ဖံၤလ့မိၣ် 1:12 - Sgaw Karen Common Bible

¹² အခဲအံၤယဆှၢက့ၤအီၤဆူနအိၣ်, ဒီးယသးလဲၤဃုာ်တၢ်ဒီးအီၤလီၤ.

ဖံၤလ့မိၣ် 1:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:11

ဒီးစီၤဒၤဝံးစံးဘၣ်စီၤအဘံၡဲၤဒီးပဒိၣ်ပပှၢ်ခဲလၢာ်ဒ်အံၤ, “ယဖိခွါဒၣ်ယဲန့ၣ်ကျဲးစၢးဝဲဒ်သိးကမၤသံယၤလီၤ. လၢတၢ်န့ၣ်အဃိဘၣ်မနုၤလၢသုကဘၣ်ကမၢကမၣ်လၢပှၤဘံၣ်ယၤမံၣ်ဖိ တဂၤအံၤအဃိန့ၣ်လဲၣ်. ယွၤတဲတ့ၢ်အီၤလၢကဆိၣ်အၢတၢ်အဃိ, ပာ်တ့ၢ်အီၤထဲတဂၤဧိၤဒီးပျဲအမၤတၢ်န့ၣ်တက့ၢ်.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်မၢ်ကူး 11:25

ဒီးတုၤသုဆၢထၢၣ်ဃ့ထုကဖၣ်ယွၤဒီး, ပှၤတဂၤလၢ်လၢ်အတၢ်ကမၣ်လၢသုစၢဃာ်လၢသုသးပူၤထီဒါအီၤမ့ၢ် အိၣ်တမံၤမံၤန့ၣ်, ပျၢ်ကွံာ်အီၤတက့ၢ်. လၢသုပျၢ်ပှၤဂၤအတၢ်ကမၣ်အဃိသုပၢ်အိၣ်လၢမူခိၣ်ကပျၢ်စ့ၢ် ကီးသုမၤကမၣ်တၢ်တဖၣ်လီၤ.

လံာ်လူၤကၣ် 15:20

လၢတၢ်န့ၣ်အဃိအဝဲဒၣ်ဂဲၤဆၢထၢၣ်ဒီးက့ၤကဒါက့ၤဝဲဆူအပၢ် အအိၣ်လီၤ. ဖဲအဝဲဒၣ်အိၣ်စီၤစုၤယံၤဒံးလၢအဟံၣ်န့ၣ်, အပၢ်ထံၣ်အီၤ, အသးပူၤပှဲၤဒီးတၢ်သးကညီၤဒီးအဝဲဒၣ်ဃ့ၢ်ဝဲ, ဖိးဃာ်အဖိခွါဒီးနၢမူအီၤလီၤ.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

ဖံၤလ့မိၣ် 1:11

လၢအပူၤကွံာ်န့ၣ်အဝဲတကဲဘျုးလၢနဂီၢ်ဘၣ်. ဘၣ်ဆၣ်ဒီးအခဲအံၤအဝဲကဲဘျုးနီၢ်နီၢ်လၢနဂီၢ်ဒီးလၢ ယဂီၢ်လီၤ.

ဖံၤလ့မိၣ် 1:13

ယသးအိၣ်ကိးဃာ်အီၤလၢယသကိးဖဲယလီၤဘၣ်ဃိာ်လၢတၢ်သးခု ကစီၣ်အဃိ, ဒ်သိးဒီးအကမၤစၢၤယၤလၢနလီၢ်န့ၣ်လီၤ.