လံာ်ဧိၤဘါဒယၤ 1:5 - Sgaw Karen Common Bible

⁵ ဖဲတၢ်ဟုၣ်တၢ်ဘျၣ်တဖၣ်ဟဲဆူနအိၣ်, လၢမုၢ်နၤန့ၣ်, ကဟံးန့ၢ်ထဲတၢ်လၢအသးလီဝဲဧိၤန့ၣ်လီၤ. ဖဲပှၤထၢဖှိၣ်စပံးသၣ်တဖၣ်ဟဲဝဲန့ၣ် ထီဘိပာ်လီၤတဲာ်ဒံးတၤသၣ်အိၣ်ပြါ မ့မ့ၢ်နဒုၣ်နဒါတဖၣ်ကမၤဟးဂီၤနၤလၢာ်လၢာ်ဆ့ဆ့လီၤ.

Sgaw Mason Bible

⁵ ပှၤဟုၣ်တၢ်မ့ၢ်ဟဲဆူနအိၣ်, တ မျာ်မ့ၢ်ဟဲလၢမုၢ်နၤဒီး, (နဟးဂီၤဆံးဒိၣ်လဲၣ်) ကဟုၣ် တၢ်တုၤအဂီၢ်အါလံ, တမ့ၢ်ဘၣ်ဧါ. ပှၤထၢဖှိၣ်စပံးသၣ် တဖၣ်မ့ၢ်ဟဲဆူနအိၣ်ဒီး, ကပာ်လီၤတဲာ်တၤသၣ်အိၣ်ပြံ ပြါတနီၤတမ့ၢ်ဘၣ်ဧါ.

လံာ်ဧိၤဘါဒယၤ 1:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:19

“လၢကီၢ်အံၣ်စရ့လးအတၢ်လူၢ်တဖၣ်အဖီခိၣ်န့ၣ်ပခိၣ်ပနၢ်တဖၣ်သံဝဲလံ. ပှၤအဒူကတၢၢ်လၢပပှၤသုးဖိတဖၣ်အကျါလီၤဃံၤကွံာ်ဝဲလံ.

လံာ်ယၡါယၤ 14:12

ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်ယၡါယၤ 17:6

ပှၤအိၣ်မူတ့ၢ်ကမ့ၢ်ဒၣ်ထဲပှၤစှၤဂၤဧိၤ, ဒီးကီၢ်အံၣ်စရ့လးက မၤသးဒ်သ့ၣ်စၤယံးတထံးလၢတၢ်ဒဲးကွံာ်အသၣ်ခဲလၢာ်, ဒီးတၢ်အိၣ်လီၤတဲာ်မ့ၢ်ဒၣ်ထဲလၢအစိးနါခံဖျၢၣ်သၢဖျၢၣ်ဒီး စှၤဖျၢၣ်လၢအဒ့လၢလာ်တဖၣ်အလိၤန့ၣ်လီၤ. ယၤ, ကီၢ်အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယၡါယၤ 24:13

တၢ်အံၤမ့ၢ်တၢ်လၢအကမၤအသးလၢပှၤကိးကလုာ်ဒဲးလၢ ဟီၣ်ခိၣ်ဒီဘ့ၣ်လီၤ. ကမၤအသးဒ်ကူးတၢ်အကတီၢ်ကတၢၢ် ဝဲအသိး, ဖဲသ့ၣ်စၤယံးအထူၣ်ခဲလၢာ်ဘၣ်တၢ်တီၢ်လီၤဆှုကွံာ် အီၤဒီးစပံးသၣ်လၢခံကတၢၢ်တဖၣ်ဘၣ်တၢ်ဒ့အီၤလၢစပံးမုၢ် တဖၣ်အလိၤအသိးန့ၣ်လီၤ.

လံာ်ယံးရမံယၤ 49:9

ဖဲပှၤပိာ်ခွါတဖၣ် ဒဲးစပံးသၣ်တဖၣ်န့ၣ်, အဝဲသ့ၣ်ပာ်တီၢ်ဝဲစှၤဖျၢၣ်လၢ စပံးမုၢ်အလိၤ, ဒီးဖဲတမျိၤတမျာ်တဖၣ်ဟဲဝဲလၢ မနၤခီအဆၢကတီၢ်န့ၣ်, အဝဲသ့ၣ်ဟံးန့ၢ်ဝဲ ထဲဒၣ်တၢ်လၢ အသးလီၤဝဲန့ၣ်လီၤ.

လံာ်ယံးရမံယၤ 50:23

ကီၢ်ဘၤဘူၤလိၣ်တီၢ်ကၢ်တီၢ်လီၤကလဲဟီၣ်ခိၣ်ဒီးခဲကနံၣ်အံၤ အခံၣ်ခူၣ်န့ၣ်ဘၣ်တၢ်မၤလီၤကလဲအီၤလံ. ပှၤကလုာ်ခဲလၢာ်ကမၢကမၣ်ဝဲလၢ တၢ်လၢအမၤတ့ၢ်အသးဒီး ကီၢ်အဝဲန့ၣ်န့ၣ်လီၤ.

လံာ်ယံးရမံယၤ 6:9

ယွၤသ့တၢ်လၢာ်စံးဘၣ်ယၤ, “ကီၢ်အံၣ်စရ့လးကဘၣ်တၢ်ဘ့ၣ်ကွံာ် အီးကွံာ်အီၤစီဖ့ကလ့ၤဒ်စပံးလီၢ်တလီၢ်လၢစပံးသၣ်ကိးဖျၢၣ်ဒဲး ဘၣ်တၢ်ဒ့ကွံာ်ဒဲးကွံာ်အီၤအသိးန့ၣ်လီၤ. အဃိဒီး, ဖဲတၢ်ဆၢကတီၢ်အိၣ်ဒံးအဖၢမုၢ်ဒီး ဖဲနမၤသ့န့ၣ်နကဘၣ်မၤပူၤဖျဲးပှၤကိးဂၤဒဲးလီၤ.”

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်ဧိၤဘါဒယၤ 1:9

ပှၤဒုးသုးဖိတဖၣ်လၢဝ့ၢ်တ့ၤမၣ်အပူၤကပျံၤတၢ် ဒီးကယဲၢ်ပှၤသုးဖိတဖၣ်လၢကီၢ်အဒိၣ်ပူၤန့ၣ်ကဘၣ်တၢ်မၤသံကွံာ် အီၤလီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်သိၣ်လီၤသီလီၤတၢ် 24:21

ဒီးဖဲသုဒဲးက့ၤသုစပံးသၣ်တဖၣ်ဝံၤတဘျီန့ၣ်, က့ၤဒဲးကဒါက့ၤတၢ်လၢစပံးမုၢ်တဖၣ်အအိၣ်ခံဘျီတဘျီတဂ့ၤ. စပံးသၣ်တဖၣ်လၢအအိၣ်လီၤတဲာ်န့ၣ်ကမ့ၢ်လၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်အဂီၢ်န့ၣ်လီၤ.

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”