ဖံၤလ့မိၣ် 1:1 - Sgaw Karen Common Bible

¹ လၢစီၤပီလူး, ပှၤလီၤဘၣ်ဃိာ်လၢယ့ၣ်ၡူးခရံာ်အဃိ, ဒီးပဒီပုၢ်ဝဲၢ်စီၤတံၤမသ့း, ဆူ, ပတံၤသကိး, ပှၤမၤသကိးတၢ်ဒီးပှၤစီၤဖံၤလ့မိၣ်,

ဖံၤလ့မိၣ် 1:1 Iomraidhean Croise

မၤတၢ် 16:1

စီၤပီလူးလဲၤဆူညါဆူဝ့ၢ်ဒ့ၢ်ဘ့ၤဒီးဝ့ၢ်လူစတြၤလီၤ. ဖဲဝ့ၢ်လူစတြၤန့ၣ်အပျဲၢ်အဘီၣ်အိၣ်ဝဲတဂၤလၢအမံၤမ့ၢ်စီၤတံၤမသ့း, ဒီးအဝဲဒၣ်အမိၢ်လၢအမ့ၢ်စ့ၢ်ကီးပှၤစူၢ်က့ၤနာ်က့ၤတၢ်တဂၤ န့ၣ်မ့ၢ်ဝဲပှၤယူဒၤမုၣ်, ဘၣ်ဆၣ်အပၢ်မ့ၢ်ပှၤကြံးခ်ဖိတဂၤန့ၣ်လီၤ.

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

ဖံလံးပံၤ 2:25

ယဆိကမိၣ်တ့ၢ်လၢအလီၢ်အိၣ်ဝဲဒၣ်လၢယကဆှၢလီၤပဒီပုၢ်ဝဲၢ် စီၤအ့းပၤဖရီးဒံတူးဆူသုအိၣ်, ပှၤလၢအမၤတ့ၢ်တၢ်ဒီးဒုးတ့ၢ်တၢ်ဒီးယၤဒီးမ့ၢ်တ့ၢ်သုခၢၣ် စးလၢအဟဲမၤစၢၤယၤန့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ကလီးစဲ 1:1

လၢ, စီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ် ယွၤအတၢ်ဘၣ်အသးဒီးပဒီပုၢ်ဝဲၢ်စီၤတံၤမသ့း,

ကလီးစဲ 4:11

စီၤယ့ၣ်ၡူးလၢအဘၣ်တၢ်ကိးစ့ၢ်ကီးလၢစီၤယူစတူးတဂၤ ဆှၢလီၤစ့ၢ်ကီးအတၢ်ဆၢဂ့ၤဆၢဝါဆူသုအိၣ်လီၤ. ထဲအဝဲသ့ၣ်သၢဂၤဧိၤမ့ၢ်ပှၤယူဒၤဖိလၢအစူၢ်က့ၤနာ်က့ၤခရံာ် လၢအမၤသကိးတၢ်ဒီးယၤလၢယွၤအဘီအမုၢ်အပူၤဒီး ကဲထီၣ်တၢ်မၤစၢၤအဒိၣ်အအါလၢယဂီၢ်န့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၂ သ့းစၤလနံ 1:1

လၢစီၤပီလူး, စီၤစံလၤ, ဒီးစီၤတံၤမသ့း, ဆူသ့းစၤလနံအတၢ်အိၣ်ဖှိၣ်ဖိတဖၣ်လၢအဘၣ်ဃးဒီး ပပၢ်ကစၢ်ယွၤဒီးကစၢ်ယ့ၣ်ၡူးခရံာ်အအိၣ်,

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

ဖံၤလ့မိၣ် 1:23

ပှၤလၢအလီၤဘၣ်ဃိာ်လၢယ့ၣ်ၡူးခရံာ်အဃိဒီးယၤ, စီၤအ့းပၤဖြါဆှၢလီၤအတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.