လံာ်ဧိၤဘါဒယၤ 1:9 - Sgaw Karen Common Bible

⁹ ပှၤဒုးသုးဖိတဖၣ်လၢဝ့ၢ်တ့ၤမၣ်အပူၤကပျံၤတၢ် ဒီးကယဲၢ်ပှၤသုးဖိတဖၣ်လၢကီၢ်အဒိၣ်ပူၤန့ၣ်ကဘၣ်တၢ်မၤသံကွံာ် အီၤလီၤ.

Sgaw Mason Bible

⁹ တ့ၤမၣ်ဧၢ, နပှၤအဆူၣ်တဖၣ်ကပျံၤတၢ်, ဒ်သိးကယဲၢ်ပှၤလၢဧ့ၡီၤအကစၢၢ်လိၤန့ၣ် ကဘၣ်တၢ်မၤသံအီၤလီၤ.-

လံာ်ဧိၤဘါဒယၤ 1:9 Iomraidhean Croise

လံာ်တၢ်ကဲထီၣ်အခီၣ်ထံး 36:11

ဒီးစီၤအလံဖးစးအိၣ်ဒီးအဖိခွါယဲၢ်ဂၤလၢအမ့ၢ်ဝဲစီၤတ့ၤ မၣ်, စီၤအိမၢ်, စီၤစဖိၤ, စီၤကၤတၣ်ဒီးစီၤကနးစးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:45

စီၤဃူၡၣ်လၢကီၢ်တ့ၤမၣ်အလီၢ်ကဝီၤ,

လံာ်စီၤယိၤဘး 2:11

ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

လံာ်ယံးရမံယၤ 49:20

အဃိဒီး, ဒိကနၣ်ယတၢ်ကူၣ်ကျဲၤလၢ ယမၤအီၤထီဒါ ကီၢ်အဒိၣ်အပှၤဂီၢ်မုၢ်ဒီး တၢ်လၢယတိာ်အီၤလၢယကမၤဘၣ် ဝ့ၢ်တ့ၤမၣ် အပှၤဂီၢ်မုၢ်န့ၣ်တက့ၢ်. အဝဲသ့ၣ်အဖိတဖၣ်ဒၣ်လဲာ် ကဘၣ်တၢ်တွံၢ်ထီၣ်ကွံာ်အီၤဒီး ပှၤကိးဂၤဒဲးကပျံၤတၢ်ဖုးတၢ် န့ၣ်လီၤ.

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယဃ့းစက့လး 25:13

ခဲကနံၣ်အံၤ, ယဘိးဘၣ်သ့ၣ်ညါလၢယကစံၣ်ညီၣ်ကီၢ်အဒိၣ်ဒီးမၤသံ ကွံာ်ကယဲၢ်ပှၤကညီဒီးဆၣ်ဖိကီၢ်ဖိခဲလၢာ်န့ၣ်လီၤ. ယကဒုးကဲထီၣ်အီၤလၢတၢ်အိၣ်သယုၢ်အလီၢ်တတီၤစးထီၣ်လၢဝ့ၢ်တ့ၤ မၣ်တုၤဆူဝ့ၢ်ဒံဒၣ်ဒီးပှၤဂီၢ်မုၢ်ကဘၣ်တၢ်မၤသံအီၤ လၢတၢ်ဒုးပျီပူၤန့ၣ်လီၤ.

လံာ်ဧၤမိၣ် 1:12

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်တ့ၤမၣ်ဒီးဒွဲၣ်အူကွံာ် အတိာ်ဧိၤတာ်ဧိၤလၢဘိးစရၤတဖၣ်န့ၣ်လီၤ.”

လံာ်ဧၤမိၣ် 2:16

လၢမုၢ်တနံၤန့ၣ်ပှၤသုးဖိလၢအဒူအဃိၤကတၢၢ်တဖၣ် ဒၣ်လဲာ်ကတ့ၢ်လီၤကွံာ်အစုကဝဲၤဒီးဃ့ၢ်ကွံာ်လီၤ.” ယွၤကတိၤလံတၢ်လံ.

လံာ်ဧိၤဘါဒယၤ 1:21

ဝ့ၢ်ယရူၤၡလ့ၣ်အပှၤမၤနၢၤတၢ်တဖၣ်ကဟဲထီၣ်ဒုးကီၢ်အဒိၣ်ဒီးမၤနၢၤကွံာ်အီၤလီၤ. ဒီးယွၤအနီၢ်ကစၢ်ဒၣ်ဝဲကမ့ၢ်စီၤပၤန့ၣ်လီၤ.

လံာ်ဧိၤဘါဒယၤ 1:5

ဖဲတၢ်ဟုၣ်တၢ်ဘျၣ်တဖၣ်ဟဲဆူနအိၣ်, လၢမုၢ်နၤန့ၣ်, ကဟံးန့ၢ်ထဲတၢ်လၢအသးလီဝဲဧိၤန့ၣ်လီၤ. ဖဲပှၤထၢဖှိၣ်စပံးသၣ်တဖၣ်ဟဲဝဲန့ၣ် ထီဘိပာ်လီၤတဲာ်ဒံးတၤသၣ်အိၣ်ပြါ မ့မ့ၢ်နဒုၣ်နဒါတဖၣ်ကမၤဟးဂီၤနၤလၢာ်လၢာ်ဆ့ဆ့လီၤ.

လံာ်နၤဃူၣ် 3:13

နပှၤသုးမုၢ်သံၣ်ဘိလီၤဂာ်ဒ်ပိာ်မုၣ်ပိာ်မၢၤအသိး, ဒီးနထံနကီၢ်ကဆၢထၢၣ်လၢနဒုၣ်နဒါတဖၣ်အမဲာ်ညါတအိၣ်ဘၣ်ဒီးတၢ် ဒီသဒၢအီၤဘၣ်လီၤ. မ့ၣ်အူကမၤဟးဂီၤကွံာ်နတြဲၤတဖၣ်အနီၣ်ဘိ တဖၣ်န့ၣ်လီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

လံာ်သိၣ်လီၤသီလီၤတၢ် 2:5

ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.