဃုဒၣ်ယဘျုးဒၣ် ယဲဘၣ်. မ့မ့ၢ်လၢပှၤခဲလၢာ်အဘျုးအဂီၢ်ဒ်သိးအဝဲသ့ၣ်ကတုၤ လၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.

၁ ပ့းတရူး 4:1

မ့ၢ်လၢခရံာ်တူၢ်ဘၣ်တၢ်လၢနီၢ်ခိနီၢ်ခီအဃိ, သုဝဲသ့ၣ်စ့ၢ်ကီးသုကဘၣ်မၤဆူၣ်ထီၣ်သုဂံၢ်သုဘါလၢ တၢ်ပာ်လီၤသးတမံၤဃီဒ်အီၤအသိးန့ၣ်လီၤ. အဂ့ၢ်ဒ်အံၤ, ပှၤတဂၤဂ့ၤတဂၤဂ့ၤလၢအတူၢ်ဘၣ်တၢ်လၢနီၢ်ခိ နီၢ်ခီန့ၣ်, တဘၣ်ဃးဒီးတၢ်ဒဲးဘးလၢၤဘၣ်.

၁ ယိၤဟၣ် 2:6

ပှၤတဂၤဂ့ၤတဂၤဂ့ၤလၢအစံးဝဲလၢအအိၣ်မူလၢယွၤအပူၤန့ၣ်, ကြၢးအိၣ်မူဝဲဒ်ယ့ၣ်ၡူးခရံာ်အိၣ်မူတ့ၢ်ဝဲအသိးန့ၣ်လီၤ.