လံာ်ဧိၤဘါဒယၤ 1:7 - Sgaw Karen Common Bible

⁷ ပှၤလၢအဒီတံၤဒီသကိးတ့ၢ်ဒီးသုခဲလၢာ်လီန့ၢ်သုလံ ဒီးနီၣ်ထီၣ်ကွံာ်လံသုလၢသုကီၢ်အပူၤ, ပှၤလၢအအိၣ်ဃူအိၣ်ဖိးဒီးသုတဖၣ်မၤနၢၤသုလံ, သုတံၤသုသကိးလၢသုနာ်န့ၢ်အီၤတဖၣ်ပာ်လီၤလံ ပျံၤသကွီၤလၢသုဂီၢ် ဒီးစံး, “အတၢ်ကူၣ်သ့ကူၣ်ဘၣ်လၢအအိၣ်ဒီးအီၤခဲလၢာ်န့ၣ်အိၣ်ဖဲလဲၣ်” န့ၣ်လီၤ.

Sgaw Mason Bible

⁷ ကယဲၢ်ပှၤကညီလၢ နအၢၣ်လီၤအီလီၤတၢ်ဒီးအီၤန့ၣ် ဟီထီၣ်နၤဆူကီၢ်အဃၢၤ, ပှၤလၢအအိၣ်ဃူအိၣ်ဖိးဒီးနၤ တဖၣ်န့ၣ်လီန့ၢ်နၤ, ဒီးမၤနၢၤနၤလီၤ. ပှၤလၢအအီၣ်န ကိၣ်န့ၣ် ပာ်နီၣ်ဆဲးလၢနဖီလာ်လီၤ. တၢ်ကူၣ်တၢ်ဆး န့ၣ်တအိၣ်ဘၣ်လၢအပူၤဘၣ်.

လံာ်ဧိၤဘါဒယၤ 1:7 Iomraidhean Croise

စံးထီၣ်ပတြၢၤ 41:10

ယွၤဧၢ, သးကညီၤလၢ်ယၤဒီး ဒုးအိၣ်ဆူၣ်အိၣ်ချ့ထီၣ်က့ၤယၤ ဒ်သိးယကဟ့ၣ်ကၣ်ဘၣ်က့ၤယဒုၣ်ယဒါ တဖၣ်အဂီၢ်န့ၣ်တက့ၢ်.

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 38:22

လၢတၢ်ထံၣ်လၢညါ ခီအံၤအပူၤန့ၣ်, ယထံၣ်ဘၣ် လၢပိာ်မုၣ်တဖၣ် လၢအအိၣ်တီၢ်လၢ ကီၢ်ယူဒၤ အစီၤပၤအနူၢ်ပူၤန့ၣ် ဘၣ်တၢ်ဆှၢထီၣ်အီၤဆူကီၢ် ဘၤဘူၤလိၣ်အစီၤပၤ အပဒိၣ်ပပှၢ်တဖၣ် အအိၣ်န့ၣ်လီၤ. ဒီးဖဲအဝဲသ့ၣ်လဲၤတၢ်အခါ စံးကတိၤတၢ်မနုၤလဲၣ်န့ၣ်, ဒိကနၣ်တက့ၢ်. စီၤပၤအတံၤသကိး အဂ့ၤကတၢၢ်တဖၣ်ဆှၢကမၣ်အီၤ, အဝဲသ့ၣ်ထီဒါကွံာ်အဝဲအတၢ်စံၣ်ညီၣ်လံ. ဒီးခဲအံၤ, ဖဲအဝဲအခီၣ်လီၤဘျၢကွံာ်လၢ ကပံာ်အကျါန့ၣ်, အတံၤသကိးတဖၣ် ဟးသဒၣ်ကွံာ်အီၤလံ”

လံာ်ယံးရမံယၤ 4:30

ဝ့ၢ်ယရူၤၡလ့ၣ်ဧၢ, နဘၣ်တၢ်စံၣ်ညီၣ်ဃါမနၤလီၤ. နကူထီၣ်ကၤထီၣ်လၢတၢ်ဂီၤဆှုၣ်ကလာ်ဘၣ်မနုၤအဃိလဲၣ်. နတကယၢကယဲနသးလၢတၢ်မျၢ်ပလဲ, ခဲၣ်နမဲာ်ချံတဖၣ်ဘၣ်မနုၤအဃိ လဲၣ်. နမၤဃံမၤလၤနသးကလီကလီလီၤ. ပှၤလၢအအဲၣ်နၤတဖၣ်ညိကွံာ်တ့ၢ်လံနၤ ဒီးသးအိၣ်မၤသံနၤလီၤ.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).