ဖံလံးပံၤ 1:18 - Sgaw Karen Common Bible

¹⁸ ဒ်လဲၣ်ဂ့ၤဒ်လဲၣ်ဂ့ၤန့ၣ်, တဘၣ်တၢ်နီတမံၤဘၣ်. ယသးခုယဲလၢတၢ်မၤတ့ၢ်အသးတဖၣ်အဃိလီၤ. တၢ်ပာ်သူၣ်ပာ်သးကမၣ်မ့ၢ်ဂ့ၤ, ဘၣ်မ့ၢ်ဂ့ၤ, ခရံာ်အဂ့ၢ်မ့ၢ်ဘၣ်တၢ်စံၣ်တဲၤတဲလီၤအီၤတသ့ဖဲအသ့လၢကျဲ တဘိဂ့ၤတဘိဂ့ၤန့ၣ်ဒီး, ယကသးခုဒံးယဲဆူညါန့ၣ်လီၤ.

ဖံလံးပံၤ 1:18 Iomraidhean Croise

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မၢ်ကူး 12:40

အဝဲသ့ၣ်ဂုာ်ဆူၣ်ပျိဆူၣ်မုၣ်ကမဲတဖၣ်အဟံၣ်ဒီးအစုလီၢ်ခီၣ် ခိၣ်, ဒီးပာ်မၤအသးဒ်အမ့ၢ်ပှၤဂ့ၤပှၤဝါအသိးခီဖျိတၢ်ဃ့ထု ကဖၣ်တၢ်ထီထီကလဲာ်န့ၣ်လီၤ. လၢမုၢ်စံၣ်ညီၣ်အနံၤန့ၣ်အဝဲသ့ၣ်ကဘၣ်တၢ်စံၣ်ညီၣ်အီၤနးန့ၢ် ပှၤဂၤတက့ၢ်န့ၣ်လီၤ.”

လံာ်လူၤကၣ် 9:45

ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.

လံာ်လူၤကၣ် 9:50

ယ့ၣ်ၡူးစံးဘၣ်အီၤဒီးအပျဲၢ်အဘီၣ်အဂၤတဖၣ်, “တဘၣ်ဂုာ်ကျဲးစၢးတြီအီၤတဂ့ၤ. ပှၤလၢအတထီဒါသုန့ၣ်မ့ၢ်ပှၤလၢအအိၣ်ပှိၤသုလီၤ.”

ရိမ့ၤ 3:9

မ့မ့ၢ်ဒ်န့ၣ်ဒီး, ပဝဲပှၤယူဒၤဖိတဖၣ်မ့ၢ်ပဂ့ၤန့ၢ်ဒံးပှၤ ကလုာ်ဂၤတဖၣ်န့ၣ်ဧါ. တမ့ၢ်ဒ်န့ၣ်ဘၣ်. ယပာ်ဖျါတ့ၢ်လၢပှၤယူဒၤဖိဒီးပှၤကလုာ်ဂၤခဲလၢာ်အိၣ် ဒၣ်လၢတၢ်ဒဲးဘးအစိကမီၤအဖီလာ်ဒ်သိးသိးန့ၣ်လီၤ.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

1 ကရံၣ်သူး 10:19

လၢတၢ်အံၤအဃိမ့ၢ်ယစံးလၢတၢ်ဂီၤတၢ်ဖှီၣ်တဒုမ့တမ့ၢ်တၢ်အီၣ်လၢ အဘၣ်တၢ်လုၢ်ထီၣ်ဆူအီၤန့ၣ်, မ့ၢ်တၢ်တမံၤမံၤန့ၣ်ဧါ.

1 ကရံၣ်သူး 14:15

မ့မ့ၢ်ဒ်န့ၣ်ဒီးယကမၤယဲဒ်လဲၣ်. ယကဃ့ဘါထုကဖၣ်တၢ်လၢယနီၢ် သးဘၣ်ဆၣ်ဒီးယကဃ့ဘါထုကဖၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ. ယကသးဝံၣ်တၢ်လၢယနီၢ်သး, ဘၣ်ဆၣ်ဒီးယကသးဝံၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ.

1 ကရံၣ်သူး 15:11

လၢတၢ်န့ၣ်အဃိ, မ့ၢ်တၢ်ဟဲလၢယအိၣ်မ့ၢ်ဂ့ၤ, လၢအဝဲသ့ၣ် အအိၣ်မ့ၢ်ဂ့ၤ, အဝဲအံၤမ့ၢ်တၢ်လၢပဝဲကိးဂၤဒဲးပစံၣ်တဲၤတဲလီၤဒီး အဝဲအံၤမ့ၢ်တၢ်လၢသုစူၢ်သုနာ်န့ၣ်လီၤ.

ဖံလံးပံၤ 1:19

အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.