လံာ်ဧိၤဘါဒယၤ 1:20 - Sgaw Karen Common Bible

²⁰ ပှၤအံၣ်စရ့လးဖိလၢကလံၤစိးလၢအဘၣ်တၢ်စိာ်မၢကဲကုၢ်အီၤတဖၣ် အသုးမုၢ်ကဟဲက့ၤဒီးကမၤန့ၢ်က့ၤကီၢ်ဖံၤနံက့ၤတုၤလၢဝ့ၢ်စၤရဖးသးလီၤ. ပှၤယရူၤၡလ့ၣ်ဖိလၢအဘၣ်တၢ်စိာ်မၢကဲကုၢ်အီၤဆူဝ့ၢ်စဖၤရးတဖၣ် ကမၤန့ၢ်က့ၤဝ့ၢ်တဖၣ်လၢကီၢ်ယူဒၤကလံၤထံးတခီလီၤ.

Sgaw Mason Bible

²⁰ ဒီးပှၤအံၣ်စရ့လးဖိအပှၤဂီၢ်မုၢ်လၢအကဲကုၢ်လၢပှၤ ကနၤဧၣ်ဖိအကျါပၢၢ်လၢစၤရဖၤသး, ဒီးပှၤယရူၤၡလ့ၣ် ဖိလၢအကဲကုၢ်လၢစဖၤရးအပူၤသ့ၣ်တဖၣ်န့ၣ် ကမၤန့ၢ် ဝ့ၢ်တဖၣ်လၢကလံၤထံးတခီလီၤ.

လံာ်ဧိၤဘါဒယၤ 1:20 Iomraidhean Croise

လံာ်ယံးရမံယၤ 13:19

ကီၢ်ယူဒၤကလံၤထံးအဝ့ၢ်တဖၣ်ဘၣ်တၢ်ကဝီၤဃာ်အီၤလံ. ပှၤလဲၤခီဂာ်အဝဲသ့ၣ်တသ့နီတဂၤဘၣ်. ကီၢ်ယူဒၤအပှၤဂီၢ်မုၢ် ခဲလၢာ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အပူၤလံန့ၣ်လီၤ.

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 32:44

ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ. တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ, ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ န့ၣ်လီၤ. ယကပာ်က့ၤယပှၤဂီၢ်မုၢ်လၢ အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:13

လၢဝ့ၢ်လၢ အအိၣ်လၢတၢ်လူၢ်တၢ်တြီၤတဖၣ်အပူၤ, လၢတၢ်လီၢ်တဖၣ်လၢ တၢ်လူၢ်အခီၣ်ထံးဒီး လၢကီၢ် ယူဒၤကလံၤထံးအပူၤ, လၢဘံၣ်ယၤမံၣ်အဒူၣ်အလီၢ် ကဝီၤပူၤ, လၢဝ့ၢ်ယရူၤၡလ့ၣ်အခိၣ်အဃၢၤဒူသဝီတဖၣ်အပူၤ, ဒီးလၢကီၢ်ယူဒၤအဝ့ၢ်တဖၣ် အပူၤန့ၣ်, ပှၤကွၢ်သိတဖၣ် ကဂံၢ်ကဒီး အသိတဖၣ်အသီတဘျီလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယဃ့းစက့လး 36:12

ယကဟဲက့ၤစိာ်ကဒါက့ၤသုဝဲ, ယပှၤဂီၢ်မုၢ်အံၣ်စရ့လးဒ်သိး သုကအိၣ်ဆိးကဒီးလၢကီၢ်ပူၤအဂီၢ်န့ၣ်လီၤ. တၢ်န့ၣ်ကမ့ၢ် သုကီၢ်ဒၣ်သုဝဲ, ဒီးတဒုးသူၣ်ဝံၤသၣ်စ့ၤကဒီးဘၣ်သုဖိတဖၣ်လၢၤဘၣ်.

လံာ်လူၤကၣ် 4:26

ဘၣ်ဆၣ်ဒီးဝံအ့ၤလံယၤတဘၣ်တၢ်ဆှၢလီၤအီၤဆူ ပှၤလၢကီၢ်အံၣ်စရ့လးအပူၤနီတဂၤအအိၣ်ဘၣ်. မ့မ့ၢ်အဝဲဘၣ်တၢ်ဆှၢလီၤဒၣ်အီၤဆူမုၣ်ကမဲအိၣ်ဖဲ ဝ့ၢ်စၤရဖၤသးဘၣ်ဃးဒီးကီၢ်စံဒိၣ်တဂၤအအိၣ်လီၤ.