ဖံလံးပံၤ 1:13 - Sgaw Karen Common Bible

¹³ လၢတၢ်အံၤအဃိ, သုးဖိလၢအခိးစီၤပၤအနူၢ်အစီၤကိးဂၤဒဲး, ဒီးပှၤဂၤတဖၣ်လၢအအိၣ်ဝဲဖဲအံၤခဲလၢာ်သ့ၣ်ညါဝဲလၢ ယအိၣ်ဘၣ်လၢဃိာ်ပူၤန့ၣ်မ့ၢ်လၢယမ့ၢ်ခရံာ်အခ့အပှၤတဂၤ အဃိလီၤ.

ဖံလံးပံၤ 1:13 Iomraidhean Croise

မၤတၢ် 26:29

စီၤပီလူးစံးဆၢဝဲ, “လၢအဆၢကတီၢ်ဖုၣ်ကိာ်ဖိအပူၤမ့ၢ်ဂ့ၤ, လၢဆၢကတီၢ်ဖးယံာ်အပူၤမ့ၢ်ဂ့ၤ, မ့တမ့ၢ်ဘၣ်လၢထးပျံၤအတၢ်စၢဃာ်အံၤဘၣ်ဒီးယတၢ်ထု ကဖၣ်ကစၢ်ယွၤမ့ၢ်ဒ်သိးနၤဒီးပှၤဂၤလၢအနၢ်ဟူယတၢ်စံး တၢ်ကတိၤလၢမုၢ်မဆါတနံၤအံၤခဲလၢာ်, ကကဲထီၣ်ဒ်ယၤ အသိးန့ၣ်လီၤ.”

မၤတၢ် 26:31

ဒီးဖဲအဝဲသ့ၣ်ဟးထီၣ်ဝံၤအလီၢ်ခံန့ၣ်, စံးလိာ်အသးတဂၤဒီးတဂၤ, “ပှၤတဂၤအံၤတမၤတ့ၢ်တၢ်လၢအကြၢး ဒီးတၢ်သံမ့ၢ်ဂ့ၤ, တၢ်ဒၢနုာ်အီၤလၢဃိာ်ပူၤမ့ၢ်ဂ့ၤနီတမံၤဘၣ်.”

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

မၤတၢ် 28:20

လၢတၢ်န့ၣ်အဃိ, ယဃ့ထံၣ်ဒီးဃ့ကတိၤဘၣ်တၢ်ဒီးသု, အဂ့ၢ်ဒ်အံၤယဘၣ်တၢ်စၢဃာ်ယၤလၢပျံၤထးအံၤ, မ့ၢ်ဒၣ်လၢပှၤလၢပှၤအံၣ်စရ့လးဖိပာ်ထီၣ်အတၢ်မုၢ်လၢ် လၢအလိၤတဂၤန့ၣ်အဃိလီၤ.”

မၤတၢ် 28:30

လၢခံနံၣ်အတီၢ်ပူၤန့ၣ်, စီၤပီလူးအိၣ်ဝဲဖဲတၢ်လီၢ်လၢအနီၢ်ကစၢ်ဒိး လဲဝဲဒီးတူၢ်လိာ်ခီၣ်ဆၢကယဲၢ်ပှၤလၢအဟဲအိၣ်သကိးအီၤတဖၣ် လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

ဖံလံးပံၤ 1:30

သုဝဲဒီးယၤ ပအိၣ်ဒီးတၢ်ဒုးတၢ်ယၤတမံၤဃီလီၤ. မ့ၢ်တၢ်ဒုးတၢ်ယၤတမံၤဃီလၢသုထံၣ်ယဒုးတ့ၢ်အီၤလၢ အပူၤကွံာ်, ဒီးဒ်သုနၢ်ဟူတ့ၢ်အသိး, ယဒုးဒံးယဲခဲအံၤန့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ဖံလံးပံၤ 4:22

ကစၢ်ယွၤအပှၤဂီၢ်မုၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါ တဖၣ်လီၤဆီဒၣ်တၢ်ဆူပှၤလၢအဘၣ်ဃးဒီးစီၤပၤအနီတဖၣ် အအိၣ်န့ၣ်လီၤ.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.