ဖံလံးပံၤ 1:26 - Sgaw Karen Common Bible

²⁶ ဒ်သိးဖဲယလဲၤကဒီးဆူသုအိၣ်န့ၣ်, သုကဒိးန့ၢ်အါထီၣ်တၢ်ဂ့ၢ်လၢသုကပာ်ကဖၢလၢသုသးလၢ ယဃိလၢသုတၢ်အိၣ်မူလၢယ့ၣ်ၡူးခရံာ်အပူၤန့ၣ်လီၤ.

ဖံလံးပံၤ 1:26 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယိၤဟၣ် 16:22

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ.

လံာ်ယိၤဟၣ် 16:24

တုၤအခဲအံၤန့ၣ်, သုတဃ့တၢ်နီတမံၤလၢယမံၤဒံးဘၣ်. ဃ့တၢ်တက့ၢ်. ဒီးသုကန့ၢ်ဘၣ်တၢ်, ဒ်သိးသုတၢ်သူၣ်ခုသးခုကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

၂ ကရံၣ်သူး 1:14

ဒ်သိးဖဲပကစၢ်ယ့ၣ်ၡူးအမုၢ်တနံၤန့ၣ်, သုကပာ်ကဖၢလၢသုသး လၢပဃိဒ်ပကပာ်ကဖၢလၢပသးလၢသုဃိအသိးန့ၣ်လီၤ.

၂ ကရံၣ်သူး 5:12

တမ့ၢ်ပဂုာ်ကျဲးစၢးကဒီးဒ်သိးပကစံးပတြၢၤလီၤက့ၤပသး လၢသုမဲာ်ညါန့ၣ်ဘၣ်. မ့မ့ၢ်ပဂုာ်ကျဲးစၢးဟ့ၣ်သုတၢ်ဂ့ၢ်အကြၢးအဘၣ်ဒီးသုကပာ်ထီၣ် ထီသုသးလၢပဃိ, ဒ်သိးသုစံးဆၢက့ၤပှၤလၢအပာ်ကဖၢလၢအသးဘၣ်ဃး ပှၤကညီတဂၤအတၢ်အိၣ်ဖျါလၢခိဒီးတမ့ၢ်အသကဲာ်ပဝးဘၣ် တဖၣ်န့ၣ်ကသ့ဝဲအဂီၢ်လီၤ.

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

ကလၤတံ 6:4

ပှၤတဂၤဘၣ်တဂၤကြၢးစံၣ်ညီၣ်အကစၢ်ဒၣ်ဝဲအသကဲာ်ပဝးဒီး အတၢ်မၤန့ၣ်လီၤ. တၢ်လၢအမၤတ့ၢ်ဝဲမ့မ့ၢ်တၢ်အဂ့ၤဒီးအဝဲပာ်ကဖၢလၢအသး လၢတၢ်လၢအမၤတ့ၢ်ဝဲအဃိသ့, ဒီးအလီၢ်တအိၣ်လၢအကထိၣ်သတြီၤဝဲဒီးတၢ်လၢပှၤဂၤတဖၣ် မၤတ့ၢ်ဝဲန့ၣ်ဘၣ်.

ဖံလံးပံၤ 3:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သူၣ်ခုသးခုလၢသုတၢ်မ့ၢ်တၢ်တမံၤဃီဒီးကစၢ်ခရံာ်အဃိ န့ၣ်တက့ၢ်. ယကတဲကဒီး တၢ်လၢယကွဲးတ့ၢ်လံလၢညါန့ၣ်တမ့ၢ်တၢ်တံာ်တာ်လၢ ယဂီၢ်ဘၣ်, ဒီးယမ့ၢ်မၤဒ်န့ၣ်မးဒီးတၢ်လီၤဘၣ်ယိၣ်လၢသုဂီၢ် ကစှၤလီၤဝဲလီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဖံလံးပံၤ 4:10

ယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ်လဲၣ်န့ၣ်, လၢဆၢကတီၢ်ဖးယံာ်ဝံၤအလီၢ်ခံသုဒိးန့ၢ်ဘၣ်ကဒီးတၢ် အခွဲးအယာ်လၢသုကပာ်ဖျါသုတၢ်သူၣ်အိၣ်သးအိၣ်ယၤ န့ၣ်လီၤ. တမ့ၢ်ယစံးလၢသုတသူၣ်အိၣ်သးအိၣ်ယၤလၢၤ န့ၣ်ဘၣ်. မ့ၢ်ဒၣ်လၢအခွဲးအယာ်တအိၣ်လၢသုကပာ်ဖျါ ထီၣ်အီၤအဂီၢ်အဃိန့ၣ်လီၤ.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.