ဖံလံးပံၤ 2:21 - Sgaw Karen Common Bible

²¹ ပှၤအဂၤကိးဂၤဒဲးကွၢ်တၢ်ထဲလၢအနီၢ်ကစၢ်ဒၣ်ဝဲအတၢ်ဂ့ၢ်တဖၣ် အဂီၢ်ဒီးတမ့ၢ်လၢယ့ၣ်ၡူးခရံာ်အဂ့ၢ်န့ၣ်ဘၣ်.

ဖံလံးပံၤ 2:21 Iomraidhean Croise

လံာ်စီၤပၤခံဘ့ၣ်တဘ့ၣ် 12:6

ဘၣ်ဆၣ်တုၤလီၤလၢစီၤယိၤအၣ်ပၢတၢ်ခံဆံသၢနံၣ်ဒၣ်လဲာ်န့ၣ်ပှၤ လုၢ်တၢ်အခိၣ်တဖၣ်တမၤဂ့ၤထီၣ်က့ၤဘၣ်ဒံးယွၤအတၢ်လုၢ်ဟံၣ်နီ တစဲးဘၣ်န့ၣ်လီၤ.

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

မၤတၢ် 13:13

စီၤပီလူးဒီးပှၤလဲၤဃုာ်တၢ်ဒီးအီၤတဖၣ်ဟးထီၣ်ဖဲဝ့ၢ်ပါပူး ဒီးဒိးကဘီဆူဝ့ၢ်ပ့ၢ်က့ၤဘၣ်ဃးကီၢ်ပၣ်ဖူၤလံန့ၣ်လီၤ. ဖဲန့ၣ်, စီၤယိၤဟၣ်မၢ်ကူးပာ်တ့ၢ်အဝဲသ့ၣ်ဒီးက့ၤက့ၤဝဲဆူဝ့ၢ် ယရူၤၡလ့ၣ်န့ၣ်လီၤ.

မၤတၢ် 15:38

မ့မ့ၢ်စီၤပီလူးထံၣ်လၢအတကြၢးကိးအီၤဘၣ်, အဂ့ၢ်မ့ၢ်လၢအဝဲတလဲၤသကိးတ့ၢ်တၢ်ဒီးအဝဲသ့ၣ်တုၤလၢအတၢ်ဖံး တၢ်မၤဝံၤတစုဘၣ်, မ့မ့ၢ်က့ၤကဒါက့ၤဝဲဒီးပာ်တ့ၢ်အဝဲသ့ၣ်ဖဲကီၢ်ပၣ်ဖူၤလံ အဃိန့ၣ်လီၤ.

1 ကရံၣ်သူး 10:24

ပှၤတကြၢးကွၢ်တၢ်လၢအတၢ်ဘျုးတၢ်ဖှိၣ်ဒၣ်ဝဲအဂီၢ်နီ တဂၤဘၣ်. မ့မ့ၢ်ကဘၣ်ကွၢ်တၢ်လၢပှၤဂၤအတၢ်ဘျုးတၢ်ဖှိၣ် အဂီၢ်လီၤ.

1 ကရံၣ်သူး 10:33

မ့မ့ၢ်, မၤဒၣ်သုဝဲဒ်ယမၤအသိးတက့ၢ်. လၢတၢ်ဖံးတၢ်မၤတမံၤလၢ်လၢ်လၢယမၤအီၤအပူၤန့ၣ်, ယဂုာ်ကျဲးစၢးမၤဘၣ်ပှၤကိးဂၤဒဲးအသးဒီးယတဃုဒၣ်ယဘျုးဒၣ် ယဲဘၣ်. မ့မ့ၢ်လၢပှၤခဲလၢာ်အဘျုးအဂီၢ်ဒ်သိးအဝဲသ့ၣ်ကတုၤ လၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

1 ကရံၣ်သူး 13:5

တၢ်အဲၣ်တၢ်ကွံတအိၣ်ဒီးလုၢ်အၢလၢ်သီမ့ၢ်ဂ့ၤ, တအဲၣ်လီၤ အသးမ့ၢ်ဂ့ၤ, တအ့စိၢ်အ့န့မ့ၢ်ဂ့ၤန့ၣ်ဘၣ်. တၢ်အဲၣ်တၢ်ကွံ တတိၢ်န့ၢ်ဖံးဃာ်တၢ်ကမူၤကမၣ်တဖၣ်ဘၣ်.

၂ ကရံၣ်သူး 1:5

ဒ်ပဒိးန့ၢ်ဃုာ်တၢ်လၢခရံာ်အတၢ်တူၢ်ဘၣ်တၢ်အါအါဂီၢ်ဂီၢ် အပူၤအသိးခီဖျိခရံာ်န့ၣ်, ပဒိးန့ၢ်ဃုာ်တၢ်လၢကစၢ်ယွၤအတၢ်မၤစၢၤအဒိၣ်အမုၢ်အပူၤ န့ၣ်လီၤ.

ဖံလံးပံၤ 2:4

မ်သုဝဲတဂၤဒီးတဂၤကွၢ်တၢ်လၢပှၤဂၤအဂီၢ်တက့ၢ်. သုသုတကွၢ်တၢ်ထဲသုဂီၢ်ဒၣ်သုဝဲတဂ့ၤ.

၂ တံၤမသ့း 1:15

နသ့ၣ်ညါလၢပှၤကိးဂၤဒဲးလၢကီၢ်အၤစံအပူၤ, ဃုာ်ဒီးစီၤဖူက့းလူးဒီးစီၤအ့းရံမိက့းန့ၤတဖၣ်ဟး သဒၣ်ကွံာ်ယၤလံန့ၣ်လီၤ.

၂ တံၤမသ့း 3:2

အဂ့ၢ်ဒ်လဲၣ်န့ၣ်, ပှၤကညီကအဲၣ်လီၤအသး, ကသူၣ်လီသး ကွံစ့, ကပာ်ကဖၢလၢအသးဒီးကပာ်ထီၣ်ထီအသးလီၤ. အဝဲသ့ၣ်ကကဲထီၣ်ပှၤလၢကကတိၤဒုၣ်ဒွဲၣ်တၢ်, တစူၢ်မိၢ်ပၢ်ဘၣ်, တသ့ၣ်ညါတၢ်ဘျုးတၢ်ဖှိၣ်ဒီးတသ့ၣ်ညါ ထူသ့ၣ်ညါယွၤဘၣ်.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.