ဖံၤလ့မိၣ် 1:5 - Sgaw Karen Common Bible

⁵ အဂ့ၢ်မ့ၢ်လၢယနၢ်ဟူဘၣ်တၢ်အဲၣ်တၢ်ကွံဒီးတၢ်စူၢ်တၢ်နာ်လၢ အအိၣ်ဒီးနၤလၢကစၢ်ယ့ၣ်ၡူးဒီးပှၤစီဆှံခဲလၢာ်တဖၣ်အဂီၢ် အဃိန့ၣ်လီၤ.

ဖံၤလ့မိၣ် 1:5 Iomraidhean Croise

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

1 ကရံၣ်သူး 16:1

ခဲကနံၣ်အံၤ, ဘၣ်ထွဲဒီးတၢ်လၢသုကွဲးတ့ၢ်သုဝဲဘၣ်ဃးတိၢ်လၢသု ကထၢဖှိၣ်အီၤလၢသုကမၤစၢၤယွၤအပှၤဂီၢ်မုၢ်ဖဲကီၢ်ယူဒၤတဖၣ် အဂီၢ်န့ၣ်, သုကဘၣ်မၤသုဝဲဒ်ယစံးဘၣ်တဲဘၣ်တ့ၢ်တၢ်အိၣ်ဖှိၣ် တဖၣ်ဖဲကီၢ်ကလၤတံလၢအကမၤဝဲန့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 1:15

လၢတၢ်ဂ့ၢ်အံၤအဃိ, စးထီၣ်လၢယနၢ်ဟူဘၣ်သုတၢ်စူၢ်တၢ်နာ်က့ၤကစၢ်ယ့ၣ်ၡူး အဂ့ၢ်ဒီးလၢသုတၢ်အဲၣ်ဘၣ်ကစၢ်ယွၤအပှၤဂီၢ်မုၢ်ခဲလၢာ် အဂ့ၢ်လံၤလံၤန့ၣ်,

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

၁ သ့းစၤလနံ 3:6

မ့မ့ၢ်ခဲကနံၣ်အံၤ, စီၤတံၤမသ့းဟဲက့ၤတုၤလံ, ဒီးအဝဲဒၣ်ဟဲက့ၤစိာ်တၢ်ကစီၣ်အမုာ်ဘၣ်ဃးသုတၢ်စူၢ် တၢ်နာ်ဒီးသုတၢ်အဲၣ်တၢ်ကွံအဂ့ၢ်န့ၣ်လီၤ. အဝဲဒၣ်စံးဘၣ်ပှၤလၢသုသ့ၣ်နီၣ်ထီၣ်ပှၤထီဘိလၢတၢ်သူၣ်မုာ် သးမုာ်အပူၤဒီးလၢသုဆၢထံၣ်ဘၣ်ပှၤထဲသိးဒီးပဆၢ ထံၣ်ဘၣ်သုန့ၣ်လီၤ.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

၁ ယိၤဟၣ် 3:23

တၢ်လၢအဝဲမၤလိာ်မ့ၢ်အအံၤ, လၢပစူၢ်က့ၤနာ်က့ၤတၢ်လၢအဖိခွါယ့ၣ်ၡူးခရံာ်အမံၤအပူၤ, ဒီးအဲၣ်လိာ်ကွံလိာ်ပသးတဂၤဒီးတဂၤဒ်ခရံာ်မၤလိာ်တ့ၢ်ဝဲအသိးန့ၣ်လီၤ.