ဖံလံးပံၤ 1:19 - Sgaw Karen Common Bible

¹⁹ အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.

ဖံလံးပံၤ 1:19 Iomraidhean Croise

မၤတၢ် 16:7

ဖဲအဝဲသ့ၣ်လဲၤတုၤမူၤစံအကီၢ်ဆၢန့ၣ်, ဂုာ်ကျဲးစၢးလဲၤနုာ်ဝဲဆူကီၢ်ဘံၤသူၤနံဘၣ်ဆၣ် ဒီးယ့ၣ်ၡူးအသးတပျဲအဝဲသ့ၣ်ဘၣ်.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

၂ ကရံၣ်သူး 1:11

မ့ၢ်လၢသုမၤစၢၤပှၤခီဖျိသုတၢ်ထုကဖၣ်လၢပဂီၢ် အဃိန့ၣ်လီၤ. လၢတၢ်န့ၣ်အဃိ, တၢ်ကမၤအသးလၢတၢ်ထုကဖၣ်အါယုၢ်လၢပဂီၢ်ကဘၣ် တၢ်စံးဆၢအီၤ, ဒီးကစၢ်ယွၤကဆိၣ်ဂ့ၤပှၤဒီးပှၤအါဒံအါဂၤ ကထုထီၣ်အကလုၢ်ဆူအအိၣ်လၢတၢ်စံးဘျုးစံးဖှိၣ်အီၤလၢ ပဂီၢ်န့ၣ်လီၤ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

ဖံလံးပံၤ 1:18

ဒ်လဲၣ်ဂ့ၤဒ်လဲၣ်ဂ့ၤန့ၣ်, တဘၣ်တၢ်နီတမံၤဘၣ်. ယသးခုယဲလၢတၢ်မၤတ့ၢ်အသးတဖၣ်အဃိလီၤ. တၢ်ပာ်သူၣ်ပာ်သးကမၣ်မ့ၢ်ဂ့ၤ, ဘၣ်မ့ၢ်ဂ့ၤ, ခရံာ်အဂ့ၢ်မ့ၢ်ဘၣ်တၢ်စံၣ်တဲၤတဲလီၤအီၤတသ့ဖဲအသ့လၢကျဲ တဘိဂ့ၤတဘိဂ့ၤန့ၣ်ဒီး, ယကသးခုဒံးယဲဆူညါန့ၣ်လီၤ.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.