ဖံလံးပံၤ 1:29 - Sgaw Karen Common Bible

²⁹ သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

ဖံလံးပံၤ 1:29 Iomraidhean Croise

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

မၤတၢ် 13:39

ဒီးလၢပှၤစူၢ်က့ၤနာ်က့ၤအီၤကိးဂၤဒဲးန့ၣ်, ဘၣ်တၢ်ဒုးထူၣ်ဖျဲးထီၣ်ကွံာ်အီၤလၢတၢ်ဒဲးဘးခဲလၢာ်လၢစီၤ မိၤၡ့အတၢ်သိၣ်တၢ်သီဒုးထူၣ်ဖျဲးထီၣ်ကွံာ်အီၤတသ့ဘၣ်အဂ့ၢ် န့ၣ်လီၤ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 5:3

ဒီးပသးခုဒီးပာ်ကဖၢလၢစ့ၢ်ကီးပသးလၢပတၢ်ကီတၢ်ခဲ တဖၣ်အပူၤ, မ့ၢ်လၢပသ့ၣ်ညါလၢတၢ်ကီတၢ်ခဲဒုးအိၣ်ထီၣ် တၢ်သ့တူၢ်တၢ်,

အ့းဖ့းစူး 2:8

အဂ့ၢ်ဒ်အံၤ, မ့ၢ်လၢကစၢ်ယွၤအဘျုးအဖှိၣ်အဃိ သုဘၣ်တၢ်အုၣ်က့ၤခီၣ်က့ၤသုခီဖျိသုတၢ်နာ်န့ၣ်လီၤ. တမ့ၢ်တၢ်လၢသုမၤန့ၢ်ဒၣ်သုတၢ်ဒၣ်သုဝဲန့ၣ်ဘၣ်, မ့ၢ်ကစၢ်ယွၤအတၢ်ဟ့ၣ်န့ၣ်လီၤ.

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.

ယၤကိာ် 1:2

ယဒီပုၢ်ဝဲၢ်သ့ၣ်ဧၢ, တုၤတၢ်မၤကွၢ်အကလုာ်ကလုာ်ဟဲဘၣ် သုဒီးပာ်အီၤဒ်အမ့ၢ်တၢ်သးခုလၢသုဂီၢ်တက့ၢ်.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.