လံာ်ဧိၤဘါဒယၤ 1:1 - Sgaw Karen Common Bible

¹ အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.

Sgaw Mason Bible

¹ စီၤဧိၤဘါဒယၤအထံၣ်တၢ်လၢညါခီ.ကစၢ်ယွၤစံးလၢ အဒိၣ်အဂ့ၢ်အကျိၤဒ်အံၤ, ပနၢ်ဟူ တၢ်အကစီၣ်လၢယွၤ, ဒီးတၢ်မၢလီၤကလူးတဂၤဆူပှၤ ကလုာ်တဖၣ်အကျါလီၤ. ဂဲၤဆၢထၢၣ်, ဂဲၤဆၢထၢၣ် သကိးထီဒါအီၤလၢဒုးသုးအပူၤတက့ၢ်.

လံာ်ဧိၤဘါဒယၤ 1:1 Iomraidhean Croise

လံာ်တၢ်ကဲထီၣ်အခီၣ်ထံး 25:30

ဒီးစံးဘၣ်စီၤယၤကိာ်, “ယသၣ်ဝံၤလီၤဒိလၢာ်လံ. ဟ့ၣ်ယၤလၢတၢ်အီၣ်ဖါဂီၤအံၤတနီၤတက့ၢ်.” (မၤသးဒ်န့ၣ်ဒီးပှၤကိးအမံၤလၢအဒိၣ်လီၤ.)

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်တၢ်ကဲထီၣ်အခီၣ်ထံး 36:9

ဒီးအအံၤမ့ၢ်စီၤဧ့ၡီၤ, ပှၤအဒိၣ်ဖိသ့ၣ်တဖၣ်အပၢ်လၢပျၢၤအစၢၤ အသွဲၣ်တဖၣ်န့ၣ်လီၤ.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

လံာ်ယၡါယၤ 21:11

အအံၤမ့ၢ်တၢ်ကစီၣ်ဘၣ်ဃးကီၢ်အဒိၣ်အဂ့ၢ်န့ၣ်လီၤ. ပှၤတဂၤကိးဃီၤတၢ်ဆူယအိၣ်လၢကီၢ်အဒိၣ်တခီဒီးစံး, “ပှၤခိးတၢ်ဖိဧၢ, မုၢ်နၤကလၢာ်ကွံာ်ဝဲဖဲလဲၣ်အခါလဲၣ်. ကကတၢၢ်အခါဖဲလဲၣ်န့ၣ်တဲဘၣ်ယၤတက့ၢ်.”

လံာ်ယၡါယၤ 21:12

ယစံးဆၢအီၤ, “မုၢ်ဂီၤဟဲဝဲလံ, ဘၣ်ဆၣ်မုၢ်နၤကဟဲကဒီး လီၤ. နမ့ၢ်အဲၣ်ဒိးသံကွၢ်ကဒီးန့ၣ်, ဟဲက့ၤကဒါက့ၤဒီးသံကွၢ် တက့ၢ်.”

လံာ်ယၡါယၤ 30:4

အဝဲသ့ၣ်အထံကီၢ်ခၢၣ်စးတဖၣ်မ့ၢ်လဲၤတုၤလံဆူပှၤအဲၤကူပတူး ဖိအဝ့ၢ်တဖၣ်လၢအမ့ၢ်ဝဲစိၤဧၣ်ဒီးဃါန့ၤဒၣ်လဲာ်န့ၣ်,

လံာ်ယံးရမံယၤ 25:17

အန့ၣ်ဒီး, ယဟံးန့ၢ်လီခီလၢ ယွၤအစုပူၤဒီးဟ့ၣ်လီၤအီၤဆူ ပှၤကလုာ်ခဲလၢာ်လၢ ယွၤမၢယလဲၤဆူ အအိၣ်, ဒီးမၢအဝဲ သ့ၣ်အီအီၤန့ၣ်လီၤ.

လံာ်ယံးရမံယၤ 25:21

ပှၤဂီၢ်မုၢ်ခဲလၢာ်လၢ ကီၢ်အဒိၣ်, ကီၢ်မိၤအး, ဒီးကီၢ်ဧၣ်မိၣ်,

လံာ်ယံးရမံယၤ 51:46

လၢတၢ်ကစီၣ်ပစိၣ်ပစ့လၢ သုနၢ်ဟူဘၣ်အဃိန့ၣ်သးဟးဂီၤဒီးပျံၤတၢ်တဂ့ၤ. ကိးနံၣ်ဒဲးန့ၣ်, တၢ်ကစီၣ်ပစိၣ်ပစ့လီၤဆီရၤလီၤအသး ဘၣ်ဃးတၢ်မၤဆူၣ်မၤစိးအဂ့ၢ်လၢ ထံလီၢ်ကီၢ်ပူၤ, ဒီးဘၣ်ဃးဒီးစီၤပၤတဂၤဒုးလိာ်အသးဒီး စီၤပၤ အဂၤတဂၤအဂ့ၢ်န့ၣ်လီၤ.

လံာ်ယဃ့းစက့လး 35:1

ယွၤကတိၤတၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢကီၢ်အဒိၣ် ကြၢးဘၣ်တၢ်စံၣ်ညီၣ်န့ၣ်တက့ၢ်.

လံာ်ယိၤအ့လး 3:19

ကီၢ်အဲၤကူပတူးကကဲထီၣ်တၢ်ဃ့ထီအလီၢ်တတီၤ, ဒီးကီၢ်အဒိၣ်ကကဲထီၣ်တၢ်ဟးဂီၤအလီၢ်တပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ထီဒါကီၢ်ယူဒၤဒီးမၤသံ အပှၤဂီၢ်မုၢ်လၢအတၢ်ဒဲးဘးတအိၣ်ဘၣ်န့ၣ်လီၤ.

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

လံာ်မးသဲ 24:6

သုကနၢ်ဟူဘၣ်တၢ်ဒုးတၢ်ယၤလၢအဘူးတဖၣ်အသီၣ်အသဲ, ဒီးတၢ်ဒုးတၢ်ယၤလၢအယံၤတဖၣ်အကစီၣ် ဘၣ်ဆၣ်ဒီးတဘၣ် သူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်ဒီး, တမ့ၢ်ဒံးဘၣ်တၢ်အစိၤအကတၢၢ်တုၤဃီၤလံန့ၣ်ဘၣ်.

လံာ်မၢ်ကူး 13:7

ဒီးတုၤသုနၢ်ဟူဘၣ်တၢ်ဒုးတၢ်ယၤသီၣ်ထီၣ်သဲထီၣ်ဖဲတၢ်လီၢ် ဘူးဒီးသု, ဒီးသုမ့ၢ်န့ၢ်ဘၣ်တၢ်ကစီၣ်လၢတၢ်ဒုးတၢ်ယၤအိၣ်ထီၣ် စ့ၢ်ကီးလၢအယံၤန့ၣ်, သုတသူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်တမ့ၢ်ဒံးတၢ်အစိၤကတၢၢ်ဘၣ်.