ဖံၤလ့မိၣ် 1:17 - Sgaw Karen Common Bible

¹⁷ လၢတၢ်န့ၣ်အဃိ, နမ့ၢ်ပာ်ယၤဒ်နပှၤမၤသကိးတၢ်တဂၤအသိး ဒီးတူၢ်လိာ်က့ၤအီၤဒ်နကတူၢ်လိာ်ဘၣ်ယၤအသိးန့ၣ်တက့ၢ်.

ဖံၤလ့မိၣ် 1:17 Iomraidhean Croise

လံာ်မးသဲ 10:40

ပှၤတဂၤလၢ်လၢ်လၢအတူၢ်လိာ်သုန့ၣ်တူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်တူၢ်လိာ်ပှၤလၢ အမၢလီၤယၤတဂၤန့ၣ်လီၤ.

လံာ်မးသဲ 18:5

ပှၤတဂၤလၢ်လၢ်လၢအတူၢ်လိာ်ဖိသၣ်ဒ်အံၤတဂၤလၢယမံၤန့ၣ်, မ့ၢ်အတူၢ်လိာ်ယၤလီၤ.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

၂ ကရံၣ်သူး 8:23

မ့မ့ၢ်စီၤတံတူးန့ၣ်, အဝဲဒၣ်မ့ၢ်ယတံၤသကိးဒီးမၤဃုာ်တၢ်ဒီးယၤလၢ တၢ်မၤစၢၤသုအဂီၢ်လီၤ. မ့မ့ၢ်ဒီပုၢ်ဝဲၢ်အဂၤတဖၣ်လၢအလဲၤ ဃုာ်ဒီးအီၤန့ၣ်, အဝဲသ့ၣ်မ့ၢ်တၢ်အိၣ်ဖှိၣ်တဖၣ်အခၢၣ်စးဒီးစိာ် တၢ်လၤကပီၤလၢခရံာ်အဂီၢ်န့ၣ်လီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

၁ တံၤမသ့း 6:2

ကုၢ်လၢအဘၣ်ဃးဒီးကစၢ်တဖၣ်လၢအစူၢ်က့ၤနာ်က့ၤတၢ်န့ၣ်, တဘၣ်မၤဆံးလီၤစှၤလီၤတၢ်ယူးယီၣ်ပာ်ကဲအဝဲသ့ၣ်မ့ၢ်လၢ အမ့ၢ်အဒီပုၢ်ဝဲၢ်တဖၣ်အဃိန့ၣ်တဂ့ၤ. မ့မ့ၢ်, အဝဲသ့ၣ်ကဘၣ်မၤတၢ်ဂ့ၤဒိၣ်ဒၣ်တၢ်တက့ၢ်, မ့ၢ်လၢပှၤတဖၣ်လၢအဘၣ်ဘျုးလၢအဝဲသ့ၣ်အတၢ်မၤန့ၣ်, မ့ၢ်ပှၤစူၢ်က့ၤနာ်က့ၤတၢ်တဖၣ်လၢအဝဲသ့ၣ်အဲၣ်ဘၣ်အီၤ အဃိန့ၣ်လီၤ. နဘၣ်သိၣ်လိသီလိဒီးသဆၣ်ထီၣ်အဝဲသ့ၣ်အခံဒ်သိးအကမၤ တၢ်သ့ၣ်တဖၣ်အံၤလီၤ.

ဖံၤလ့မိၣ် 1:10

ယဃ့ကညးနၤလၢစီၤအီးန့ၤစံမူးအခၢၣ်စးလီၤ. အဝဲမ့ၢ်ယဖိခွါဒၣ်ယဲလၢခရံာ်အပူၤလၢယထီၣ်ဖိန့ၢ်အီၤဒီးကဲ ထီၣ်အပၢ်လၢသူၣ်လၢသးဖဲယမ့ၢ်ယဲပှၤဃိာ်ဖိအခါန့ၣ်လီၤ.

ဖံၤလ့မိၣ် 1:12

အခဲအံၤယဆှၢက့ၤအီၤဆူနအိၣ်, ဒီးယသးလဲၤဃုာ်တၢ်ဒီးအီၤလီၤ.

ဖံၤလ့မိၣ် 1:18

အဝဲမ့ၢ်မၤကမၣ်ဘၣ်နၤဒီးအကမၢ်မ့ၢ်အိၣ်လၢနအိၣ်ဒီးပာ်အီၤဒ် ယကမၢ်ဒၣ်ယဲအသိးန့ၣ်တက့ၢ်.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.