ဖံလံးပံၤ 1:17 - Sgaw Karen Common Bible

¹⁷ ပှၤအဂၤတဖၣ်တစံၣ်တဲၤတဲလီၤခရံာ်အဂ့ၢ်လၢတၢ်သးတီ အပူၤဘၣ်, မ့မ့ၢ်တခီ, လၢအသးဆူၣ်မၤန့ၢ်တၢ်လၢအကစၢ်ဒၣ်ဝဲအဘျုးအဂီၢ်န့ၣ်လီၤ. အဝဲသ့ၣ်ဆိကမိၣ်ဝဲလၢအကမၤအါထီၣ်တၢ်ကီတၢ်ခဲလၢ ယဂီၢ်ဖဲယအိၣ်လၢဃိာ်ပူၤအဆၢကတီၢ်န့ၣ်လီၤ.

ဖံလံးပံၤ 1:17 Iomraidhean Croise

လံာ်လူၤကၣ် 21:14

ပာ်သူၣ်ပာ်သးဒ်သိးသုသုတကတဲာ်ကတီၤဆိပာ်သုသးလၢ သုကကတိၤဒီဒၣ်သုသးဒ်လဲၣ်ဒ်လဲၣ်အဂ့ၢ်န့ၣ်တဂ့ၤ.

မၤတၢ် 22:1

ဒီပုၢ်ဒီဝဲၢ်, ဒီးပၢ်သ့ၣ်ဧၢ, ဒိကနၣ်ယတၢ်ကတိၤဒီဒၣ်ယသးလၢသုမဲာ်ညါအံၤတက့ၢ်.

မၤတၢ် 26:1

စီၤပၤအကြံးပၤစံးဘၣ်စီၤပီလူး, “နအိၣ်ဒီးတၢ်ပျဲလၢနကစံးကတိၤတၢ်လၢနဂီၢ်ဒၣ်နဲလီၤ.” စီၤပီလူးယူာ်ထီၣ်အစုဒီးကတိၤဒီဒၣ်အသးဒ်လၢလာ်အသိး လီၤ.

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

ရိမ့ၤ 2:8

ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

ဖံလံးပံၤ 1:18

ဒ်လဲၣ်ဂ့ၤဒ်လဲၣ်ဂ့ၤန့ၣ်, တဘၣ်တၢ်နီတမံၤဘၣ်. ယသးခုယဲလၢတၢ်မၤတ့ၢ်အသးတဖၣ်အဃိလီၤ. တၢ်ပာ်သူၣ်ပာ်သးကမၣ်မ့ၢ်ဂ့ၤ, ဘၣ်မ့ၢ်ဂ့ၤ, ခရံာ်အဂ့ၢ်မ့ၢ်ဘၣ်တၢ်စံၣ်တဲၤတဲလီၤအီၤတသ့ဖဲအသ့လၢကျဲ တဘိဂ့ၤတဘိဂ့ၤန့ၣ်ဒီး, ယကသးခုဒံးယဲဆူညါန့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.